Connect with us

ព័ត៌មានជាតិ

លោក អ៊ូ ច័ន្ទរ័ត្ន និងលោក ផាន់ ច័ន្ទស័ក្តិ ឆ្លើយតបទៅកាន់ គណ បក្សខ្មែរតែមួយ

បានផុស

នៅ

លោក ផាន់ ច័ន្ទស័ក្តិ ​និងលោក អ៊ូ ច័ន្ទរ័ត្ន ដែលជាសហស្ថាបនិកម្នាក់របស់ «គណបក្សកែទម្រង់​កម្ពុជា» បាន​ថ្លែងប្រាប់​កម្ពុជាថ្មី ទាក់ទងទៅនឹងការលើកឡើង របស់​គណបក្សមួយ ដែល​​​ថា ​អតីត​មេដឹក​នាំ CNRP កំពុងបង្កើតសេនារីយោថ្មី ដោយបែងចែកក្រុមការងារជា៣ ដើម្បីបោកយកសន្លឹកឆ្នោត នៅ​ក្នុង​​ការបោះឆ្នោតឆ្នាំ​២០២២ និង២០២៣ ខាងមុខ។

លោក អ៊ូ ច័ន្ទរ័ត្ន​ ថ្លែងថា លោកមិនដឹងគណបក្សនោះ​ បានប្រភពពីណាទេ តែអាចជា​ការវាយ​ប្រ​ហារ​គ្នា។ ទោះជាយ៉ាងណា លោកសារភាពថា លោកមិនដឹងការពិតយ៉ាងណាទេ។ លោក អ៊ូ ច័ន្ទរ័ត្ន​ ​បញ្ជា​ក់យ៉ាងដូច្នេះថា «ខ្ញុំអានមើលទៅដូចជា មិនដឹងគាត់បានប្រភពមកពីណាពីណី ខ្ញុំ​មិន​ដឹងការពិតយ៉ាងណាដែរទេ ប៉ុន្តែហ្នឹងជួនកាលជាការវាយប្រហារគ្នា ចោទគ្នា ទៅវិញ​ទៅ​មក​ សុទ្ធតែ​ជា​​រឿង​ត្រូវ​ប្រគួតប្រជែងគ្នា ដូច្នេះខ្ញុំមិនមានយោបល់អីលើបញ្ហានេះទេ»។

ចំណែកលោក ផាន់ ច័ន្ទស័ក្តិ​ អតីតជាមនុស្ស​ស្និទ្ធ នឹងលោក កឹម សុខា ​ហើយបច្ចុប្បន្ន​ជាមន្ត្រីជាន់ខ្ពស់គណបក្សកែទម្រង់កម្ពុជា​ផងដែរនោះ បានលើកឡើងថា ការលើកឡើងរបស់​គណ​បក្សនោះ ជាការលើកឡើងដោយគ្មានតម្លៃ គ្មានទំងន់ផ្នែកនយោបាយអ្វីទេ ពីព្រោះជាការវាយតម្លៃដោយខ្លួនឯង សន្និ​ដ្ឋានដោយខ្លួន​ឯងជាមុន ខណៈការបោះឆ្នោតមិនទាន់មកដល់ផង​។​​

បើតាមលោក ផាន់ ច័ន្ទស័ក្តិ​​ នៅក្នុងយន្តការនយោបាយ ការរៀបចំ និងអាចអនុវត្តគោលនយោបាយរបស់គណបក្សនយោបាយមួយបាន នៅជុំវិញពិភពលោក ទាល់តែគណបក្សនយោបាយនោះឈ្នះឆ្នោត ទើបគោលនយោបាយនានា របស់គណបក្ស​ ​ដែលបានសន្យាមុខម្ចាស់ឆ្នោត ត្រូវបានយកមកអនុវត្ត​។ យើងបង្កើតគណបក្សនយោបាយ គោលបំណងទីមួយ​ គឺចង់បានការគាំទ្រ មានការគាំទ្រទើបយើងទទួលបានសន្លឹកឆ្នោត តែបើការលើកឡើងថា គណបក្សខែ្មរតែមួយ មិនចង់បានសន្លឹកឆ្នោត វាផ្ទុយពីទន្សនះវិជ្ជានយោបាយ ក្នុងការបង្កើ​តគណបក្ស​នយោបាយ​។

លោកថា សម្រាប់គណបក្ស​កែទម្រង់​កម្ពុជា មានសេចក្តីប្រាថ្នាច្បាស់លាស់ គឺទី១, ចូលរួមប្រគួតប្រជេងតាមរយះការបោះឆ្នោតមួយដោយសេចក្តីថ្លៃថ្នូរ ទី២, ចង់បានការរួបរួមអ្នកប្រជាធិបតេយ្យ​ពិតប្រាកដ ទី៣, បំបាត់នយោបាយ មានអែងអត់អញ់ មានអញ់អត់ឯង ទី៤, បោះ​ឆ្នោត​ចាញ់ឈ្នះ ជារឿងធម្មតា គោរពតាមឆន្ទះប្រជាពលរដ្ឋ ដែលជាម្ចាស់ឆ្នោត​ ទី៥, រស់នៅក្រោម​ដំបូលរាជបល្លង្គ ដែលមានអង្គរមហាក្សត្ររបស់យើង ទី៦, គោរពសា្មរតីរដ្ឋធម្មនុញ នៃព្រះរាជាណាចក្រកម្ពុជា ទី៧, មិនប្រើហឹង្សា មិនជ្រុលនិយម និងមិនរើស​អើង​គ្នា ក្នុងសង្គមជាតិ​។​

គួររំលឹកថា កាលពីថ្ងៃទី១៣ ខែសីហា ម្សិលមិញ ​គណប​ក្សខ្មែរតែមួយ ដែលត្រូវបានបង្កើតឡើងដោយក្រុមលោក កែម រិទ្ធិសិត ប្អូនប្រុសលោក កែម ឡី បាន​បង្ហើបពីការបង្កើតសេនារីយោថ្មីៗមួយ ដោយអតីតមេដឹកនាំ CNRP ប៉ុន្តែ​បានអះអាងថា នោះគ្រាន់តែធ្វើជានុយ ឬ​អន្ទាក់​​នយោបាយថ្មី ដើម្បីបន្តបន្លំភ្នែកប្រជាពលរដ្ឋជាម្ចាស់ឆ្នោត នៅឆ្នាំ២០២២-២០២៣ ខាងមុខនេះប៉ុណ្ណោះ​។

គណបក្សខ្មែរតែមួយ បានអះអាង​ថា សម្រាប់ការបោះឆ្នោតឆ្នាំ២០២២-២០២៣ ខាងមុខនេះ អតីតតំណាងរាស្ត្រ នៃអតីត CNRP បានចេញទៅបង្កើតបក្សថ្មីចំនួន៥បក្ស ដែលរួមមាន គណបក្សខ្មែរស្រឡាញ់ជាតិ, គណបក្សកែទម្រង់កម្ពុជា, គណបក្សកម្ពុជានិយម, គណបក្សបេះដូងជាតិ និងគណបក្សខ្មែរអភិរក្ស តែឥឡូវនេះមានសេនារីយោថ្មី របស់លោក សម រង្ស៊ី និងលោក កឹម សុខា (ជាមនុស្សតែមួយ) ត្រូវបន្តអាជីវកម្មនយោបាយរបស់ខ្លួនឡើងវិញ ហើយបានបែងចែកក្រុមការងារចំនួន៣៖

ក្រុមទី១, អតីតតំណាងរាស្ត្រ CNRP ស្នើសុំសិទ្ធិធ្វើនយោបាយឡើងវិញបានបើកបក្សថ្មី ដើម្បីធ្វើជានុយ ឬអន្ទាក់នយោបាយថ្មី បន្តបន្លំភ្នែកប្រជាពលរដ្ឋជាម្ចាស់ឆ្នោតនៅរដូវកាលឆ្នាំ២០២២-២០២៣ ខាងមុខនេះ។

ក្រុមទី២, ក្រៅប្រទេសដឹកនាំដោយលោកសម រង្ស៊ី ជាថៅកែម៉ៅការផ្តាច់មុខខាងអាជីវកម្មនយោបាយកម្ពុជា បង្កើតព្រឹត្តិការណ៍ញុះញុង់ លាបពណ៌ប្រឆាំងទៅនឹងរាជរដ្ឋាភិបាលកម្ពុជា ដែលកំពុងដឹកនាំដោយសម្ដេច តេជោ ហ៊ុន សែន។

ក្រុមទី៣, ក្រុមចរចាដឹកនាំដោយប្រពន្ធរបស់លោក សម រង្ស៊ី ជាក្រុមរៀបចំស្នើសុំសិទ្ធិធ្វើ នយោបាយឡើងវិញ ឬសុំចូលរួមជីវភាពនយោបាយជាមួយ CPP ដើម្បីបានវិលត្រឡប់មកប្រទេសកម្ពុជាវិញ។

គណបក្សខ្មែរតមួយបាន​អះអាងថា លោក សម រង្ស៊ី និង​លោក កឹម សុខា មិនហ៊ាន​ប្រកាសបែកគ្នាទេ ដោយ សារតែផលប្រយោជន៍រៀងៗខ្លួន ដូច្នេះ​លោក សម រង្ស៊ី ដែលជាថៅកែម៉ៅការផ្តាច់មុខខាងអាជីវកម្មនយោ បាយនៅកម្ពុជា និងលោក កឹម សុខា ជាប្រធានក្រុមម៉ៅការនយោបាយបន្ត នៅតែប្រើប្រាស់ពាក្យស្លោក “សម រង្សី និងកឹមសុខា ជាមនុស្សតែមួយ” ជារៀងរហូត​៕ (ដោយ)៖ កោះកែវ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៤ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៧ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៧ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៧ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម