ព័ត៌មានជាតិ

សងសឹកគំនុំចាស់ ដកកាំបិតប៉័ងតោកាប់២កាំបិតចំកញ្ចឹង ក

បានផុស

៤ years មុន

នៅ

ថ្ងៃព្រហស្បតិ៍ ១៩ សីហា ២០២១

ដោយ

ជនសង្ស័យម្នាក់ ដោយសារខឹងជនរងគ្រោះព្រួតវាយខ្លួនកន្លងមក បានយកកាំបិតប៉័ងតោកាប់ចំកញ្ចឹងកខាងក្រោយដេរចំនួន១៥០ថ្នេរកាលពីវេលាម៉ោង១៩និង២០នាទីថ្ងៃទី១៧ ខែសីហា ឆ្នាំ២០២១ តែរំលង១ថ្ងៃត្រូវបានកម្លាំងសមត្ថកិច្ចស្រុកអង្គស្នួលធ្វើការឃាត់ខ្លួនកាលពីថ្ងៃទី១៨ ខែសីហា ក្នុងភូមិទួលខ្លុង ឃុំទួលព្រេជ ស្រុកអង្គស្នួល ខេត្តកណ្តាល។

សមត្ថកិច្ចមូលដ្ឋានបានឲ្យដឹងថា ជនរងគ្រោះឈ្មោះ លី សំអុល ភេទប្រុសអាយុ៤០ឆ្នាំ មុខរបរជាងដែក នៅភូមិទួលខ្លុង ឃុំទួលព្រេជ ស្រុកអង្គស្នួល ខេត្តកណ្តាល។ ចំណែកជនសង្ស័យឈ្មោះ អួន រដ្ឋា ហៅថាភេទប្រុសអាយុ៣៨ឆ្នាំ ជនជាតិខ្មែរ មុខរបរជាងជួសជុលម៉ូតូ ស្នាក់នៅភូមិខ្នា ឃុំទួលព្រេជ ស្រុកអង្គស្នួល ខេត្តកណ្តាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ជនរងគ្រោះត្រូវជនសង្ស័យកាប់ចំនួន០២កាំបិតរងរបួសធ្ងន់ត្រង់កញ្ចឹងកខាងក្រោយដេរចំនួន១៥០ថ្នេរ(បច្ចុប្បន្នកំពុងសម្រាកនៅមន្ទីរពេទ្យលោកសង្ឃរាជធានីភ្នំពេញ)។

សមត្ថកិច្ចបានដកហូតកាំបិតប៉័ងតោដងឈើចំនួន០១ -ម៉ូតូម៉ាកយ៉ាម៉ាហាហ្វ្រេស(ចាស់)ចំនួន០១គ្រឿងគ្មានផ្លាកលេខ(ជារបស់ជនសង្ស័យបន្សល់នៅកន្លែងកើតហេតុ)។

យោងតាមរបាយការណ៍សមត្ថកិច្ចឲ្យដឹងថា នៅមុនពេលកើតហេតុជនរងគ្រោះកំពុងតែជួសជុលម៉ូតូរបស់ខ្លួននៅខាងមុខផ្ទះ(កន្លែងកើតហេតុ)ជាមួយនឹងបងប្អូន។ លុះដល់ម៉ោងកើតហេតុស្រាប់តែឃើញមានជនសង្ស័យបានជិះម៉ូតូម៉ាកយ៉ាម៉ាហាហ្វ្រេស(ចាស់)មកឈប់លើផ្លូវបេតុងខាងមុខផ្ទះជនរងគ្រោះហើយបានដើរចូលសំដៅទៅរកជនរងគ្រោះ និងបានដកកាំបិតប៉័ងតោចេញពីចង្កេះខោកាប់ទៅលើជនរងគ្រោះចំកញ្ចឹងកផ្នែកខាងក្រោយចំនួនពីរកាំបិត ទើបបងប្អូនរបស់ជនរងគ្រោះដែលអង្គុយនៅក្បែរនោះឃើញបានចូលទៅជួយហើយជនសង្ស័យក៏ទម្លាក់កាំបិតចោលហើយរត់គេចខ្លួនចូលព្រៃឬស្សីបាត់។

ចំពោះជនរងគ្រោះត្រូវបានក្រុមគ្រួសារនិងសាច់ញាតិបញ្ជូនទៅព្យាបាលនៅមន្ទីរពេទ្យលោកសង្ឃរាជធានីភ្នំពេញ។ ក្រោយពេលកើតហេតុភ្លាមៗនោះសមត្ថកិច្ចបានទទួលព័ត៌មាននិងបានចុះទៅដល់កន្លែងកើតហេតុដើម្បីស្វែងរកជនសង្ស័យតែរកមិនឃើញសោះ។ លុះដល់ថ្ងៃទី១៨ ខែសីហា ឆ្នាំ២០២១ វេលាម៉ោង១៣និង៣០ទើបកម្លាំងសមត្ថកិច្ចជំនាញស្រុកសហការជាមួយកម្លាំងប៉ុស្ដិ៍ទួលព្រេជ ប៉ុស្ដិ៍សំរោងលើ ប៉ុស្ដិ៍ម្កាក់ បានចុះទៅដល់ទីតាំងផ្ទះរបស់ជនសង្ស័យនៅភូមិខ្នា ឃុំទួលព្រេជ ស្រុកអង្គស្នួល ខេត្តកណ្ដាល ក៏ប្រទះឃើញជនសង្ស័យកំពុងលាក់ខ្លួននៅក្នុងផ្ទះ ឃាត់ខ្លួនជនសង្ស័យដើម្បីសួរនាំតាមនីតិវិធីច្បាប់។

ជនសង្ស័យបានឆ្លើយសារភាពថា ដោយសារប្រហែលប្រាំថ្ងៃមុនជនរងគ្រោះនិងបក្ខពួកបានព្រួតគ្នាវាយមកលើខ្លួនម្ដង ទើបខ្លួនយកកាំបិតប៉័ងតោសៀតក្នុងចង្កេះខោហើយជិះម៉ូតូទៅផ្ទះជនរងគ្រោះ ហើយកាប់ទៅលើជនរងគ្រោះចំនួន០២កាំបិត ហើយក៏រត់គេចចូលព្រៃឬស្សីតែម្ដង។ រហូតដល់ម៉ោងប្រហែលបួនជិតភ្លឺទើបខ្លួនដើរចេញពីព្រៃឬស្សីទៅចូលដេកនៅក្នុងផ្ទះវិញ។ ចំពោះជនសង្ស័យបានធ្វើតេស្ដរកមេរោគកូវីដ១៩ លទ្ធផលអវិជ្ជមានចំពោះការធ្វើតេស្ដទឹកនោមលទ្ធផលមានសារធាតុញៀននៅក្នុងទឹកនោម។-ចំពោះករណីនេះកម្លាំងផ្នែកជំនាញកំពុងកសាងសំណុំរឿងតាមនីតិវិធី៕

អត្ថបទ ៖ ឧត្តរ៉ា