Connect with us

ព័ត៌មានជាតិ

តាមវត្តអារាម ក្នុងថ្ងៃកាន់បិណ្ឌ វេនទី១ នៅបាត់ដំបង មានសភាពស្ងប់ស្ងាត់ ខុសពីឆ្នាំនានា

បានផុស

នៅ

នៅថ្ងៃ១រោច ខែភទ្របទ ត្រូវនិងថ្ងៃពុធ ទី២២ ខែកញ្ញា ឆ្នាំ២០២១ នេះ គឺជាថ្ងៃកាន់បិណ្ឌវេនទី១ សម្រាប់រដូវបុណ្យភ្ជុំបិណ្ឌ ដែលជាបុណ្យប្រពៃណីតាំងពីជីដូនជីតារៀងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជារៀងរាល់ឆ្នាំនៅថ្ងៃដំបូងនៃវេនទី១នេះ គឺតែងតែមានមនុស្សម្នា ក្មេងចាស់ ប្រុសស្រី តែងតែនាំគ្នាកាន់ស្រាក់ និងនំអន្សមទៅវត្តជាហូរហែរ ដោយឡែកសម្រាប់ម្ចាស់វេន ក៏តែងតែរៀបចំដាំស្ល សម្រាប់ប្រគេនដល់ព្រះសង្ឃដែលគង់ក្នុងទីអារាមផងដែរ ព្រោះនៅថ្ងៃចូលព្រះវស្សា តំណមគឺមិនអនុញ្ញាតឱ្យសង្ឃអង្គណាមួយ និមន្តទៅសឹង្ហក្រៅទីអារាម និងនិមន្តបិណ្ឌបាតឡើយ។

អកុសលតែឆ្នាំនេះដោយសារតែជំងឺកូវីដ-១៩ ដ៏កាចសាហាវ បានរាតត្បាតពេញពិភពលោក ពិសេសគឺក្នុងប្រទេសកម្ពុជាតែម្តង ដែលធ្វើឱ្យប្រជាពលរដ្ឋមានការភ័យខ្លាច មិនសូវហ៊ានទៅចូលរួមក្នុងពិធីបុណ្យនានាឡើយ ដោយពួកគាត់អនុវត្តយ៉ាងខ្ជាប់ខ្ជួននូវវិធានការរបស់ប្រមុខ នៃរាជរដ្ឋាភិបាល គឺ ៣កុំ និង៣ការពារ។

ដោយសារបញ្ហានេះហើយ បានជានៅតាមវត្តអារាម មួយចំនួនក្នុងខេត្តបាត់ដំបង នៅថ្ងៃនេះមានសភាពស្ងប់ស្ងាត់ ដោយមានមនុស្ស១០-២០ នាក់តែប៉ុណ្ណោះ ដែលបានមកដាំស្លប្រគេនព្រះសង្ឃ ដោយឡែកសម្រាប់ពុទ្ធបរិស័ទដែលមកពីតាមផ្ទះ គឺមិនបាននៅយូរទេ ដោយគ្រាន់តែប្រគេនព្រះសង្ឃរួច ប្រញ៉ាប់ប្រញ៉ាល់ត្រឡប់ទៅលំនៅឋានវិញ ដើម្បីសុវត្ថិភាពរបស់ពួកគាត់ ក្នុងការ ការពារជំងឺកូវីដ-១៩ នេះ។

លោកអ៊ំម្នាក់ ដែលជាចាស់ព្រឹទ្ធាចារ្យនៅក្នុងវត្តព្រះនរាយណ៍ ហៅវត្តខ្វែង បានបញ្ជាក់ថា ទោះបីជាទីអារាមដែលសម្រាប់ឱ្យពុទ្ធបរិស័ទ ចំណុះជើងវត្ត ចេញ-ចូលដោយសេរីក៏ដោយ ក៏បច្ចុប្បន្ននេះយើងមើលមិនឃើញទេ មិនដឹងថាអ្នកណាមានវិជ្ជមាន ឬអត់វិជ្ជមានកូវីដ-១៩ ដូច្នេះហើយគឺត្រូវប្រយ័ត្នទាំងអស់គ្នា ដូចជាទំនៀមទំលាប់នៃការបោះបាយបិណ្ឌ ដែលត្រូវធ្វើឡើងនៅរៀងរាល់ព្រឹក ចាប់ពីវេនទី១ ដល់វេនទី១៤ ក៏វត្តមិនអនុញ្ញាតអោយជួបជុំធ្វើឡើងដែរ ដោយសុខចិត្តអោយព្រះសង្ឃធ្វើកិច្ចពីក្នុងព្រះវិហារ ដើម្បីអោយពពួកប្រែតមកទទួលយក វាប្រសើរជាងការជួបជុំបង្កជា​ហានិភ័យ នៅក្នុងទីអារាម និងអាចឈានដល់ការបិទខ្ទប់ថែមទៀត បើប្រសិនជាមានការឆ្លងកូវីដ-១៩៕

អត្ថបទៈ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៦ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៦ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៧ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៧ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម