ចាប់ខ្លួនមេតុងទីន បញ្ជូនទៅតុលាការ ពីបទឆបោក

ស្ត្រីម្នាក់ដែលគេស្គាល់ថាជាមេតុងទីន ត្រូវបានសមត្ថកិច្ចអាវុធហត្ថរាជធានីភ្នំពេញ ចាប់ខ្លួនបញ្ជូនមកសាលាដំបូងក្រោមការចោទប្រកាន់ពីបទ «ឆបោក»។

ជនជាប់ចោទឈ្មោះ អុិត សុីណា ហៅយាយព្រិច អាយុ៤៧ឆ្នាំ មានទីលំនៅ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ត្រូវបានចោទប្រកាន់ពីបទ ឆបោក កាលពីឆ្នាំ២០១៩ តាមមាត្រា ៣៧៧ មាត្រា ៣៧៨ នៃក្រមព្រហ្មទណ្ឌ។

សមត្ថកិច្ចបញ្ជាក់ថា ការចាប់ខ្លួនឈ្មោះ អុិត សុីណា គឺអនុវត្តតាមដីកាបង្គាប់ឱ្យចាប់ខ្លួនរបស់លោក រស់ សាមុីឌី ចៅក្រមស៉ើបសួរសាលាដំបូងរាជធានីភ្នំពេញ ចុះថ្ងៃទី ១០ មិថុនា ឆ្នាំ២០២១ បន្ទាប់ពីជនជាប់ចោទគេចវេសមិនចូលខ្លួនក្រោយប្រព្រឹត្តបទល្មើសព្រហ្មទណ្ឌ និងយោបល់របស់តំណាងអយ្យការឯកភាពអោយចេញដីកាចាប់ខ្លួនជនត្រូវចោទ ដើម្បីចាត់ការតាមច្បាប់៕

អត្ថបទៈ មករា