ព័ត៌មានជាតិ
មេតុងទីនអនឡាញល្បីឈ្មោះ២រូប ប្រឈមជាប់គុក ៣ឆ្នាំ ក្រោយចាប់ខ្លួនពីបទឆបោក
ក្រោយការចាប់ខ្លួនបញ្ជូនទៅកាន់តុលាការ ស្ត្រីជាមេតុងទីនល្បីឈ្មោះចំនួន ២រូប អាចនឹងត្រូវប្រឈមមុខជាប់ពន្ធនាគារ ៣ឆ្នាំ និងពិន័យជាប្រាក់ ៦លានរៀល ពីបទឆបោក និងបទរំលោភលើសេចក្ដីទុកចិត្ត។ កាលពីចុងសប្ដាហ៍មុន ស្រ្តីជាមេតុងទីនម្នាក់ទៀត ត្រូវបានចាប់ខ្លួនពីបទឆបោក និងចាយសែកស្អុយដែលមានទឹកប្រាក់រាប់សិបម៉ឺនដុល្លារ។ អ្នកនាង ឡុង រ៉ានី ជាមេតុងទីនទី២ ដែលត្រូវបានសមត្ថភាពចាប់ខ្លួន បន្ទាប់ពីអ្នកនាង អឿន ម៉ូលីកា មេតុងទីនអនឡាញល្បីឈ្មោះដែលត្រូវបានចាប់ខ្លួនកាលពីចុងឆ្នាំ២០២២ កន្លងទៅនេះ។

មេតុងទីន ឡុង រ៉ានី ត្រូវបានកម្លាំងនគរបាលនៃនាយកដ្ឋានព្រហ្មទណ្ឌ ក្រសួងមហាផ្ទៃ បានចាប់ឃាត់ខ្លួន និងបញ្ជូនទៅសាលាដំបូងរាជធានីភ្នំពេញ កាលពីថ្ងៃទី២១ ខែមករា ឆ្នាំ២០២៣។ ការចាប់ខ្លួនមេតុងទីនរូបនេះ បានធ្វើឡើងតាមដីកាបញ្ជាឲ្យចូលខ្លួនរបស់អយ្យការអមសាលាដំបូងរាជធានីភ្នំពេញ ដោយយោងទៅលើពាក្យបណ្ដឹងរបស់ឈ្មោះ ឈឹម ភារី។ តាមរយៈពាក្យបណ្ដឹង បានបញ្ជាក់ថា មានកូនតុងទីនជាច្រើននាក់ដែលរងគ្រោះដោយសារមេតុងទីន ឡុង រ៉ានី និងប្ដី ដោយបានយកលុយសរុបប្រមាណ ២លានដុល្លារអាមេរិក ខណៈកូនតុងទីនដែលរងគ្រោះទាំងអស់នោះកំពុងរៀបចំឯកសារពាក់ព័ន្ធ ដើម្បីប្ដឹងឈ្មោះ ឡុង រ៉ានី និងប្តី តាមផ្លូវច្បាប់ជាធរមាន។
ដោយឡែក មេតុងទីនអនឡាញ និងជាអ្នកលក់ផលិតផលអនឡាញល្បីឈ្មោះ អ្នកនាង អឿន ម៉ូលីកា ក៏ត្រូវបានកម្លាំងកងរាជអាវុធហត្ថរាជធានីភ្នំពេញ បានចាប់ឃាត់ខ្លួន រួចបញ្ជូនទៅកាន់សាលាដំបូងរាជធានីភ្នំពេញ កាលពីថ្ងៃទី១៦ ខែធ្នូ ឆ្នាំ ២០២២ កន្លងទៅថ្មីៗនេះ ដើម្បីចាត់ការតាមច្បាប់ ក្រោយចាប់ខ្លួនពាក់ព័ន្ធករណីចេញសែកស្អុយ និងឆបោកកូនតុងទីនរបស់ខ្លួន។

អ្នកនាង អឿន ម៉ូលីកា បានជាប់ពាក់ព័ន្ធលើពាក្យបណ្តឹងចំនួន៣ ដែលសុទ្ធជាបទល្មើសព្រហ្មទណ្ឌពាក់ព័ន្ធបទឆបោក និងចេញសែកស្អុយ ស្មើទឹកប្រាក់ប្រមាណ ៣៦៥ ០០០ ដុល្លារអាមេរិក។ ពាក្យបណ្តឹងទី១ និងពាក្យបណ្ដឹងទី២ គឺប្ដឹងដោយកូនតុងទីនរបស់អ្នកនាង អឿន ម៉ូលីកា ហើយបណ្ដឹងថ្មីមួយទៀតនោះ គឺប្ដឹងដោយឈ្មោះ វឿន ដាវីន ពាក់ព័ន្ធនឹងបទឆបោក។ បច្ចប្បន្ន អ្នកនាង អឿន ម៉ូលីកា ដែលជាមេតុងទីនដ៏ល្បីឈ្មោះកំពុងជាប់ឃុំនៅក្នុងពន្ធនាគារព្រៃសរ។
គួរជម្រាបថា មាត្រា៣៧៧ និងមាត្រា៣៧៨ នៃបទល្មើសឆបោក និងមាត្រា៣៩១ និងមាត្រា៣៩២ នៃបទល្មើសរំលោភលើសេចក្ដីទុកចិត្ត ដែលមានចែងក្នុងក្រមព្រហ្មទណ្ឌ បានប្បញ្ញត្តិថា ជនល្មើសនឹងត្រូវជាប់ពន្ធនាគារពី ៦ខែដល់ ៣ឆ្នាំ និងពិន័យជាប្រាក់ពី ១លានរៀលទៅ ៦ លានរៀល៕
ដោយ៖ ធឿន វ៉ាន់សុង

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ