Connect with us

ព័ត៌មានជាតិ

ស្រុកខ្សាច់កណ្ដាលបញ្ឈប់ការបន្ទោបង់ពាសវាលពាសកាល១០០%ហើយ

បានផុស

នៅ

ស្រុកខ្សាច់កណ្ដាល ខេត្តកណ្តាល បានបញ្ឈប់ការបន្ទោបង់ពាសវាលពាសកាល ឬតាមទីសាធារណៈផ្សេងៗ ហើយបានងាកមកការប្រើប្រាស់បង្គន់អនាម័យវិញបាន ១០០% ហើយ។ នេះបើតាមលោកបញ្ជាក់ឲ្យដឹងរបស់លោក នុត ពុធដារ៉ា អភិបាលរងខេត្តកណ្ដាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងឱកាសចុះពិនិត្យមើលផ្ទាល់ រួមនឹងការវាយតម្លៃ ស្ដីពីការបញ្ឈប់ ការបន្ទោបង់ពាសវាលពាសកាល(ODF) ថ្នាក់ស្រុក ក្នុងស្រុកខ្សាច់កណ្ដាលកាលពីថ្ងៃទី២១ ខែមករា លោក នុត ពុធដារ៉ា អភិបាលរងខេត្តកណ្ដាល បានមានប្រសាសន៍ថា ស្រុកខ្សាច់កណ្ដាលទទួលបាន ODF ស្របតាមគោលការណ៍ណែនាំរបស់ក្រសួងអភិវឌ្ឍនិ៍ជនបទ ដោយប្រជាពលរដ្ឋ មានការយល់ដឹងពីសុខភាព អនាម័យខ្ពស់ និងបានបញ្ឈប់ការបន្ទោបង់ពាសវាលពាសកាល ឬតាមទីសាធារណៈផ្សេងៗ ងាកមកការប្រើប្រាស់បង្គន់អនាម័យវិញបាន១០០% ហើយ។

លោកអភិបាលរង បានបន្តថា គ្រប់ក្រុមគ្រួសារទាំងអស់បានទុកដាក់លាមកកុមារទៅក្នុងបង្គន់អនាម័យខ្លួនឯង ឫបង្គន់អនាម័យរួម ហើយសហគមន៍របស់ស្រុកបានផ្ដួចផ្ដើម និងពង្រឹងការអនុវត្តសកម្មភាពទាំងផ្លូវការឫមិនផ្លូវការក្នុងការទប់ស្កាត់ ទៅនឹងការបន្ទោបង់ពាសវាលពាសកាលផងដែរ។ លោកអភិបាលរងខេត្ត ក៏បានផ្ដាំផ្ញើដល់អាជ្ញាធរ និងមន្រី្តរដ្ឋបាល ទាំងរដ្ឋបាលភូមិ-ឃុំ ត្រូវតែបន្តសកម្មភាពបំផុស និងពិនិត្យមើលបន្ថែមទៀត លើបញ្ហាប្រជាពលរដ្ឋដែលរស់នៅតាមផ្ទះលើទឹក និងប្រជាពលរដ្ឋក្រីក្រ ដែលគ្មានលទ្ធភាពសាងសង់បង្គន់អនាម័យ ត្រូវរកដៃគូ ឬរកជំនួយពីអង្គការនានា ដើម្បីចូលរួមសហការណ៍កសាងបង្គន់ជូនពួកគាត់ ដើម្បីកាត់បន្ថយការបន្ទារបង់ពាសវាលពាសកាលបានកាន់តែល្អប្រសើរបន្ថែមទៀត។

ចំណែក លោក ប៊ុន ផេង អភិបាលស្រុកខ្សាច់កណ្ដាល ខេត្តកណ្ដាល បានឱ្យដឹងដែរថា ស្រុកខ្សាច់កណ្ដាល បានទទួលការសម្រេចបាននូវការបញ្ឈប់ ការបន្ទាបង់ពាសវាលពាសកាល ODF ១០០% មានចំនួន ៩៣ ភូមិ ស្មើនឹង ៣០,២៤១ ខ្នងផ្ទះដែលបានប្រើប្រាស់បង្គន់ផ្ទាល់ខ្លួនចំនួន២៩,៥៤២ខ្នងផ្ទះ នឹងបានប្រើប្រាស់រួមគ្នាចំនួន៦១១ សរុប ៣០,១៥៣។

លោក គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានមានប្រសាសន៍ថា ពាក់ព័ន្ធនឹងកម្មវិធីODF ការប្រើប្រាស់បង្គន់អនាម័យ ក្នុងខេត្តកណ្ដាល មានស្រុកចំនួន ៧ហើយដែលអនុវត្តកម្មវិធីនេះបានជោគជ័យ នៅសល់ក្រុង-ស្រុកចំនួន ៤ទៀតប៉ុណ្ណោះដែលត្រៀមនឹងបញ្ចប់ កម្មវិធីODFនៅក្នុងខែកុម្ភៈ ឆ្នាំ២០២២ ខាងមុខនេះ៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៥ ម៉ោង មុន

កម្ពុជា រក​មេដាយបាន ១៦គ្រឿង ក្នុង​នោះមាស ២គ្រឿង នៅថ្ងៃទី១៩ នេះ ក្នុងស៊ីហ្គេមនៅ​វៀតណាម

នយោបាយ៥ ម៉ោង មុន

នៅ​ថ្ងៃ​បើក​យុទ្ធនាការ​ដំបូង គណបក្ស​ប្រជាធិបតេយ្យ​មូលដ្ឋាន គ្រោង​ជួបជុំគ្នា​នៅតាម​ឃុំ សង្កាត់ ចំនួន​៣

នយោបាយ៥ ម៉ោង មុន

គ​.​ជ​.​ប សម្រេច​លើ​ឯកសារ​មួយចំនួន ដើម្បី​ស្ថាប័ន​ពាក់ព័ន្ធ​អនុញ្ញាត​ឲ្យ​បុគ្គលិក កម្មករ និយោជិត បាន​ទៅ​បោះឆ្នោត

ព័ត៌មានជាតិ៥ ម៉ោង មុន

អំណោយ​សម្តេច​តេ​ជោ និង​សម្តេច​កិត្តិ​ព្រឹទ្ធ​បណ្ឌិត ត្រូវបាន​ផ្តល់ជូន​កម្ម​ករ​ប្រមូល​សំរាម​ជិត​២០០០​នាក់ នៅក្នុង​រាជធានី​ភ្នំពេញ

វប្បធម៌ ជំនឿ៦ ម៉ោង មុន

សុបិនប្ដូរបន្ទប់ថ្មី ផ្ទះថ្មី ឬភូមិ-ស្រុកថ្មី សុទ្ធសឹងជាប្រផ្នូលអាក្រក់

Sokha Hotels

ព័ត៌មានពេញនិយម