ព័ត៌មានជាតិ
វិនិយោគិនជប៉ុន ស្នើសុំចូលខ្លួនដោះស្រាយបញ្ហាទឹកជំនន់ នៅស្ទឹងព្រែកត្នោត
លោក Takahashi Fumaiki ប្រធានសមាគមជប៉ុន-កម្ពុជា បានស្នើសុំការអនុញ្ញាតពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដើម្បីចូលខ្លួនធ្វើការដោះស្រាយបញ្ហាទឹកជំនន់នៅស្ទឹងព្រែកត្នោតដែលតែងតែជន់លិចតំបន់នៅជុំវិញស្ទើររាល់ឆ្នាំ។ ការស្នើនេះ ធ្វើឡើងនៅក្នុងជំនួបជាមួយសម្តេចតេជោ ហ៊ុន សែន នៅព្រឹកថ្ងៃទី១ ខែកុម្ភៈនេះ នៅវិមានសន្តិភាព។
លោក Takahashi Fumaiki បានអះអាងថា ក្រុមការងាររបស់លោក បានធ្វើការសិក្សាមួយចំនួនរួចហើយនៅស្ទឹងព្រែកត្នោតនេះ មុនស្នើសុំសម្ដេចតេជោ ពិនិត្យលទ្ធភាពការដោះស្រាយបញ្ហាទឹកជំនន់នៅស្ទឹងព្រែកត្នោត។ ក្រៅពីបញ្ហានេះ លោកប្រធានសមាគមជប៉ុន-កម្ពុជា ក៏បានស្នើសុំការអនុញ្ញាតពីសម្ដេចតេជោ ដើម្បីនាំប្រតិភូក្រុមអ្នកវិនិយោគទុនធុនកណ្ដាលរបស់ជប៉ុនមកកាន់កម្ពុជានៅខែមេសា ខាងមុខ។ ជាមួយគ្នានេះ លោកក៏បានស្នើសុំប្រគល់ទីតាំងដីមួយកន្លែងជូនចំពោះសម្ដេចតេជោនាយករដ្ឋមន្ត្រី ដើម្បីរៀបចំធ្វើជាសួនអនុស្សាវរីយ៍កម្ពុជា-ជប៉ុន ដោយដាក់ឈ្មោះថា សួន(PKO)សម្រាប់ប្រជាជនប្រើប្រាស់ផង និងសម្រាប់ជាតំណាងនៃទំនាក់ទំនងមិត្តភាពកម្ពុជា-ជប៉ុនផង។
ជាការឆ្លើយតបវិញ សម្តេចតេជោ ហ៊ុន សែន បានស្វាគមន៍ចំពោះប្រតិភូអ្នកវិនិយោគទុនធុនកណ្ដាលជប៉ុនដែលលោក Takahashi Fumaiki មានបំណងនាំមកប្រទេសកម្ពុជា។ សម្ដេចតេជោ ក៏បានស្វាគមន៍ និងសម្តែងនូវការគាំទ្រចំពោះការផ្ដួចផ្ដើមរៀបចំនូវសួនសាធារណៈដែលជាសួនអនុស្សាវរីយ៍កម្ពុជា-ជប៉ុន ហើយបានដាក់ឈ្មោះថា(PKO)។ សម្តេចតេជោ បានណែនាំលោក សុខចិន្តា សោភា ប្រធានក្រុមប្រឹក្សាអភិវឌ្ឍកម្ពុជា ធ្វើការងារនេះជាមួយសាលារាជធានីភ្នំពេញ។
ដោយឡែក ពាក់ព័ន្ធនឹងការការពារទឹកជំនន់ស្ទឹងព្រែកត្នោតវិញ សម្ដេច ក៏បានណែនាំឲ្យលោក សុខចិន្តា សោភា សហការសម្របសម្រួលជាមួយលោក លឹម គានហោ រដ្ឋមន្រ្តីក្រសួងធនធានទឹក និងស្ថាប័នពាក់ព័ន្ធដទៃទៀត ដើម្បីអនុញ្ញាតឱ្យប្រតិភូលោកTakahashi Fumaiki បានធ្វើបទបង្ហាញពាក់ព័ន្ធនឹងករណីនេះ ៕
អត្ថបទ ៖ ណារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ