ព័ត៌មានជាតិ
កម្លាំងចម្រុះចុះត្រួតពិនិត្យយានយន្តដឹកជញ្ជូនលើសទម្ងន់ឃាត់បានរថយន្ដចំនួន៣៥គ្រឿង
លោក តាំង ពៅ ប្រធានលេខាធិការដ្ឋាន គណៈកម្មការដឹកជញ្ជូនលើសទម្ងន់កំណត់ បានសហការជាមួយមន្ទីរសាធារណការ និងដឹកជញ្ជូនខេត្តបន្ទាយមានជ័យ ចុះត្រួតពិនិត្យយានយន្តដឹកជញ្ជូនលើសទម្ងន់ កម្រិតកំណត់ ឃាត់រថយន្តសរុបបានចំនួន ៣៥គ្រឿង ក្នុងនោះមាន៤ គ្រឿង ត្រូវបានឃាត់ទុករយៈពេល១ឆ្នាំ ដោយដឹកលើសពី២០% ចន្លោះពី ២០តោន ទៅដល់ ៣៧តោន ១៥គ្រឿង ដឹកលើស ស្ថិតក្នុងកម្រិតអនុគ្រោះ ចំណែកចំនួន ១៦គ្រឿងទៀតដឹកត្រឹមត្រូវតាមបច្ចេកទេសដែលបានកំណត់ ស្ថិតនៅក្នុងស្រុកមង្គលបូរី ខេត្តបន្ទាយមានជ័យ នៅព្រឹក ថ្ងៃទី១៧ ខែកុម្ភៈ ឆ្នាំ២០២២។
លោក សុក ចាន់ថា ប្រធានមន្ទីរសាធារណៈការ ដឹកជញ្ជូនខេត្តបន្ទាយមានជ័យបាន ប្រាប់ឲ្យដឹងថា ការចុះត្រួតពិនិត្យយានយន្តដឹកជញ្ជូន លើសទម្ងន់កម្រិតកំណត់នោះ ឃាត់រថយន្តសរុបបានចំនួន ៣៥គ្រឿង ក្នុងនេះដើម្បីឲ្យម្ចាស់ក្រុមហ៊ុនដឹកជញ្ជូន ម្ចាស់រថយន្តធុនធ្ងន់ និងអ្នកបើកបររថយន្តធុនធ្ងន់ទាំងអស់ ត្រូវដឹកជញ្ជូនទំនិញ ឬធ្វើការណែនាំឱ្យអ្នកបើករថយន្តធុនធ្ងន់ទាំងអស់ ត្រូវអនុវត្តយ៉ាងណាឲ្យបានត្រឹមត្រូវ និងម៉ឺងម៉ាត់ តាមបទប្បញ្ញតិ្ត ដូចមានចែងក្នុងមាត្រ២៦ នៃច្បាប់ស្តីពីផ្លូវថ្នល់ ដើម្បីធានា ការពារហេដ្ឋារចនាសម្ព័ន្ធផ្លូវថ្នល់ ស្ពាន និងសំណង់សិល្បការ្យ ផ្លូវថ្នល់ឱ្យបានរ៉ឹងមាំ ស្ថិតស្ថេរ គង់វង្ស និងធន់ជាប់តាមអាយុកាល បច្ចេកទេសសាងសង់ ព្រមទាំងចូលរួមចំណែកកាត់បន្ថយថវិការជាតិ ក្នុងការជួសជុលថែទាំផ្លូវថ្នល់ផងដែរ។
លោក សុក ចាន់ថា បានបញ្ជាក់ឲ្យដឹងបន្តទៀតថា ម្ចាស់ក្រុមហ៊ុនដឹកជញ្ជូន ម្ចាស់យានយន្តធុនធ្ងន់ និងអ្នកបើករថយន្តធន់ធ្ងន់ទាំងអស់ ត្រូវឲ្យអ្នកដឹកជញ្ជូនទំនិញធ្វើការណែនាំឲ្យអ្នកបើករថយន្តធន់ធ្ងន់របស់ខ្លួនអនុវត្តឲ្យបានត្រឹមត្រូវហើយម៉ឺងម៉ាត់តាមបទប្បញ្ញត្តិដូចមានចែងក្នុងមាត្រា២៦នៃច្បាប់ស្តីអំផ្លូវថ្នល់។
លោកបានបញ្ជាក់ឲ្យដឹងបន្តទៀតថា ក្នុងករណីម្ចាស់ក្រុមហ៊ុនដឹកជញ្ជូនម្ចាស់យានយន្តធន់ធ្ងន់ និងអ្នកបើករថយន្តធន់ធ្ងន់ណានៅបណ្តែតបណ្តោយឲ្យអ្នកដឹកជញ្ជូនផ្ទុកទំនិញលើសពី២០ភាគរយ ប្រធានស្ថានីយជញ្ជីងអចល័ត ប្រធានក្រុមជញ្ជីងចល័ត និងចាត់វិធានការតាមបទប្បញ្ញត្តិដូចមានចែងក្នុងមាត្រា៦០នៃច្បាប់ស្តីពីផ្លូវថ្នល់ដែលក្នុងនោះ ត្រូវដកបណ្ណបើកបរ និងព្យួរទុកចំនួន២ឆ្នាំ ឃាត់យានយន្តទុកចំនួន១ឆ្នាំ ដោយរក្សាទុកនៅទីតាំងណាមួយសមស្របហើយម្ចាស់យាន្តត្រូវទទួលខុសត្រូវលើការលើកដាក់ទំនិញនិងបង់ថ្លៃឈ្នួល កន្លែងទុកដាក់ថែទំនិញនិងយានយន្តដោយខ្លួនឯង។
ទទួលបានសេចក្តីណែនាំនេះយានយន្ត ដែលដឹកជញ្ជួនទំនិញលើសទម្ងន់ អ្នកបើករថយន្តធុនធ្ងន់ និង រថយន្តដឹកទំនិញធ្ងន់ទាំងអស់លើសកម្រិតកំណត់ត្រូវចូលរួមអនុវត្តបទប្បត្តិច្បាប់ឲ្យបានខ្ជាប់ខ្ជួនដើម្បីធានាការពារហេដ្ឋារចនាស័ម្ពន្ឋផ្លូវថ្នល់ ស្ពានឲ្យបានរឹងមាំ ស្ថិតស្ថេរ គង់វង្ស និងធន់ជាប់តាមអាយុកាលបច្ចេកទេសសាងសង់៕
អត្ថបទ៖ វ៉ាន់ ណាង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង