ព័ត៌មានជាតិ

ផាកពិន័យម្ចាស់ហាង១លានរៀល ខណៈភ្ញៀវមិនត្រូវចូលហូបបន្ត

បានផុស

៣ years មុន

នៅ

ថ្ងៃសុក្រ ៦ សីហា ២០២១

ដោយ

នាព្រឹកថ្ងៃទី០៦ ខែសីហា ឆ្នាំ២០២១នេះ ឯកឧត្តម ឃិន ញ៉ាន អភិបាលរងខេត្តឧត្តរមានជ័យ បានដឹកនាំកម្លាំងចម្រុះ ចុះផាកពិន័យទីតាំងអាហារដ្ឋានលក់បាយមួយកន្លែង ស្ថិតនៅក្បែររង្វង់មូលព្រះបាទជ័យវរ្ម័នទី៧ ស្ថិតនៅភូមិឈូក សង្កាត់សំរោង ក្រុងសំរោង ខេត្តឧត្តរមានជ័យ ដែលល្មើសបម្រាមការហាមឃាត់របស់រដ្ឋបាលខេត្ត ស្តីពីសារាចរណែនាំ គ្រប់អាហារដ្ឋាន ភោជនីដ្ឋានទាំងអស់ក្នុងខេត្តឧត្តរមានជ័យ រាល់ការលក់ដូរត្រូវវិចខ្ចប់ មិនអនុញ្ញាតអោយហូប ចុកនៅទីកន្លែងនោះឡើយ ដើម្បីទប់ស្កាត់ការឆ្លងរីករាលដាលជំងឺកូវីដ១៩ នៅក្នុងសហគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ផងដែរថា ក្នុងការចុះអនុវត្តច្បាប់នេះ មន្ត្រីជំនាញបានធ្វើការផាកពិន័យម្ចាស់ហាងលក់បាយ ចំនួនមួយលានរៀល និងធ្វើកិច្ចសន្យា បើល្មើសជាលើកទីពីរ ត្រូវកសាងសំណុំរឿងបញ្ជូនទៅតុលាការ ដោយឡែកចំពោះអ្នកដែលចូលហូបអាហារនៅក្នុងអាហារដ្ឋានត្រូវធ្វើកិច្ចសន្យា បើថ្ងៃក្រោយចូលហូបទៀត ត្រូវផាកពិន័យដូចម្ចាស់ហាងដែរ៕

អត្ថបទ ៖ ចាន់ ធី