ព័ត៌មានជាតិ
សម្តេចតេជោ ហ៊ុន សែន នឹងអញ្ជើញសម្ពោធមន្ទីរពេទ្យមិត្តភាពកម្ពុជា-ចិន ត្បូងឃ្មុំ តម្លៃជាង ៤៦ លានដុល្លារ
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នឹងអញ្ជើញជាអធិបតីភាពសម្ពោធដាក់ឱ្យប្រើប្រាស់ជាផ្លូវការ មន្ទីរពេទ្យមិត្តភាពកម្ពុជា-ចិន ត្បូងឃ្មុំ ស្ថិតក្នុងឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ នៅដើមសប្ដាហ៍ក្រោយ ថ្ងៃទី០៧ ខែមីនា ឆ្នាំ២០២២នេះ ក្រោយបើកការដ្ឋានសាងសង់កាលពីឆ្នាំ២០១៩។ មន្ទីរពេទ្យនេះចំណាយទឹកប្រាក់សាងសង់ចំនួន ៤៦ លានដុល្លារ ក្រោមជំនួយឥតសំណងរដ្ឋាភិបាលចិន។
មន្ទីរពេទ្យមិត្តភាពកម្ពុជា-ចិន ត្បូងឃ្មុំ ត្រូវបានបំពាក់ដោយបរិក្ខារទំនើបៗ រួមនឹងអគារព្យាបាលសំខាន់ៗដូចជា អគារវះកាត់ អគារព្យាបាលជំងឺទូទៅ អគារព្យាបាលជំងឺកុមារ និងអគារជំងឺឆ្លងជាដើម។ មន្ទីរពេទ្យនេះមានកម្ពស់ ២៤ ម៉ែត្រ ចែកជា ៥ ជាន់ និងមានគ្រែសរុបចំនួន ៣០០ គ្រែ។ មន្ទីរពេទ្យមានទំហំ ៥៥ ៨១៤ ម៉ែត្រការ៉េ និងក្រឡាផ្ទៃអគារទំហំ ២៤ ៣០០ ម៉ែត្រការ៉េ។
ជាគោលដៅអនាគត មន្ទីរពេទ្យមិត្តភាពកម្ពុជា-ចិន ត្បូងឃ្មុំ នឹងប្រែក្លាយជាមន្ទីរពេទ្យភូមិភាគ ហើយគឺជាមន្ទីរពេទ្យសម្រាប់តំបន់ក្បែរៗដូចជាខេត្តក្រចេះ ស្វាយរៀង ស្ទឹងត្រែង មណ្ឌលគិរី និង ខេត្តមួយចំនួនទៀត។
ក្រៅពីបើកសម្ពោធមន្ទីរពេទ្យហើយ ក៏នឹងមានការសម្ពោធ សាលាបឋមសិក្សា-វិទ្យាល័យ តេជោសែន ត្បូងឃ្មុំ ជាមួយគ្នាផងដែរ។ សាលារៀននេះមានអគារសិក្សាចំនួន ២ខ្នង កម្ពស់ ៣ជាន់ មាន ៣៦បន្ទប់ អាគារស្នាក់នៅគ្រូ ២ខ្នង ស្មើនឹង ៤០បន្ទប់ មានសិស្សសិក្សា ៥៥៧ នាក់ និងគ្រូបង្រៀនសរុប ១៨នាក់៕
អត្ថបទ៖ ណារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ