ព័ត៌មានជាតិ

ឈ្លោះប្រកែកជាមួយគូដណ្ដឹង នារីវ័យក្មេងម្នាក់លេបថ្នាំសម្លាប់ខ្លួនចោលគ្រួសារ

បានផុស

៤ years មុន

នៅ

ថ្ងៃចន្ទ ១៤ ធ្នូ ២០២០

ដោយ

នារីវ័យ២០ឆ្នាំម្នាក់ ព្រោះតែជម្លោះជាមួយគូរដណ្តឹង ភ្លេចអស់គុណឪពុកម្តាយដែលខំបីបាញ់ចិញ្ចឹមថែទាំ បែជាបញ្ចប់ជីវិតខ្លួន ដោយលេបថ្នាំងងុយដេកសម្លាប់ខ្លួន ចាកចេញពីក្រុមគ្រួសារជារៀងរហូត បន្សល់ទុកនូវទុក្ខដ៏ក្រៀមក្រំដល់ឪពុកម្តាយជាទីស្រឡាញ់របស់ខ្លួនទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចអោយដឹងថាករណីនារីម្នាក់ធ្វើអត្តឃាតខ្លួនឯងនេះបានកើតឡើងកាលពីវេលាម៉ោង៣និង៣០នាទីទៀបភ្លឺ ថ្ងៃទី១៤ ខែធ្នូ ឆ្នាំ២០២០ នៅភូមិគរ ឃុំស្នឹង ស្រុកបាណន់ ខេត្តបាត់ដំបង។

សមត្ថកិច្ចបានបញ្ជាក់ថា នារីរងគ្រោះមានឈ្មោះ គឹម សូវៀត ហៅស្រីខួច ភេទស្រីអាយុ២០ឆ្នាំរស់នៅភូមិគរ ឃុំស្នឹងស្រុកបាណន់ ខេត្តបាត់ដំបង ហើយការស្លាប់របស់នារីរងគ្រោះដោយសារ ឈ្លោះជាមួយគូរដណ្តឹងទើបលេបថ្នាំងងុយដេកសម្លាប់ខ្លួន។

ក្រោយមានការភ្ញាក់ផ្អើលភ្លាមៗនោះ ក្រុមគ្រួសារបានបញ្ជូនទៅមន្ទីរពេទ្យបង្អែកខេត្តបាត់ដំបង ប៉ុន្តែគួឲ្យសោកស្តាយ ពេលទៅដល់មន្ទីរពេទ្យ គ្រូពេទ្យបានប្រាប់ថាជនរងគ្រោះស្លាប់បាត់ហើយដោយសាលេបកម្រិតថ្នាំច្រើនពេក។

បច្ចុប្បន្នក្រុមគ្រួសារកំពុងរៀបចំធ្វើបុណ្យតាមប្រពៃណី៕

អត្ថបទដោយ ៖ សៅ សារិទ្ធ