ព័ត៌មានជាតិ

ថ្ងៃទី ១ នៃបុណ្យចូលឆ្នាំខ្មែរ ខេត្តបាត់ដំបងមានភ្ញៀវទេសចរមកលេងកម្សាន្តជិត ១១ ម៉ឺននាក់

បានផុស

៤ years មុន

នៅ

ថ្ងៃសុក្រ ១៥ មេសា ២០២២

ដោយ

សម្រាប់ថ្ងៃទី ០១ នៃពិធីចូលឆ្នាំថ្មីប្រពៃណីខ្មែរនេះ ភ្ញៀវទេសចរបានធ្វើដំណើរមកកម្សាន្តក្នុងទីប្រជុំជន និងតាមរមណីយដ្ឋាននានា នៅខេត្តបាត់ដំបង មានចំនួន ១០៧,២៥៤ នាក់ ក្នុងនោះមានភ្ញៀវអន្តរជាតិចំនួន ៣១៥ នាក់។ នេះបើតាមការឲ្យដឹងពីមន្ទីរទេសចរណ៍ខេខេត្តថ្ងៃទី ១៥ ខែមេសានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីដដែលបញ្ជាក់ថា ក្នុងដំណើរកម្សាន្តរបស់ភ្ញៀវទេសចរ គេសង្កេតឃើញភាគច្រើនបានធ្វើដំណើរទៅកម្សាន្តតាមរមណីយដ្ឋានតំបន់ ដែលមានទឹកធ្លាក់នានាបន្ទាប់មកនៅពេលរសៀលពួកគេបានធ្វើដំណើរត្រឡប់មកជិះឡូរីនៅរមណីយដ្ឋានប្រវត្តិសាស្ត្រប្រាសាទបាណន់ និងពេលយប់ពួកគេនាំគ្នាជួបជុំគ្នាកម្សាន្ត នៅទីប្រជុំជនក្នុងក្រុងបាត់ដំបង ដែលអាជ្ញាធរបានរៀបចំទីតាំងកម្សាន្តជាច្រើនទីតាំងសម្រាប់ទទួលភ្ញៀវចូលរួមកម្សាន្ត។ ហើយទីតាំងកម្សាន្តនានា ដែលអាជ្ញាធរខេត្តបានរៀបចំនៅក្នុងក្រុងបាត់ដំបងមានដូចជា ទីតាំងប្រគំតន្ត្រីរាំកម្សាន្តតំបន់ត្រជាក់(បាញ់ទឹកកម្សាន្ត)តំបន់សាសនារៀបចំនៅបរិវេណអគាររដ្ឋបាលខេត្ត និងតំបន់ល្បែងប្រជាប្រិយប្រពៃណីខ្មែរផ្សេងៗជាច្រើនទៀត។

ដោយឡែកនៅតាមមូលដ្ឋានសហគមន៍ និងនៅតាមបណ្ដាវត្តអារាមនានាក៏មានការរៀបចំល្បែងប្រជាប្រិយ និងល្បែងកម្សាន្តផ្សេងៗជាច្រើនផងដែរ ដើម្បីឲ្យពលរដ្ឋនិងភ្ញៀវទេសចរមកលេងកម្សាន្តប្រកបដោយសន្តិសុខល្អប្រសើផងដែរ៕