Connect with us

ព័ត៌មានជាតិ

ក្រោយផ្អាកដំណើរការជិត ៤ឆ្នាំ ផ្សារទំនើប​សុវណ្ណា គ្រោងបើកដំណើរការ​ឡើងវិញឆាប់ៗ

បានផុស

នៅ

បើពុំមានអ្វីប្រែប្រួលទេ ផ្សារសុវណ្ណាអាចនឹងបើកដំណើរឡើងវិញឆាប់ៗខាងមុខនេះ។ នេះបើតាមការបញ្ជាក់របស់លោកស្រី ជា សុខហៀក អគ្គនាយិកាផ្សារទំនើបសូរិយា សេនធ័រ ភ័នធ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ជា សុខហៀក បានប្រាប់កម្ពុជាថ្មីដូច្នេះថា «ផ្សារសុវណ្ណា តាមពិតទៅដើមឡើយ យើងមានគម្រោងកែលម្អវាឡើងវិញ ប៉ុន្តែដោយសារស្ថានភាពកូវីដ យើងក៏បានផ្អាកមួយរយៈ ហើយឥឡូវនេះស្ថានភាពកូវីដ មានការធូរស្រាលឡើងវិញ អ៊ីចឹងថ្នាក់ដឹកនាំ និងអ្នកគ្រប់គ្រងកំពុងរៀបចំសិក្សាផែនការដើម្បីកំណែទម្រង់ផ្សារសុវណ្ណាឡើងវិញ អាចនិយាយបានថា ផុតរយៈពេលកូវីដនេះ នឹងមានផែនការពិតប្រាកដលេចជារូបរាងឡើង»។

លោកស្រី ជា សុខហៀក បញ្ជាក់ថា បើតាមផែនការផ្សារនេះ នឹងបន្តធ្វើជាផ្សារទំនើប លាយឡំជាមួយសេវាកម្មផ្សេងៗ។

សូមរំលឹកថា ផ្សារទំនើបសុវណ្ណា បានបង្កើតឡើងនៅឆ្នាំ ២០០៨ និងបានផ្អាកដំណើរការទៅវិញ នៅឆ្នាំ ២០១៩។ អ្នកគ្រប់គ្រងផ្សារ ធ្លាប់បានបញ្ជាក់ថា ការផ្អាកដំណើរការនេះ គឺដើម្បីផ្លាស់ប្តូរ​សោភ័ណភាព​ថ្មី​មួយចំនួនសម្រាប់ផ្សារនេះ។

អតីតផ្សារទំនើបសុវណ្ណា ត្រូវបាន​គេមើលឃើញថា គឺជាផ្សារទំនើប​វ័យចំណាស់​មួយ ក្នុងចំណោម​ផ្សារទំនើប​ចាស់ៗមួយចំនួន​ ដែល​មាន​ប្រតិបត្តិការ​អាជីវកម្ម ស្ថិតក្នុង​ស្ថានភាព​លំបាក​ក្នុងការប្រកួតប្រជែង​ជាមួយនឹង​ផ្សារទំនើប​បរទេស​ថ្មីៗ​ដែលទើប​តែបើក​ដំណើរ​ជាបន្តបន្ទាប់​នៅរាជធានី​ភ្នំពេញ។

ផ្សារទំនើប​សុវណ្ណា គឺជាការ​វិនិយោគ​របស់​ក្រុមហ៊ុនវិនិយោគទុន​អានិកជន​​កម្ពុជា  (OCIC) របស់អ្នកឧកញ៉ា ពុង ឃាវសែ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម