ព័ត៌មានជាតិ
ក្រសួងទេសចរណ៍ដាក់ចេញវិធានការចំនួន៥ ដើម្បីទាក់ទាញភ្ញៀវទេសចរណ៍ក្នុងឱកាសពិធីឆ្លងឆ្នាំសកល
ភ្នំពេញ ៖ ក្រសួងទេសចរណ៍បានដាក់ចេញវិធានការចំនួន៥ដល់មន្ទីរទេសចរណ៍រាជធានីខេត្តទាំងអស់ដើម្បីធ្វើការទាក់ទាញភ្ញៀវទេសចរណ៍ ដែលទៅកម្សាន្តនៅតាមគោលដៅទេសចរណ៍នានាក្នុងឱកាសឆ្លងឆ្នាំសកលឆ្នាំ២០២០ឆ្លងចូលឆ្នាំ២០២១ ដែលត្រូវនឹងថ្ងៃទី៣១ខែធ្នូនិងថ្ងៃទី០១ខែមករា ឆ្នាំ២០២១។
យោងតាមសារាចរណែនាំ ស្ដីពីការរៀបចំពង្រឹងគុណភាពផលិតផលទេសចរណ៍ចុះថ្ងៃទី១៨ធ្នូនេះបានឲ្យដឹងថា វិធានការទាំង៥នោះ រួមមានទី.១ត្រូវជំរុញការអនុវត្តឲ្យបានខ្ជាប់ខ្ជួននិងម៉ឺងម៉ាត់នូវវិធានការទាំងឡាយ ដែលបានដាក់ចេញដោយក្រសួងសុខាភិបាលនិងវិធានសុវត្ថិភាពទេសចរណ៍របស់ក្រសួងទេសចរណ៍ក្នុងការទប់ស្កាត់ការរាលដាលជំងឺកូវីដ១៩ ពិសេសការត្រួតពិនិត្យកម្ដៅពាក់ម៉ាសលាងដៃនិងបាញ់អាកុលសម្លាប់មេរោគឲ្យបានជាប្រចាំក្នុងនៅគ្រប់គោលដៅទេសចរណ៍ទាំងអស់។
ទី២.ត្រូវកំណត់សមត្ថភាពផ្ទុកអតិបរមានៅតាមគោលដៅទេសចរណ៍ទាំងអស់នឹងត្រូវបញ្ចៀសការជួបជុំជាក្រុមធំមិនឲ្យលើសពី២០នាក់ដោយត្រូវគិតគូរអំពីការរក្សាគម្លាតសុវត្ថិភាពឲ្យបានត្រឹមត្រូវនិងត្រូវកត់ត្រាភ្ញៀវទេសចរដូចជាឈ្មោះលេខទូរសព្ទអាសយដ្ឋានដែលចូលទៅកម្សាន្តនៅតាមគោលដៅទេសចរណ៍នានា។
ទី៣.ត្រូវសហការជាមួយមន្ទីរបរិស្ថានមន្ទីរសុខាភិបាលនិងផ្នែកពាក់ព័ន្ធនានាដើម្បីអប់រំណែនាំម្ចាស់មូលដ្ឋានអាជីវកម្មសេវាកម្មទេសចរណ៍និងភ្ញៀវទេសចរឲ្យចូលរួមថែរក្សាបរិស្ថានអនាម័យឲ្យលុបបំបាត់ការបោះចោលសំរាមនិងកាកសំណល់ផ្ដេសផ្ដាសនិងបញ្ឈប់ការបោះចោលក្រដាសក្រោមទុកកាត់បន្ថយការប្រើប្រាស់ថង់ប្លាស្ទិក និង ត្រូវចាត់វិធានការតាមគ្រប់រូបភាពដើម្បីធានាអនាម័យក្នុងភោជនីយដ្ឋានរួមទាំងបន្ទប់ទឹកបង្គន់អនាម័យហើយបុគ្គលិកបម្រើការត្រូវមានឯកសណ្ឋានឲ្យបានត្រឹមត្រូវ។
ទី៤.ត្រូវសហការណែនាំជំរុញអាជីវករនិងប្រតិបត្តិករទេសចរណ៍ក្នុងការពង្រឹងគុណភាពផលិតផលទេសចរណ៍និងរក្សាតម្លៃផលិតផលនឹងសេវាឲ្យបានសមរម្យហើយរាល់ថ្លៃស្នាក់នៅម្ហូបអាហារនិងសេវាផ្សេងត្រូវសរសេរឲ្យបានច្បាស់ដាក់ក្នុងតារាងដើម្បីជម្រាបជូនភ្ញៀវឲ្យបានដឹងជាមុនជៀសវាងការកំណត់ថ្លៃខ្ពស់ហួសហេតុ។ករណីមិនអនុវត្តតាមតារាងថ្លៃដែលបានកំណត់ម្ចាស់មូលដ្ឋានអាជីវកម្មត្រូវទទួលខុសត្រូវចំពោះមុខច្បាប់ជាធរមាននិងទី៥. ត្រូវសហការចុះតាមគោលដៅទេសចរណ៍សំខាន់ៗដើម្បីធ្វើការបញ្ជ្រាបការយល់ដឹងជាសាធារណៈដល់ភ្ញៀវនិងបងប្អូនប្រជាពលរដ្ឋអំពីហានិភ័យនិងវិធានការទប់ស្កាត់ការរីករាលដាលនៃជំងឺកូវីដ១៩ ព្រមជាមួយការពង្រឹងគុណភាពផលិតផលនិងសេវាកម្មទេសចរណ៍ឲ្យបានល្អប្រសើរ៕
ដោយ ៖ សំអឿន
-
កីឡា៤ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ៦ ថ្ងៃ agoអភិបាលស្រុកសំរោង ចុះពិនិត្យស្ពាន «កាប់នឹម» បាក់ស្រុតធ្ងន់ សិក្សាលទ្ធភាពជួសជុលឡើងវិញ ដើម្បីធានាសុវត្ថិភាពពលរដ្ឋ
-
កីឡា១ សប្តាហ៍ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
កីឡា៤ ថ្ងៃ agoចប់សន្សំពិន្ទុជុំទី២ World Cup 2026 រកឃើញ ៧ ក្រុមឡើងវគ្គ ៣២ ក្រុមចុងក្រោយ
-
ព័ត៌មានអន្ដរជាតិ៤ ថ្ងៃ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន
-
ព័ត៌មានជាតិ៥ ថ្ងៃ agoអ្នកវិភាគមើលឃើញពីសក្ដានុពលពាណិជ្ជកម្មសេរីរវាងកម្ពុជានិងអឺរ៉ាស៊ីស្របគ្នានឹងបញ្ហាប្រឈមមួយចំនួន
-
ព័ត៌មានអន្ដរជាតិ២២ ម៉ោង agoតុលាការកូរ៉េខាងត្បូង ផ្ដន្ទាទោសអតីតជំទាវទីមួយ Kim Keon Hee ជាប់ពន្ធនាគារ ៧ឆ្នាំ ពីបទទទួលសំណូក
-
សន្តិសុខសង្គម៦ ថ្ងៃ agoបារីជិត១០០ប៊ិច ត្រៀមដឹកគេចពន្ធទៅថៃ ត្រូវបានសមត្ថកិច្ចបង្ក្រាបបានទាន់ពេល ខណ:ក្រុមឈ្មួញគ្មានញញើតច្បាប់