Connect with us

ព័ត៌មានជាតិ

អ្នកមានជំនឿលើដើមឈើទាលស្រង់ពីទន្លេរាប់ពាន់នាក់ បន្តគោរពបន់ស្រន់រៀងរាល់ថ្ងៃ

បានផុស

នៅ

ភ្នំពេញ៖ គិតត្រឹមថ្ងៃទី ២២ ខែឧសភានេះ មានរយៈពេល ១០ថ្ងៃទៅហើយ ដែលមានមនុស្សម្នារាប់ពាន់នាក់ នាំគ្នាមកគោរពប្រណិបត្តិដើមឈើទាលដ៏ធំ បន្ទាប់ពីអាជ្ញាធរស្រង់ពីទឹកទន្លេបាសាក់យកមករក្សាទុកនៅក្នុងបរិវេណ​សាលាឃុំឈើទាលស្រុកកៀនស្វាយខេត្តកណ្តាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័តមានពីលោក ជុំ រឿន អាយុ៨៥ឆ្នាំ រស់នៅភូមិឬស្សីស្រុកឃុំឈើទាលស្រុកកៀនស្វាយខេត្តកណ្តាល បានឲ្យកម្ពុជាថ្មីដឹង នៅព្រឹកថ្ងៃទី២២ខែឧសភានេះថា ចាប់តាំងពីថ្ងៃទី១៣ខែឧសភា ជាថ្ងៃដែលអាជ្ញាធរ ស្ទូចយកដើមឈើទាលពីក្នុងទន្លេបាសាក់ស្ថិតនៅក្រោយសាលាឃុំឈើទាលយកមករក្សាទុកនៅក្នុងបរិវេណសាលាឃុំឈើទាលមក គឺមានមនុស្សម្នាជាច្រើន បាននាំគ្នាមកពីទីជិតឆ្ងាយមកមើលដើមឈើទាល និងនាំគ្នាទិញអំបោះក្រហមយកមកពាក់ដៃសឹងគ្រប់ៗគ្នា ដើម្បីផ្សងសុំសេចក្តីសុខ បើទោះជាមានមនុស្សខ្លះរិះគន់ថាមិនគួរឲ្យជឿក៏ដោយ។

លោកបានបញ្ជាក់ទៀតថា នៅទីតាំងដើមឈើទាលខាងលើគឺពោរពេញទៅដោយផ្សែងធូបនិងក្លិនក្រអូប ពិសេសទឹកអប់តែម្តង។

តាមប្រភពពី លោកយាយ ទួន ស៊ិន អាយុ៨២ឆ្នាំរស់នៅក្បែរទីតាំងដាក់ដើមឈើទាលបាននិយាយថា ពីដើមមក លោកយាយធ្លាប់តែឃើញគេកាប់ឈើយកមកធ្វើផ្ទះហើយបើដើមឈើទាលដូចខាងលើ ច្រើនតែដាំដុះក្នុងបរិវេណវត្ត តែចម្លែកដើមឈើដ៏ធំនេះបែជារលំចូលទៅក្នុងទន្លេរាប់សិបឆ្នាំទើបនឹងផុសឡើង ដែលធ្វើឲ្យមនុស្សម្នាមានជំនឿនាំគ្នាគោរពដើមឈើនេះ។

លោកយាយបញ្ជាក់ថាកាលពីឆ្នាំ១៩៧៥ ខណៈដែលខ្មែរក្រហមទើបវាយឈ្នះរបប លន់ ណុល គឺកាលនោះ ច្រាំងទន្លេបាសាក់បានបាក់ស្រុតរាល់ថ្ងៃរួមទាំងដើមឈើ និងផ្ទះសម្បែងរបស់ប្រជាពលរដ្ឋផង។ ដូច្នេះដើមឈើនេះអាចរលំស្រុតតាំងពីជំនាន់នោះមកម្ល៉េះ។

បើទោះជាយ៉ាងណា ក៏នេះគឺជាលើកទី១ហើយ ដែលអាជ្ញាធរឃុំឈើទាលស្ទូចយកដើមឈើមករក្សាទុក​នៅក្នុងបរិវេណសាលាឃុំហើយ ក៏ត្រូវបានអ្នកមានជំនឿនាំយកក្រណាត់ចម្រុះពណ៌មកហ៊ុំព័ទ្ធមើល​ទៅស្រស់ស្អាតទៀតផង។ ចំណែកអ្នកមកអុជធូបបន់ស្រន់ គឺចាប់ពីម៉ោង៦កន្លះព្រឹក រហូតដល់ម៉ោង៨យប់ឯណោះ៕ អត្ថបទ៖ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៦ នាទី មុន

ក្រសួងអប់រំ តាមដានបេសកកម្ម ការរៀបចំគម្រោងកែលម្អការអប់រំឧត្តមសិក្សាទី២

ព័ត៌មានជាតិ៣០ នាទី មុន

ក្រុម១០០រាត្រី អំពាវនាវអង្គបោះឆ្នោត កុំបោះឱ្យបក្សកម្លាំងជាតិ និងបក្សឆន្ទៈខ្មែរ ក្រោមមូលហេតុ៣យ៉ាង

ព័ត៌មានអន្ដរជាតិ៤១ នាទី មុន

រុស្ស៊ី បើកការវាយប្រហារអាកាសលើរដ្ឋធានីកៀវ និងទីក្រុងផ្សេងទៀត របស់អ៊ុយក្រែន

ព័ត៌មានជាតិ៤២ នាទី មុន

នាយករដ្ឋមន្ត្រីកម្ពុជា-ថៃ ឯកភាពដំឡើងកម្រិតទំនាក់ទំនងប្រទេសទាំងពីរ ទៅជា «ភាពជាដៃគូយុទ្ធសាស្ត្រ»

ព័ត៌មានជាតិ៤៦ នាទី មុន

ឯកឧត្ដម ហ៊ុន ម៉ានី ៖ ការវាយតម្លៃទទួលស្គាល់អង្គភាពផ្ដល់សេវាសាធារណៈគំរូ ជាការជំរុញភាពជាគំរូ ក្នុងការផ្ដល់សេវាជូនប្រជាជនកាន់តែប្រសើរ

សន្តិសុខសង្គម៦ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

ព័ត៌មានជាតិ៧ ថ្ងៃ មុន

ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន

ជីវិតកម្សាន្ដ៥ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

ចរាចរណ៍៧ ម៉ោង មុន

ព័ត៌មានបឋម៖ រថយន្ត​ Alphard ក្រឡាប់ផ្ងារជើងលើផ្លូវល្បឿនលឿនរងរបួស និងស្លាប់ច្រើននាក់

កីឡា១ ថ្ងៃ មុន

អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ

Sokha Hotels

ព័ត៌មានពេញនិយម