ព័ត៌មានជាតិ
កម្ពុជាអនុម័តគម្រោងវិនិយោគវិស័យកសិកម្មនិងកែច្នៃចំណីអាហារ ៤០០ គម្រោងមានទុនជាង១០ ប៊ីលានដុល្លារ
លោក សុខ ចិន្តាសោភារដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៍កម្ពុជា មានប្រសាសន៍ថាគិតត្រឹមខែមិថុនា ឆ្នាំ២០២២ក្រុមប្រឹក្សាអភិវឌ្ឍន៍កម្ពុជា (ក.អ.ក.) បានអនុម័តគម្រោងវិនិយោគក្នុង វិស័យកសិកម្ម កសិ-ឧស្សាហកម្ម និងកែច្នៃចំណីអាហារប្រមាណ ៤០០គម្រោង ក្នុងទុនវិនិយោគ សរុបប្រមាណ ១០, ៣៣ ប៊ីលានដុល្លារអាមេរិក។
ការលើកឡើងនេះបានធ្វើឡើងកាលពីរសៀលថ្ងៃទី១៥កក្កដាក្នុងពិធីប្រកាសដាក់ឱ្យប្រើប្រាស់ឧបករណ៍ ផ្សព្វផ្សាយរបស់តុវិនិយោគកសិ-ចំណីអាហារនៅ ក.អ.ក។
លោក សុខ ចិន្តាសោភា បានបន្តថាពិធីនេះគឺជាព្រឹត្តិការណ៍ដ៏មានសារៈសំខាន់ និងជាសក្ខីភាពមួយទៀតដែលឆ្លុះបញ្ចាំងពីផ្លែផលនៃ កិច្ចសហប្រតិបត្តិការរវាងកម្ពុជា និងអូស្ត្រាលី លើការពន្លឿនសកម្មភាពជំរុញវិនិយោគក្នុងវិស័យកសិ ចំណីអាហារជាអាទិភាព ដើម្បីរួមចំណែកដល់ការរក្សាបាននូវសុវត្ថិភាពម្ហូបអាហារ ការកាត់បន្ថយភាពក្រីក តាមរយះការបង្កើតការងារបន្ថែម និងការជំរុញកំណើនសេដ្ឋកិច្ចនិងចីរភាពបរិស្ថា។
លោក សុខ ចិន្តាសោភាបានបន្តទៀតថាឧបករណ៍ចម្បង នេះនឹងរួមចំណែកដល់ការជំរុញវិនិយោគ និងលើកកម្ពស់ការអភិវឌ្ឍវិស័យកសិ-ចំណីអាហារ ព្រមទាំងធ្វើ ឱ្យប្រសើរឡើងនូវភាពប្រកួតប្រជែងក្នុងវិស័យកសិកម្មហើយប្រតិបត្តិការរបស់ធ្វើវិនិយោគកសិ-ចំណីអាហារ នៅ ក.អ.ក. នឹងជួយពង្រឹងមូលដ្ឋានរបស់វិស័យកសិ-ចំណីអាហារនៅកម្ពុជាឱ្យកាន់តែរឹងមាំ និងកាន់តែមាន ភាពធន តាមរយៈការធ្វើពិពិធកម្មធនធាន និងទម្រង់នៃការវិនិយោគ ដោយប្រើប្រាស់បច្ចេកវិទ្យា និង នវានុវត្តន៍ក្នុងវិស័យនេះ ខណៈបង្កើតការងារដែលមានតម្លៃបន្ថែមកាន់តែខ្ពស់ដល់ប្រជាជនកម្ពុជា។
លោកបានបន្ថែមថា ក្រុមការងាររបស់យើងនឹងនៅជាមួយវិនិយោគិនគ្រប់ដំណាក់កាលដើម្បីធានានូវការទទួល បានផលចំណេញយ៉ាងឆាប់រហ័ស និងគាំទ្រដល់ជីវភាពដ៍ល្អប្រសើររបស់កសិករនិងក្រុមគ្រួសាររបស់ពួក គាត់។
លើសពីនេះ លោករដ្ឋមន្ត្រីប្រតិភូ បានវាយតម្លៃខ្ពស់ដល់ស្ថានទូតអូស្ត្រាលីប្រចាំកម្ពុជាសម្រាប់ តួនាទីក្នុងការផ្តល់ជំនួយបច្ចេកទេស ដើម្បីពន្លឿនការស្តារឡើងវិញនូវសេដ្ឋកិច្ចកម្ពុជាក្នុងគន្លងប្រក្រតីភាព ថ្មីក្រោយវិបត្តិជំងឺកូវីដ-១៩។
លោក ប៉ាម្លូ កាង ឯកអគ្គរាជទូតអូស្ត្រាលីប្រចាំកម្ពុជា បានបញ្ជាក់ពីការប្តេជ្ញាចិត្តរបស់រដ្ឋាភិបាល អូស្ត្រាលីក្នុងការគាំទ្រដល់ដំណើរការអភិវឌ្ឍសេដ្ឋកិច្ចកម្ពុជា ជាពិសេសការលើកកម្ពស់ផលិតភាពក្នុងវិស័យ កសិកម្ម តាមរយៈការរួមគ្នាជំរុញការវិនិយោគក្នុងវិស័យកសិ-ចំណីអាហារ។
លោកទួតបានមានប្រសាសន៍ថាការដាក់ឱ្យប្រើប្រាស់ឧបករណ៍ ផ្សព្វផ្សាយរបស់តុវិនិយោគកសិ-ចំណីអាហារនៅ ក.អ.ក. នាពេលនេះគឺជាសមិទ្ធផលថ្មីនិងជាសក្ខីភាពមួយ ដែលអូស្ត្រាលីបានចូលរួមជួយបំពេញបន្ថែមដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការ ជំរុញ ទាក់ទាញនិងថែរក្សាការវិនិយោគក្នុងវិស័យកសិកម្ម កសិ-ធុរកិច្ច និងកសិ-ចំណីអាហារ។
ចំណែកលោក វង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បាន សម្ដែងនូវការកោតសរសើរនិងវាយតម្លៃខ្ពស់ ចំពោះកិច្ចសហការយ៉ាងល្អក្រៃលែងពីគ្រប់ដៃគូរ ពាក់ព័ន្ធទាំងអស់ ជាពិសេស ក្រុមប្រឹក្សាអភិវឌ្ឍន៍កម្ពុជា និងស្ថានទូតអូស្ត្រាលីប្រចាំកម្ពុជា ដែលបានផ្ដល់ ការគាំទ្រទាំងបច្ចេកទេស និងធនធានហិរញ្ញវត្ថុ ក្នុងការលើកកម្ពស់ការវិនិយោគក្នុងវិស័យកសិកម្ម និង កសិ-ឧស្សាហកម្មនៅកម្ពុជា។
ជាមួយគ្នានេះ លោករដ្ឋមន្ត្រី ក៏បានចូលរួមអបអរសាទរនឹងគាំទ្រយ៉ាង ពេញទំហឹងចំពោះការប្រកាសឱ្យប្រើប្រាស់នូវឧបករណ៍ផ្សព្វផ្សាយរបស់តុវិនិយោគកសិ-ចំណីអាហារនៅ ក.អ.ក. ពេលនេះ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ