ព័ត៌មានជាតិ
ព្រៃវែង នឹងក្លាយជាខេត្តទី ២ ដែលនឹងត្រូវប្រកាសជាខេត្ត បញ្ឈប់ការបន្ទោបង់ពាសវាលពាសកាល
ខេត្តព្រៃវែង នឹងក្លាយជាខេត្តទី ២ ដែលនឹងត្រូវប្រកាសជាខេត្ត បញ្ឈប់ការបន្ទោរបង់ពាសវាលពាសកាល (ODF) ក្នុងពេលឆាប់ៗខាងមុខនេះ។ នេះបើតាមការឲ្យដឹងពីមន្ត្រីជាន់ខ្ពស់ក្រសួងអភិវឌ្ឍន៍ជនបទ។
លោក ជ្រុន ថេរ៉ាវ៉ាត រដ្ឋលេខាធិការក្រសួងអភិវឌ្ឍន៍ជនបទ បានឲ្យដឹងនៅក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងអភិវឌ្ឍន៍ជនបទ” នាព្រឹកថ្ងៃទី ១ ខែសីហា ឆ្នាំ ២០២២នេះថា ការបញ្ឈប់ការបន្ទោរបង់ពាសវាលពាសកាល (ODF) គិតត្រឹមឆ្នាំ ២០២២ ក្រសួងអភិវឌ្ឍន៍ជនបទ សម្រេចបានភូមិ ODF ចំនួន ៥,៣៤១ភូមិ ស្មើនឹង ៦០ភាគរយ លើគោលដៅ ៨,៨៥៩ ភូមិ ឃុំ-សង្កាត់ ODF ចំនួន ៣៩២ ឃុំ-សង្កាត់ ស្មើនឹង ៩៤ភាគរយ លើគោលដៅចំនួន ៤១៥ឃុំ-សង្កាត់ ស្រុក-ក្រុង ODF ចំនួន ៣១ស្រុក ស្មើនឹង ១៥៥ភាគរយ លើគោល ដៅចំនួន ២០ស្រុក-ក្រុង និងខេត្ត ODF ចំនួន ១ (សម្រេចបានមុនផែនការ)។
លោក ជ្រុន ថេរ៉ាវ៉ាត បានឲ្យដឹងបន្តថា ខេត្តស្វាយរៀង គឺជាខេត្តទី ១ និងដំបូងគេនៅកម្ពុជា ដែលបានបញ្ឈប់ការបន្ទោរ បង់ពាសវាលពាសកាល (ODF) ហើយនៅចុងខែសីហា ឬដើមខែកញ្ញាខាងមុខនេះ ខេត្តព្រៃវែង គឺជាខេត្តទី ២ ដែលនឹងត្រូវប្រកាសខេត្តបញ្ឈប់ការបន្ទោរបង់ពាសវាលពាសកាល (ODF) ក្រោមអធិបតីភាពលោក អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ។
សូមជម្រាបថា ប្រទេសកម្ពុជា ជាប្រទេសដែលទទួលបានចំណាត់ថ្នាក់លេខ ២ នៅលើពិភពលោក ដែលបានកាត់បន្ថយចំនួនអត្រា អ្នកបន្ទោរបង់ពាសវាលពាសកាលពី ៨២,៧ភាគរយ មកត្រឹម ៤០, ៦ភាគរយ នៅឆ្នាំ ២០១៥។ លទ្ធផលជាវិជ្ជមាននេះ បានមកដោយសារការខិតខំប្រឹងប្រែង របស់រាជរដ្ឋាភិបាល គួបផ្សំជាមួយនឹងការចូលរួមសហការយ៉ាងជិតស្និត ជាមួយដៃគូអភិវឌ្ឍន៍ អង្គការមិនមែនរដ្ឋាភិបាលក្រៅប្រទេស និងអង្គការមិនមែនរដ្ឋាភិបាលក្នុងប្រទេស អ្នកពាក់ព័ន្ធ រួមទាំងវិស័យឯកជនផងដែរ៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ