Connect with us

ព័ត៌មានជាតិ

មន្រ្តីជំនាញទេសចរណ៍ខេត្តកោះកុង ចុះពិនិត្យវាយតម្លៃស្តង់ដារ​សហគមន៍ភ្នំទ័ពជាង

បានផុស

នៅ

កោះកុង៖ ក្រុមមន្រ្តីមន្ទីរទេសចរណ៍ខេត្តកោះកុង បានចុះពិនិត្យ និងវាយតម្លៃបឋមអំពីស្តង់ដារសហគមន៍តំប​ន់​ការពារធម្មជាតិភ្នំទ័ពជាង មុននឹងចូលរួមប្រឡងប្រណាំងសហគមន៍ទេសចរណ៍ និងអេកូទេសចរណ៍គំរូលើកទី៣ ឆ្នាំ២០២២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហគមន៍តំបន់ការពារធម្មជាតិភ្នំទ័ពជាង ជាទីកន្លែងស្នាក់នៅលំហែកាយបែបធម្មជាតិនៃស្រស់ព្រៃភ្នំដ៏ស្រស់​ត្រកាលមនោរម្យស្ទើរគ្រប់រដូវកាល ដែលផ្ទៃដីសរុបជាង៣ពាន់ហិចតា ស្ថិតនៅក្នុងភូមិព្រះអង្គកែវ ឃុំដងពែង ស្រុកស្រែអំបិល។

លោក លី វិត្ថាវ៉ាន់ អនុប្រធានមន្ទីរទេសចរណ៍ខេត្តកោះកុង ឱ្យដឹងនៅថ្ងៃទី១៣ ខែសីហាថា តបនឹងអ្វីដែលសហគមន៍​មានស្រាប់ ក្រុមមន្រ្តីរបស់លោក ចាំបាច់ចុះពិនិត្យវាយតម្លៃពីស្ថានភាពជាក់ស្តែងឱ្យត្រឹមត្រូវ​បានលក្ខខណ្ឌស្តង់​ដារសហគមន៍ទេសចរណ៍ រួមមាន៖ផ្លូវធ្វើដំណើរចូលសហគមន៍ ផ្ទះស្នាក់នៅ បោះតង់ ផ្តល់សេវាកម្មចំណីអាហារ ការដឹកជញ្ចូននាំភ្ញៀវកម្សាន្ត សោភ័ណ្ឌភាពបរិស្ថានអនាម័យក្នុងសហគមន៍ និងចំណតយានយន្តជាដើម។

លោក លី វិត្ថាវ៉ាន់ បន្ថែមថា សហគមន៍ការពារធម្មជាតិភ្នំទ័ពជាង នៅខ្វះលក្ខខណ្ឌបន្តិចបន្តួចប៉ុណ្ណោះដែល​ត្រូវតម្រូវកែលម្អបន្ថែម ដោយគ្មានចំណតចតរថយន្ត ធុងសំរាម និងបរិស្ថានមិនសមប្រកបមួយចំនួន។ ចំពោះលទ្ធផលនៃការវាយតម្លៃនេះ នឹងមានបើកសិក្ខាសាលាមួយ ដើម្បីពិគ្រោះយោបល់រវាងមន្ទីរអង្គភាពជំុវិញខេត្ត មុននឹងអាចដាក់ពាក្យចូលរួមប្រលងប្រណាំងសហគមន៍ទេសចរណ៍ និងអេកូទេសចរណ៍គំរូលើកទី៣ នៅខែវិច្ឆិកា ឆ្នាំ២០២២ ខាងមុខ។

បើតាមលោកអនុប្រធានមន្ទីរទេសចរណ៍ខេត្តកោះកុង ក្នុងចំណោមផ្ទៃដីសរុប៣ពាន់ហិចតា មាន៤ហិចតាដែល​ក្រសួងបរិស្ថានកំពុងគៀងគរអ្នកវិនិយោគក្នុងសហគមន៍ការពារធម្មជាតិភ្នំទ័ពជាងនេះ ក្នុងន័យបង្កើនប្រាក់​ចំណូលដល់ប្រជាសហគមន៍ប្រមាណ៣០០គ្រួសារ ទប់ស្កាត់ការទន្រ្ទានដីព្រៃឈើ និងលើកកម្ពស់​វិស័យទេសចរណ៍បរិស្ថាន។

កន្លងទៅ មានសហគមន៍អេកូទេសចរធម្មជាតិជីផាត់ និងតំបន់អេកូទេសចរធម្មជាតិឆាយអារ៉ែង បានជាប់ជ័យលាភី​លេខ១ការប្រឡងប្រណាំងរបស់គណៈកម្មាធិការជាតិគ្រប់គ្រង និងអភិវឌ្ឍន៍សហគមន៍ទេសចរណ៍ និងអេកូទេសចរណ៍។

សហគមន៍ការពារធម្មជាតិភ្នំទ័ពជាង ស្ថិតនៅភាគនិរតីនៃតំបន់ជួរភ្នំក្រវាញ មានចម្ងាយជាង២០គីឡូម៉ែត្រ ប្រសិនបើលោកអ្នកធ្វើដំណើរពីផ្លូវជាតិលេខ៤៨ម្តុំគល់ស្ពានស្រែអំបិល ដែលជាតំបន់លាយខ្លួនកណ្តាលព្រៃភ្នំ។ អ្វីដែលអ្នកកម្សាន្តបានទៅកោតសរសើរសក្តានុពលធម្មជាតិគួរទាក់ទាញ ដូចជា ទេសភាពពពកវិល ផ្ទាំងថ្មដែលដុះ ទឹកធ្លាក់ស្ទឹងពព្រូល ដំណើរកម្សាន្តដើរព្រៃបែបផ្សងព្រេង ស្ទូចត្រី បោះតង់ និងវារីអគ្គិសនីគិរីរម្យ៣។

យោងតាមវេបសាយ ភ្នំទ័ពជាង បានឲ្យដឹងថា សេវាកម្មអ្នកនាំភ្ញៀវម្នាក់ ១០ ដុល្លារក្នុង ១ ថ្ងៃ គោយន្ដ ២៥ ដុល្លារក្នុង ១ ថ្ងៃ ជួលម៉ូតូ ១០ ដុល្លារ ជួលកង់ ៥ ដុល្លារ ទូក ៥ ដុល្លារម្នាក់ និងជួលតង់ ៥ ដុល្លារម្នាក់សម្រាប់ ១ យប់៕  អត្តបទៈសិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៥ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៦ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៦ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៦ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម