ព័ត៌មានជាតិ

នៅភ្នំពេញមានសណ្ឋាគារជាង ៥០ កន្លែង ទទួលចំណាត់ថ្នាក់កម្រិតផ្កាយ

បានផុស

៤ years មុន

នៅ

ថ្ងៃពុធ ១៧ សីហា ២០២២

ដោយ

សណ្ឋាគារជាង ៥០ កន្លែង នៅរាជធានីភ្នំពេញ ទទួលបានការវាយតម្លៃនិងផ្ដល់ចំណាត់ថ្នាក់ពីកម្រិតផ្កាយមួយដល់ផ្កាយប្រាំ។

លោក ម៉ម វាសនា ប្រធានមន្ទីរទេសចរណ៍រាជធានីភ្នំពេញបានឲ្យកម្ពុជាថ្មីដឹងថា នៅរាជធានីភ្នំពេញមានសណ្ឋាគាររាប់រយកន្លែង តែសណ្ឋាគារដែលទទួលការវាយតម្លៃកម្រិតផ្កាយមានតែជាង ៥០ កន្លែងប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក ម៉ម វាសនា ការចាត់ចំណាត់ថ្នាក់សណ្ឋាគារ ដើម្បីបញ្ជាក់អំពីកម្រិតគុណភាពជាក់លាក់នៃសេវាកម្ម សម្ភារៈ គ្រឿងបំពាក់ និងការរៀបចំរបស់សណ្ឋាគារឱ្យបានសមស្របតាមនិយាមអន្តរជាតិ។

តាមគេហទំព័រ Cambodiatourismrating របស់ក្រសួងទេសចរណ៍ ការដាក់ចំណាត់ថ្នាក់សណ្ឋាគារពីផ្កាយ ១ ដល់ ផ្កាយ ៥ ត្រូវបំពេញលក្ខខណ្ឌដូចខាងក្រោម៖

-ផ្កាយ ១ ៖ ២០០ពិន្ទុ ក្នុងនោះពិន្ទុគ្រឿងសម្ភារៈបំពាក់យ៉ាងតិចបំផុតគឺ ៨០
-ផ្កាយ ២ ៖ ២៨០ពិន្ទុ ក្នុងនោះពិន្ទុគ្រឿងសម្ភារៈបំពាក់ យ៉ាងតិចបំផុតគឺ ១០០
-ផ្កាយ ៣ ៖ ៤០០ពិន្ទុ ក្នុងនោះពិន្ទុសម្រាប់សេវាបម្រើ យ៉ាងតិចបំផុតគឺ ៥០
-ផ្កាយ ៤ ៖ ៦០០ពិន្ទុ ក្នុងនោះពិន្ទុសម្រាប់សេវាបម្រើ យ៉ាងតិចបំផុតគឺ ១០០
-ផ្កាយ ៥ ៖ ៨០០ពិន្ទុ ក្នុងនោះពិន្ទុសម្រាប់សេវាបម្រើ យ៉ាងតិចបំផុតគឺ ១៥០

លោក ម៉ម វាសនា បានបញ្ជាក់ថា បើទោះបីពិភពលោកជួបវិបត្តិជំងឺកូវីដ ប៉ុន្តែសណ្ឋាគារថ្មីៗមួយចំនួនបានជម្នះបើកអាជីវកម្មក្នុងស្ថានភាពដ៏លំបាក។ តួយ៉ាងសណ្ឋាគារកម្រិតផ្កាយប្រាំ ហៃយ៉ាត់ បានបើកអាជីវកម្មក្នុងអំឡុងពេលវិបត្តិកូវីដ។ ជាមួយគ្នានេះដែរមានសណ្ឋាគារថ្មីៗបន្តបន្តបន្ទាប់កំពុងដំណើរការសាងសង់ និងអាចចាប់ផ្តើមដាក់ដំណើរអាជីវកម្មនៅពេលខាងមុខនេះ៕

Related Topics:លោក ម៉ម វាសនា