ព័ត៌មានជាតិ
សាលាបឋមសិក្សា ហ៊ុន សែន អនុវត្តន៍អាចារ្យលាក់ ប្រឡងសិស្សពូកែ លើកដំបូង
កំពង់ធំ៖ សាលាបឋមសិក្សា ហ៊ុន សែន អនុវត្តន៍អាចារ្យលាក់បើកកម្មវិធីប្រឡងសិស្សាពូកែកម្រិតបឋមសិក្សាដំបូង ដើម្បីពង្រឹងគុណភាពអប់រំ និងឈានទៅផ្តល់ការសិក្សារពិសេសបន្ថែមសម្រាប់សិស្សពូកែ នៅថ្ងៃទី២០ ខែសីហា ឆ្នាំ២០២២
ក្នុងឱកាសនោះដែរ លោក លឹម ធេង នាយកសាលាបឋមសិក្សា ហ៊ុន សែន អនុវត្តន៍អាចារ្យលាក់ លើកឡើងថា ការប្រឡងនេះ គឺជាជំហ៊ានដំបូង ដែលសាលាបឋមសិក្សា ហ៊ុន សែន អនុវត្តន៍អាចារ្យលាក់ ចាប់ផ្តើមប្រឡង។ ការប្រឡងនេះ មានគោលដៅសំខាន់ ដើម្បីពង្រឹងគុណភាពអប់រំ ជ្រើសរើសិស្សពូកែក្នុងចំណោមសិស្សគ្រប់កម្រិតចាប់ពី ថ្នាក់ទី១ រហូតដល់ថ្នាក់ទី៦។ មុខវិជ្ជាដែលប្រឡង មានពីរមុខវិជ្ជា គឺមុខវិជ្ជាភាសាខ្មែរ និងគណិតវិទ្យា ដែលមានសិស្សចូលរួមប្រឡង សរុបចំនួន១៤៦នាក់ ក្រោមការពិនិត្យដោយផ្ទាល់ពីលោកគ្រូ អ្នកគ្រូ ដែលបង្រៀននៅសាលានេះ ជាអនុរក្ស។ ការប្រឡងនេះ នឹងធ្វើការជ្រើសរើសសិស្សពូកែ មានចំណាត់ពីលេខ ១ ដល់លេខ ៥ ដើម្បីទៅប្រឡងជាមួយ សាលាមួយចំនួនទៀត នៅក្នុងក្រុងស្ទឹងសែន និងស្រុកកំពង់ស្វាយ ដែលមានការជួយឧបត្ថម្ភ ពីសាលាភាពជាអ្នកដឹកនាំ ហៅកាត់ថា “ឡៃគឺ”។
លោកបន្តថា ការខកខាន នៃការបង្រៀនផ្ទាល់របស់លោកគ្រូ ក្នុងរយៈជិត២ ឆ្នាំ ធ្វើឱ្យគុណភាពអប់រំ មានការធ្លាក់ចុះ ក្រោយពីការចាប់ផ្តើមចូលរៀនឡើងវិញ លោកគ្រូ គ្រូអ្នក បានធ្វើការពង្រឹងវិន័យ សីលធម៌ ដែលធ្វើសាលាទទួលបានការកើនឡើងទាំងបរិមាណសិស្ស និងគុណភាពអប់រំ។ នៅក្នុងឆ្នាំសិក្សា២០២១-២០២២ សាលាមានការកើនឡើងសិស្សចំនួន៣០០នាក់បន្ថែម បើធ្វើការប្រៀបធៀបឆ្នាំចាស់។ កត្តាដែលធ្វើ ឲ្យមានការកើនឡើងដោយសារ សាលាបឋមសិក្សា ហ៊ុន សែន អនុវត្តន៍អាចារ្យលាក់ ទទួលបាននូវបាននូវការអនុញ្ញាតបង្រៀនពេញម៉ោងសិក្សា ទាំងពេលព្រឹក និងពេលល្ងាច ដែលមានម៉ោងបន្ថែមសម្រាប់សិស្សច្រើន ជាងសាលាផ្សេងៗ ជាពិសេសបន្ថែមមុខវិជ្ជាលើមុខវិជ្ជាភាសាបរទេស និងកុំព្យូទ័រ ផងដែរ។ លោកបញ្ជាក់ថា បច្ចុប្បន្នសិស្សសរុបនៅឆ្នាំសិក្សានេះ នៅកម្រិតបឋមសរុបចំនួន ៩៧១នាក់ ស្រីសរុបចំនួន ៤៦២នាក់ សរុបទាំងមត្តេយ្យសិក្សា មានចំនួនជាង១០០០នាក់។ ទិសដៅនៅថ្ងៃអនាគត សាលារៀន នឹងធ្វើឱ្យសិស្សទទួលបានចំណេះដឹងខ្ពស់ ស្របតាមចក្ខុវិស័យ នៃការអប់រំរបស់ក្រសួងអប់រំ យុវជន និងកីឡា។ អត្ថបទ៖ ឈាង មករា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»