ព័ត៌មានជាតិ
មន្ទីរពេទ្យគន្ធបុប្ផាទី ៣៖ សូមឪពុកម្ដាយប្រយ័ត្នការប្រើថ្នាំប៉ារ៉ាសេតាម៉ុលលើសកម្រិតលើកុមារ
មន្ទីរពេទ្យជ័យវរ្ម័នទី ៧ ខេត្តសៀមរាប (គន្ធបុប្ផាទី ៣) បានក្រើនរំលឹកដល់ឪពុកម្ដាយឱ្យប្រយ័ត្នការប្រើថ្នាំប៉ារ៉ាសេតាម៉ុលលើសកម្រិត លើកុមារ ក្រោយពីមានករណីកុមារីម្នាក់ជួបគ្រោះថ្នាក់បញ្ហាសុខភាពធ្ងន់ធ្ងរ ដោយសារអាណាព្យាបាលប្រើប្រាស់ថ្នាំប៉ារ៉ាសេតាម៉ុលហូសកម្រិត ដើម្បីបញ្ចុះកម្តៅ។
មន្ទីរពេទ្យជ័យវរ្ម័នទី ៧ ខេត្តសៀមរាប បានសរសេរដូច្នេះថា កុមារី អាយុ ១ ឆ្នាំ មានទម្ងន់ ៧ គីឡូក្រាម មកពីភូមិព្រែកត្រប់ ឃុំព្រែកនរិន្ធ ស្រុកឯកភ្នំ ខេត្តបាត់ដំបង បានចូលមកសម្រាកនៅមន្ទីរពេទ្យជ័យវរ្ម័នទី៧ នៅថ្ងៃទី ៨ ខែ តុលា ឆ្នាំ ២០២២ ដោយមានរោគសញ្ញា៥ថ្ងៃ ក្តៅខ្លួន, ក្អួតច្រើនដង, សន្លឹម និងប្រកាច់។ រយៈពេល៥ថ្ងៃ មុនមកមន្ទីរពេទ្យ ម្ដាយបានអោយលេបថ្នាំបញ្ចុះកម្ដៅ( paracetamol) រៀងរាល់ ២ ម៉ោងម្ដង និងព្យាបាលដាក់សេរ៉ូមនៅផ្ទះ ចំនួន១ប្លោក តែកូនអាការៈកាន់តែធ្ងន់ជាងមុន សន្លប់ ក្អួតធ្លាក់ឈាម ទើបអាណាព្យាបាលកុមារក៏សម្រេចបញ្ជូនកូន មកមន្ទីរពេទ្យជ័យវរ្ម័នទី៧ សៀមរាបនៅថ្ងៃទី ៨ ខែតុលាឆ្នាំ២០២២ ក្នុងសភាពរលាកថ្លើមធ្ងន់ធ្ងរ ហូរឈាម និងមានសញ្ញារលាកខួរក្បាលថ្ងៃទី៥ transaminases ( GOT: 13020, GPT: 4680) នៅសាលសង្គ្រោះបន្ទាន់កុមារ(PICU)។
ក្នុងកំឡុងពេលព្យាបាលកុមារមានអាការៈធ្ងន់ធ្ងរ ដោយហូរឈាម, សន្លប់ និងប្រើម៉ាស៊ីនជំនួយដង្ហើមចំនួន ២ថ្ងៃ និងបញ្ចូលឈាមចំនួន ២ ប្លោក ក្រោយពីបានព្យាបាលយ៉ាងដិតដល់ ឃើញថាសភាពជម្ងឺបានជាសះស្បើយ ហើយអាចចេញទៅផ្ទះបានព្រឹកនេះ ១៥ ខែ តុលាឆ្នាំ២០២២៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង