Connect with us

ព័ត៌មានជាតិ

កម្ពុជា ក្នុងនាមប្រធានអាស៊ាន នៅតែប្តេជ្ញាចិត្តជំរុញដំណោះស្រាយអាទិភាព ៣ចំណុចរបស់សម្ដេចតេជោ ស្ដីពី វិបត្តិនៅមីយ៉ាន់ម៉ា

បានផុស

នៅ

នៅថ្ងៃទី ២៧ ខែតុលា ឆ្នាំ ២០២២ នាទីក្រុងហ្សាកាតា លោក ប្រាក់ សុខុន រដ្ឋមន្ត្រីការបរទេសកម្ពុជា ក្នុងនាមប្រេសិតពិសេសប្រធានអាស៊ាន បានបន្តប្តេជ្ញាចិត្តយ៉ាងមុតមាំ ក្នុងការជំរុញដំណោះស្រាយជាអាទិភាភាចំនួន ៣ចំណុច ដើម្បីជួយសម្រួលស្ថានភាពដ៏តានតឹងនៅមីយ៉ាន់ម៉ា ហើយអាចឈានទៅបញ្ចប់វិបត្តិនៅប្រទេសនេះបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសេចក្ដីថ្លែងការណ៍ នៃកិច្ចប្រជុំបន្ទាន់ពិសេសនេះ លោក ប្រាក់ សុខុន បានសង្កត់ធ្ងន់ថា កិច្ចប្រជុំពិសេសរដ្ឋមន្ត្រីការបរទេសអាស៊ាន នាទីក្រុងហ្សាកាតា ប្រទេសឥណ្ឌូនេស៊ី បានរំលឹកដល់ទស្សនកិច្ចបើកផ្លូវរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ទៅកាន់មីយ៉ាន់ម៉ាកន្លងទៅ ដែលបានត្រួសត្រាយផ្លូវ សម្រាប់ដំណើរទស្សនកិច្ចទាំង ២លើក របស់ប្រេសិតពិសេសអាស៊ាន។

ក្នុងនោះ សម្ដេចតេជោ ហ៊ុន សែន ដែលជាប្រធានអាស៊ាន គឺបានដាក់ចេញនូវដំណោះស្រាយបន្ទាន់ចំនួន ៣ រួមមាន៖ ១. បញ្ឈប់ ឬកាត់បន្ថយអំពើហិង្សា ២. សម្របសម្រួលផ្ដល់ជំនួយមនុស្សធម៌ និង៣. បង្កើតបរិយាកាសអំណោយផល សម្រាប់កិច្ចសន្ទនានយោបាយ រវាងភាគីពាក់ព័ន្ធ។

ទន្ទឹមនឹងនេះ រដ្ឋមន្ត្រីការបរទេសអាស៊ាន ក៏បានបញ្ជាក់សាជាថ្មីអំពីសារៈសំខាន់ នៃកិច្ចព្រមព្រៀងជាឯកច្ឆន្ទ ៥ចំណុចរបស់អាស៊ាន ដែលបានអនុម័តនៅក្នុងកិច្ចប្រជុំប្រមុខដឹកនាំអាស៊ាន កាលពីនៅថ្ងៃទី ២៤ ខែមេសា ឆ្នាំ ២០២១។ កិច្ចព្រមព្រៀងនេះ បានសង្កត់ធ្ងន់លើមជ្ឈភាពអាស៊ាន និងតួនាទីនាំមុខរបស់អាស៊ាន ក្នុងការប្រគល់ជូនប្រជាជនមីយ៉ាន់ម៉ានូវសន្តិភាព និងប្រក្រតីភាពឡើងវិញ។

ត្រង់ចំណុចនេះ រដ្ឋមន្ត្រីការបរទេស និងតំណាងប្រទេសសមាជិកអាស៊ាន ដែលបានចូលរួមក្នុងកិច្ចប្រជុំនេះ បានរំលឹកឡើងវិញនូវការគាំទ្រយ៉ាងពេញទំហឹង ចំពោះកិច្ចខិតខំប្រឹងប្រែងយ៉ាងមុតមាំរបស់កម្ពុជា ក្នុងនាមជាប្រធានអាស៊ាន និងលោក ប្រាក់ សុខុន ក្នុងនាមជាប្រេសិតពិសេស នៃប្រធានអាស៊ាន ស្តីពី មីយ៉ាន់ម៉ា ក្នុងការអនុវត្ដអាណត្តិរបស់ខ្លួន ក្នុងរយៈពេល ១០ខែកន្លងមកនេះ។

កិច្ចប្រជុំពិសេសនេះ ក៏បានផ្លាស់ប្តូរទស្សនៈយ៉ាងទូលំទូលាយ អំពីវិធីក្នុងការពង្រឹងការអនុវត្តកិច្ចព្រមព្រៀងជាឯកច្ឆន្ទ ៥ចំណុចរបស់អាស៊ាន ដើម្បីជួយដោះស្រាយវិបត្តិនៅមីយ៉ាន់ម៉ា ទៅតាមតម្រូវការក្នុងការចាប់ផ្ដើមឡើងវិញ នូវទំនាក់ទំនងយ៉ាងពេញលេញ និងជាប្រក្រតីរបស់មីយ៉ាន់ម៉ាជាមួយអាស៊ាន៕

អត្ថបទ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២ ម៉ោង មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ២ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ៣ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៤ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៤ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម