ព័ត៌មានជាតិ

រំលឹកច្បាប់ចរាចរណ៍បន្តិច កុំភ្លេចខ្លួនឲ្យសោះ ប្រយ័ត្នស៊យអស់ ៦ ម៉ឺនរៀលទាំងព្រឹក

បានផុស

៥ years មុន

នៅ

ថ្ងៃព្រហស្បតិ៍ ៧ មករា ២០២១

ដោយ

ក្រោយការរឹតបន្តឹងច្បាប់ចរាចរណ៍ថ្មី ប្រជាពលរដ្ឋចាប់ផ្ដើមប្រុងប្រយ័ត្នជាងមុនលើការប្រើប្រាស់យានជំនិះ និងការពាក់មួកសុវត្ថិភាព។

ទោះបីមានការផ្សព្វផ្សាយច្រើន និងការក្រើនរំលឹកម្តងហើយម្តងទៀត ក៏នៅមានបងប្អូនមួយចំនួននៅតែធ្វេសប្រហែស ឬភ្លេចខ្លួន ត្រូវប៉ូលីសផាកជាហូរហែ ដោយសារល្មើសមិនគោរពតាមការណែនាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទល្មើស ០៨ ចំណុច នេះ ចំពោះអ្នកបើកបរទោចក្រយានយន្ត ឬទោចក្រយានយន្តសណ្តោងរ៉ឺម៉ក ត្រីចក្រយានយន្ត ឬម៉ូតូកង់បួន អាចប្រឈមការផាកពិន័យ ៦០ ០០០ រៀលយោងតាមច្បាប់ចរាចរណ៍ថ្មី។

អ្នកបើកបរ អ្នករួមដំណើរ ព្រមទាំងកុមារដែលមានអាយុលើសពី ០៣ ឆ្នាំ ឡើងទៅ មិនពាក់មួកសុវត្ថិភាព ឬពាក់មួកសុវត្ថិភាពមិនត្រឹមត្រូវ ឬមិនដាក់គន្លឹះខ្សែសុវត្ថិភាព។ ការពិន័យគិតតាមចំនួនជនប្រព្រឹត្តិល្មើស លើកលែងតែត្រីចក្រយានយន្ត ដែលមានដំបូលរឹងមាំបិទជិត។
ទោចក្រយានយន្តមានទំហំស៊ីឡាំងលើសពី ១២៥ សេសេ ឬថាមពលអគ្គិសនីលើសពី ១១ គីឡូវ៉ាត់។ ទោចក្រយានយន្តសណ្តោងរ៉ឺមក ឬត្រីចក្រយានយន្ត ឬម៉ូតូកង់បួន មិនបានយកភ្ជាប់តាមខ្លួនឯកសារដើមនៃបណ្ណបើកបរយានយន្ត។
ឈប់ ឬចតល្មើសមាត្រា ២៣ នៃច្បាប់ចរាចរណ៍ផ្លូវគោក។
បើកបរកុងទ័រល្បឿនមិនដំណើរការ។
បើកបរលើសល្បឿនកំណត់ចាប់ពី ១ ដល់ ១៩ គីឡូម៉ែត្រក្នុងមួយម៉ោង។
បើកបរដឹកអ្នកដំណើរលើសចំណុះ លើកលែងករណីដឹកអ្នកជំងឺ។
បើកបរមិនគោរពសញ្ញាបញ្ជាចរាចរណ៍របស់មន្រ្តីនគរបាលចរាចរណ៍។
បើកបរដោយគ្មានកញ្ចក់មើលក្រោយ។

Related Topics:ច្បាប់ចរាចរណ៍