នាវា SEABOURN ENCORE ដឹកភ្ញៀវទេសចរជិត ​៥០០នាក់ ចូលចត​កំពង់ផែស្វយ័តក្រុងព្រះសីហនុ

នាវាទេសចរណ៍ SEABOURN ENCORE  បានដឹកអ្នកដំណើរជាភ្ញៀវទេសចរចំនួនប្រមាណជិត៥០០នាក់ បានចូលចតលើកទី១ជាថ្មីឡើងវិញ នៅថ្ងៃទី ២៩ ខែធ្នូ បន្ទាប់ពីអាក់ខានប្រមាណជាពីរឆ្នាំដោយជំងឺកូវីដ-១៩។ នាវាឈ្មោះ SEABOURN ENCORE សញ្ជាតិ BAHAMAS មានប្រវែងបណ្តោយ ២១០.៥០ម៉ែត្រ ប្រវែងទទឹង២៨ម៉ែ្រត ជម្រៅទឹក ៦.៧ ម៉ែត្រ មាននាវិកសរុបចំនួន ៤៣២ នាក់ ស្រី ៩៣នាក់។

នាវាទេសចរណ៍នេះ បានចេញដំណើរមកពីប្រទេសថៃ ចូលមកកម្ពុជា ដើម្បីមកទស្សនាប្រទេសកម្ពុជារយៈពេល១ថ្ងៃ ហើយបន្តឆ្ពោះទៅប្រទេសវៀតណាម។

លោក ហោ សារុន រដ្ឋលេខាធិការក្រសួងទេសចរណ៍ និងលោក គួច ចំរើន អភិបាល នៃគណៈអភិបាលខេត្តព្រះសីហនុ បានទទួលស្វាគមន៍ដំណើរមកដល់នាវាទេសចរណ៍ SEABOURN ENCORE ចូលចតនៅកំពង់ផែស្វយ័ត​ក្រុងព្រះ​សីហនុ ។

លោក គួច ចំរើន អភិបាល បានលើកឡើថា ការមកដល់របស់នាវាក៏ដូចជាភ្ញៀវទេសចរ ចូលមកប្រទេសកម្ពុជា ក្នុងទឹក​ដីខេត្តព្រះសីហនុនាឱកាសនេះ សបញ្ជាក់ថាប្រទេសកម្ពុជាមានសុខសន្តិភាព ស្ថេរភាពនយោបាយពេញលេញ​ក្រោមម្លប់​សន្តិភាពនៃការដឹកនាំដ៏ឈ្លាសវៃរបស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕