ព័ត៌មានជាតិ
សម្ដេច ស ខេង ណែនាំឲ្យចាត់វិធានការម៉ឺងម៉ាត់ ចំពោះអ្នកបើកបរស្ថិតក្រោមឥទ្ធិពលគ្រឿងញៀន និងគ្រឿងស្រវឹង
សម្ដេចរដ្ឋមន្ដ្រីក្រសួងមហាផ្ទៃ បានណែនាំដល់អាជ្ញាធរមានសមត្ថកិច្ច ត្រូវចាត់វិធានការឲ្យបានម៉ឺងម៉ាត់ និងគ្មានការលើកលែង ចំពោះអ្នកបើកបរស្ថិតក្រោមឥទ្ធិពលគ្រឿងញៀន និងគ្រឿងស្រវឹង។
នៅក្នុងពិធីបូកសរុបលទ្ធផលការងារ សុវត្ថិភាពចរាចរណ៍ផ្លូវគោកប្រចាំឆ្នាំ ២០២២ និងលើកទិសដៅការងារងាឆ្នាំ ២០ ២៣ កាលពីព្រឹកថ្ងៃទី ៣០ ខែមករានេះ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក បានណែនាំឲ្យអាជ្ញាធរមានសមត្ថកិច្ច បន្តរឹតបន្ដឹងការអនុវត្តច្បាប់ចរាចរណ៍ នៅតាមតំបន់ភូមិសាស្ត្រដែលកើតមានគ្រោះថ្នាក់ចរាចរណ៍ច្រើន។ លើសពីនេះទៀត ត្រូវអនុវត្តច្បាប់ទៅលើអ្នកបើកបរយានយន្តស្ថិតក្រោមឥទ្ធិពលនៃគ្រឿងញៀន និងគ្រឿងស្រវឹង បានម៉ឺងម៉ាត់ ផងដែរ។
សម្ដេចក្រឡាហោម ស ខេង មានប្រសាសន៍បែបនេះថា «ទន្ទឹមនឹងការរៀបចំច្បាប់ ស្តីពីចរាចរណ៍ផ្លូវគោកថ្មី យើងត្រូវបន្តអនុវត្តច្បាប់ ដែលនៅជាធរមាន។ បន្តដឹកនាំរឹតបន្តឹងការអនុវត្តច្បាប់ឲ្យកាន់តែមានប្រសិទ្ធភាព និងនិរន្តភាព ស្របតាមតំបន់ភូមិសាស្ត្រ កន្លែងដែលកើតមានគ្រោះថ្នាក់ច្រើន ជាមួយគ្នានេះ ត្រូវយកចិត្តទុកលើអ្នកបើកបរយានយន្តស្ថិតក្រោមឥទ្ធិពលនៃគ្រឿងញៀន និងគ្រឿងស្រវឹង ដោយត្រូវចាត់វិធានឲ្យបានម៉ឺងម៉ាត់ លើការពិន័យ ឬបញ្ចូនទៅតុលាការ ដោយគ្មានការលើកលែង»។
ជាមួយគ្នានេះដែរ ដើម្បីឆ្លើយតបនឹងការរីកចម្រើននូវប្រព័ន្ធបច្ចេកវិទ្យា សម្ដេចក្រឡាហោម ស ខេង ក៏បានណែនាំមន្ត្រីអនុវត្តច្បាប់ ព្រមទាំងមន្ត្រីពាក់ព័ន្ធទាំងអស់ ត្រូវបង្កើនការកសាងសមត្ថភាព ចំណេះដឹងអំពីច្បាប់ ជំនាញ បច្ចេកទេសប្រតិបត្តិការរបស់ខ្លួន ស្របជាមួយនឹងក្រមសីលធម៌ វិន័យ អាកប្បកិរិយាល្អចំពោះប្រជាពលរដ្ឋផងដែរ៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង