ព័ត៌មានជាតិ
ស្ងាត់ៗ លោក ពេជ្រ ស្រស់ បញ្ចប់ការសិក្សាថ្នាក់បណ្ឌិតវិទ្យាសាស្ត្រនយោបាយ
លោក ពេជ្រ ស្រស់ គឺជាអ្នកនយោបាយជំនាន់ថ្មីមួយរូបរបស់កម្ពុជាដែលសាធារណជនភាគច្រើនបានស្គាល់តាមរយៈសកម្មភាពនយោបាយនានា ជាពិសេស ការបញ្ចេញមតិ ក៏ដូចជាការវិភាគលើប្រធានបទផ្សេងៗនៅលើបណ្ដាញសារព័ត៌មាន។ កាលពីពេលថ្មីៗនេះ ដែលធ្វើឲ្យមានការចាប់អារម្មណ៍ខ្លាំងមែនទែន គឺលោក ពេជ្រ ស្រស់ បានបញ្ចប់ការសិក្សាសញ្ញាបត្រថ្នាក់បណ្ឌិតវិទ្យាសាស្រ្តនយោបាយដោយភាពជោគជ័យ។
និក្ខេបបទថ្នាក់បណ្ឌិតរបស់លោក ពេជ្រ ស្រស់ គឺលោកបានស្រាវជ្រាវលើប្រធានបទស្ដីពីដំណើរការបោះឆ្នោតនៅកម្ពុជា (ឆ្នាំ ២០០៨ ដល់ឆ្នាំ២០១៨) ហើយនៅថ្ងៃទី២៤ ខែមករា ឆ្នាំ២០២៣ លោកក៏ត្រូវបានប្រកាសជាប់សញ្ញាបត្របណ្ឌិតដោយជោគជ័យលើឯកទេសវិទ្យាសាស្ត្រនយោបាយ នៃសាកលវិទ្យាល័យខេមរៈ។ មុនពេលទទួលបានសញ្ញាបត្របណ្ឌិតនេះ លោក ពេជ្រ ស្រស់ ក៏មានសញ្ញាបត្របរិញ្ញាបត្រជាន់ខ្ពស់ផ្នែកនីតិសាស្ត្រ និងសញ្ញាបត្របរិញ្ញាបត្រផ្នែកគ្រប់គ្រង នៅសាកលវិទ្យាល័យបញ្ញាជាតិ។
បច្ចុប្បន្ន លោក ពេជ្រ ស្រស់ មានតួនាទីជាប្រធានគណបក្សយុវជនកម្ពុជា។ ទន្ទឹមនេះ ក្រោយការបោះឆ្នោតជ្រើសតាំងតំណាងរាស្ត្រអាណត្តិទី៦ លោក ពេជ្រ ស្រស់ ក៏បានចូលរួមក្នុងយន្តការឧត្តមក្រុមប្រឹក្សាពិគ្រោះ និងផ្ដល់យោបល់ ក្នុងនាមជាប្រធានប្រតិភូគណបក្សយុវជនកម្ពុជា ដែលលោកមានឋានៈស្មើទេសរដ្ឋមន្ត្រី។
មុនឈានចូលប្រឡូកក្នុងឆាកនយោបាយ ហើយក្លាយជាប្រធានគណបក្សនេះ លោក ពេជ្រ ស្រស់ គ្រាន់តែជាកម្មករ និងជាជាងជួសជុលម៉ាស៊ីននៅក្នុងរោងចក្រកាត់ដេរមួយតែប៉ុណ្ណោះ។ ប៉ុន្តែ ដោយការអភិវឌ្ឍខ្លួនជាបន្តបន្ទាប់ លោក ពេជ្រ ស្រស់ ក៏បានចាប់ផ្ដើមចូលបម្រើការងារជាមន្ត្រីស្ម័គ្រចិត្តនៅអង្គការមួយផ្នែកសុខភាព និងសិល្បៈ ធ្លាប់ធ្វើជាបុគ្គលិកនៅក្រុមហ៊ុនឯកជន រហូតដល់ឆ្នាំ២០០៩ លោកក៏បានបើកអង្គការមួយដែលមានឈ្មោះថា «អង្គការរួមគ្នាដើម្បីភាពរីកចម្រើន» ជាដើម៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង