ព័ត៌មានជាតិ
លោក សៅ ភិរុណ អះអាងថា គ្មានបុគ្គលិកទូរទស្សន៍បាយ័នណាម្នាក់ ដើរសុំប្រាក់ពីអ្នកដទៃឡើយ
លោក សៅ ភិរុណ អគ្គនាយករងនៃអគ្គនាយកដ្ឋានវិទ្យុ និងទូរទស្សន៍បាយ័ន បានចេញមកអះអាងនៅលើគណនីហ្វេសបុកផ្ទាល់ខ្លួនរបស់លោកនៅថ្ងៃទី៨ ខែកុម្ភៈ ឆ្នាំ២០២៣ថា មកដល់ពេលនេះ គឺគ្មានបុគ្គលិកព័ត៌មាននៃអគ្គនាយកដ្ឋានវិទ្យុ និងទូរទស្សន៍បាយ័នណាម្នាក់ដើរសុំប្រាក់ឧបត្ថម្ភពីគេឡើយ។
ការអះអាងរបស់លោកបែបនេះ គឺបន្ទាប់ពីមានបុគ្គលម្នាក់បានបង្ហាញកាតបុគ្គលិក BTV ឈ្មោះ ឈិត សាវី ប្រចាំនៅខេត្តសៀមរាប ព្រមទាំងបានផ្ញើសារសុំប្រាក់ឧបត្ថម្ភពីមន្ត្រីនៅតាមក្រសួង និងអាជ្ញាធរនានា។ តាមការកត់សម្គាល់ បញ្ហានេះ មិនមែនជាលើកទី១ឡើយ ដោយកន្លងមក មានជនខិលខូច និងឆ្លៀតឱកាស បានប្រើប្រាស់ល្បិចកលបែបនេះទៅសុំប្រាក់ឧបត្ថម្ភពីគេជារឿយៗ។
ចំពោះបញ្ហានេះ លោក សៅ ភិរុណ បានអះអាងថា បុគ្គលខាងលើនេះ គឺជាជនបោកប្រាស់ មិនមែនជាបុគ្គលិករបស់ក្រុមហ៊ុនលោកឡើយ។ លោកបានគូសបញ្ជាក់ថា៖ “ក្នុងនាមអ្នកគ្រប់គ្រងព័ត៌មាន ខ្ញុំហ៊ានអះអាងថា មកដល់ម៉ោងនេះ
គ្មានបុគ្គលិកព័ត៌មាននៃអគ្គនាយកដ្ឋានវិទ្យុ និងទូរទស្សន៍បាយ័នណាម្នាក់ ដើរសុំប្រាក់ឧបត្ថម្ភគេនោះទេ”។ បើតាមលោក សៅ ភិរុណ គឺរាល់ពេលដែលបុគ្គលិកចុះបំពេញការងារម្តងៗ គឺតែងមានលិខិតបញ្ជាក់ពីបេសកកម្ម និងប្រាក់ឧបត្ថម្ភពីក្រុមហ៊ុនច្បាស់លាស់ និងត្រឹមត្រូវ។ លោក សៅ ភិរុណ បានអះអាងទៀតថា៖ «វិធានការសមត្ថកិច្ចអនុវត្តនិតិវិធីច្បាប់គឺជាជម្រើសដែលយើងប្រកាន់យក ដើម្បីការពារវិជ្ជាជីវៈអ្នកសារព័ត៌មានរបស់យើង និងកិត្តិយស សេចក្តីថ្លៃថ្នូររបស់ក្រុមហ៊ុន»៕
ដោយ៖ អុន ស្រីមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ