ព័ត៌មានជាតិ
អភិបាលខេត្តបាត់ដំបង ណែនាំពលរដ្ឋដាក់ទង់ជាតិមុខផ្ទះ អបអរព្រឹត្តិការណ៍ស៊ីហ្គេម
លោក សុខ លូ អភិបាលនៃគណះអភិបាលខេត្តបានស្នើឲ្យពលរដ្ឋ ដែលរស់នៅតាមដងផ្លូវជាតិលេខ ៥ ចូលរួមសំអាតបរិស្ថាន និងដាក់ទង់ជាតិនៅតាមមុខផ្ទះរៀងៗខ្លួនឲ្យបានគ្រប់គ្នា ដើម្បីអបអរសាទរការដង្ហែព្រះអគ្គិជ័យកីឡាសម្រាប់ព្រឹត្តិការណ៍នៃការប្រកួតកីឡាអាស៊ីអាគ្នេយ៍លើកទី៣២ និងកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ ដែលនឹងមកដល់ខេត្តបាត់ដំបងនៅថ្ងៃទី ១ ខែឧសភាខាងមុខនេះ។
ការថ្លែងបែបនេះខណះដែលលោកនិងសហការីជាច្រើនទៀត បានចុះសួរសុខទុក្ខនិងនាំអំណោយ សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ចុះចែកជូនបងប្អូនប្រជាពលរដ្ឋចំនួន ៥៧ គ្រួសារក្នុងស្រុកសង្កែ ខេត្តបាត់ដំបង ដែលបានរងគ្រោះពីធម្មជាតិ (ខ្យល់កន្ត្រាក់) នាព្រឹកថ្ងៃទី២៩ ខែមេសា ឆ្នាំ២០២៣ នេះ។
រដ្ឋបាលខេត្តបាត់ដំបងបានត្រៀមទីតាំងមួយចំនួន ដើម្បីអាចឲ្យពលរដ្ឋទស្សនាការផ្សាយផ្ទាល់ព្រឹត្តិការណ៍ប្រកួតកីឡាអាស៊ីអាគ្នេយ៍លើកទី ៣២ និងកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ ដែលកម្ពុជាជាម្ចាស់ផ្ទះ។
ដោយមានការសហការជាមួយសហភាពសហព័ន្ធយុវជនកម្ពុជាខេត្តបាត់ដំបង (ស.ស.យ.ក) រដ្ឋបាលខេត្តនឹងរៀបចំការផ្សាយបន្តផ្ទាល់ការប្រកួតកីឡាបាល់ទាត់ កីឡាគុនខ្មែរ និងកីឡាបាល់ទះ ចាប់ពីថ្ងៃទី២៩ ខែមេសា ដល់ ថ្ងៃទី១៦ ខែឧសភា ឆ្នាំ២០២៣ នៅតាមបណ្តាស្រុកក្រុងទាំង១៤។
ក្នុងក្រុងបាត់ដំបងមានទីតាំងចំនួន ០៣ រួមមាន ÷ទីតាំងទី១: មុខអគារសារមន្ទីរប្រវត្តិសាស្ត្រសាលាខេត្តបាត់ដំបង ស្ថិតនៅភូមិកម្មករ សង្កាត់ស្វាយប៉ោ ក្រុងបាត់ដំបង ។ ទីតាំងទី២: បរិវេណសួនសម្តេចក្រឡាហោម ស្ថិតនៅភូមិរំចេក៤ សង្កាត់រតនៈ ក្រុងបាត់ដំបង។ ទីតាំងទី៣: ក្នុងបរិវេណ ទីតាំងសហភាពសហព័ន្ធយុវជនកម្ពុជាខេត្តបាត់ដំបង ស្ថិតនៅ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ។
ក្រៅពីនេះសម្រាប់ទីតាំងតាមបណ្តាស្រុកទាំង ១៣ ទៀតមានដូចជា ÷១,ស្រុកសង្កែ រៀបចំនៅបរិវេណសាលាស្រុកសង្កែ ស្ថិតក្នុងភូមិអន្លង់វិល ឃុំអន្លង់វិល។ ២, ស្រុកគាស់ក្រឡ: រៀបចំនៅបរិវេណសាលាស្រុកគាស់ក្រឡ ស្ថិតក្នុងភូមិព្រៃពពេល ឃុំគាស់ក្រឡ។ ៣,ស្រុកមោងឫស្សី: រៀបចំនៅបរិវេណសាលាស្រុកមោងឫស្សី ស្ថិតក្នុងភូមិកខ្សែបន្ទាយ ឃុំមោង។ ៤,ស្រុករុក្ខគិរី :រៀបចំនៅបរិវេណសាលាស្រុករុក្ខគិរី ស្ថិតក្នុងភូមិព្រៃអម្គាន់ ឃុំស្តុកប្រវឹក។ ៥,ស្រុកឯកភ្នំ: រៀបចំនៅបរិវេណសាលាស្រុកឯកភ្នំ ស្ថិតក្នុងភូមិស្វាយជ្រុំ ឃុំព្រែកនវ័ន្ទ។ ៦,ស្រុកថ្មគោល: រៀបចំនៅបរិវេណសាលាស្រុកថ្មគោល ស្ថិតក្នុងបរិវេណ កសិកម្ម ឃុំតាពូង។ ៧,ស្រុកបវេល: រៀបចំនៅបរិវេណសាលាស្រុកបវេល ស្ថិតក្នុងភូមិទំនប់ទឹក ឃុំបូរវិល។ ៨,ស្រុកសំពៅលូន: រៀបចំនៅបរិវេណដីឡូតិ៍ទល់មុខអធិការដ្ឋាននគរបាលស្រុកសំពៅលូន ស្ថិតក្នុងភូមិត្រពាំងព្រលិត ឃុំសន្តិភាព។ ៩,ស្រុកភ្នំព្រឹក: រៀបចំនៅបរិវេណសាលាស្រុកភ្នំព្រឹក ស្ថិតក្នុងភូមិភ្នំតូច ឃុំពេជ្រចិន្តា។ ១០,ស្រុកកំរៀង: រៀបចំនៅបរិវេណ តារាងបាល់ទាត់ប្រុសតូច ស្ថិតក្នុងភូមិអូរដាលើ ឃុំបឹងរាំង។ ១១,ស្រុកសំឡូត: រៀបចំនៅចំណុចស្ពានវែង ស្ថិតក្នុងភូមិកញ្ចាំង ឃុំស៊ុង។ ១២,ស្រុករតនមណ្ឌល: រៀបចំនៅបរិវេណមុខផ្សារដំណាក់ស្ដៅ ស្ថិតក្នុងភូមិស្ពឺ ឃុំស្តៅ និងទី ១៣,ស្រុកបាណន់ រៀបចំនៅបរិវេណ ចំណតមុខប្រាសាទភ្នំបាណន់ ស្ថិតក្នុងភូមិបាណន់ ឃុំកន្ទឺ២៕
អត្ថបទ៖ សៅ សារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ