ព័ត៌មានជាតិ
ក្រុងព្រះសីហនុនៅសេសសល់ផ្លូវដីជាង ៣០% មិនទាន់អភិវឌ្ឍជាផ្លូវកៅស៊ូ ឬបេតុង
បើតាមការបញ្ជាក់ពីលោក គួច ចំរើន អភិបាលនៃគណៈអភិបាលខេត្តព្រះសីហនុ នៅក្នុងព្រះសីហនុបច្ចុប្បន្ននៅសេសសល់ផ្លូវដីប្រហែលជាង ៣០ ភាគរយ ដែលមិនទាន់អភិវឌ្ឍជាផ្លូវកៅស៊ូ ឬបេតុងនៅឡើយ។
លើកឡើងនៅក្នុងសន្និសីទជោគជ័យរយៈពេល ៥ ឆ្នាំរបស់រដ្ឋបាលខេត្តព្រះសីហនុកាលពីថ្ងៃ ១៥ ខែកុម្ភៈ ឆ្នាំ ២០២៣ លោក គួច ចំរើន អភិបាលនៃគណៈអភិបាលខេត្តព្រះសីហនុបានឲ្យដឹងថា ក្រុងព្រះសីហនុនៅសល់ផ្លូវដីប្រហែលជាង ៣០ ភាគរយ មិនទាន់អភិវឌ្ឍជាផ្លូវកៅស៊ូឬចាក់បេតុងនៅឡើយ។
កាលពីឆ្នាំ ២០១៩ រដ្ឋាភិបាលបានសម្រេចបញ្ចេញថវិកាជាតិជាង ២០០ លានដុល្លារ ស្ថាបនាផ្លូវចំនួន ៣៤ ខ្សែ ដើម្បីប្រែក្លាយក្រុងព្រះសីហនុជាមជ្ឈមណ្ឌលពាណិជ្ជកម្មទំនើបៗ និងក្លាយជាច្រកបង្កើនសេដ្ឋកិច្ចប្រទេស។
ទាក់ទងការអភិវឌ្ឍហេដ្ឋារចនាសម្ព័ន្ធក្នុងក្រុងព្រះសីហនុ លោក គួច ចំរើន បានបញ្ជាក់បន្ថែមថា រដ្ឋបាលខេត្តនឹងបន្តខិតខំកែលម្អផ្លូវដីមួយចំនួនដែលនៅសេសសល់ប្រែក្លាយជាផ្លូវកៅស៊ូ ឬចាក់បេតុង ដើម្បីលើកមុខមាត់ក្រុងព្រះសីហនុស័ក្ដិសមជាទីក្រុងឆ្នេរសមុទ្រដ៏ល្បីរបស់ប្រទេសកម្ពុជា។
តាមរយៈការដាក់ផែនការអភិវឌ្ឍហេដ្ឋារចនាសម្ព័ន្ធនៅក្នុងក្រុង មិនត្រឹមបម្រើដល់ការធ្វើដំណើររបស់ប្រជាពលរដ្ឋឲ្យមានភាពងាយស្រួល ក៏បម្រើដល់វិស័យទេសចរណ៍និងទាក់ទាញការវិនិយោគបន្ថែមទៀត។
ក្រុងព្រះសីហនុ ជាគោលដៅទេសចរណ៍ដ៏សំខាន់ទាំងភ្ញៀវជាតិ និងអន្តរជាតិ ខណៈរដ្ឋាភិបាលបានដាក់ផែនការប្រែក្លាយក្រុងព្រះសីហនុជាទីក្រុងគំរូដំបូងគេ មានទាំងសោភ័ណភាព បរិស្ថានល្អស្អាត និងមានភាពទាក់ទាញភ្ញៀវទេសចរជាតិ និងអន្តរជាតិឱ្យលេងកម្សាន្ត ជាពិសេសទាក់ទាញអ្នកវិនិយោគបានកាន់តែច្រើនថែមទៀត។
ក្រុងព្រះសីហនុស្ថិតនៅទិសនីរតី ដែលចែកចេញជា ៤ សង្កាត់ និង ១៥ ភូមិ មានផ្ទៃដីសរុប ៨៤,៣៦៤ គីឡូម៉ែត្រការ៉េ។ ក្រុងព្រះសីហនុបច្ចុប្បន្នមានពលរដ្ឋរស់នៅប្រមាណ ៨៣ ៦១០ នាក់។ ក្រៅពីនេះក៏មានជនជាតិបរទេសដែលមកស្នាក់នៅនិងធ្វើការចម្រុះជាតិសាសន៍យ៉ាងច្រើន ជាពិសេសជនជាតិចិន៕
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ