Connect with us

ព័ត៌មានជាតិ

ក្រុមហ៊ុន ១៥០ នៅក្នុងតំបន់សេដ្ឋកិច្ចពិសេសភ្នំពេញ​ជួយជំរុញកំណើនសេដ្ឋកិច្ចជាតិ​ដ៏សំខាន់

បានផុស

នៅ

តំបន់សេដ្ឋកិច្ចពិសេសភ្នំពេញ គឺជាកន្លែងប្រមូលផ្តុំទៅដោយរោងចក្រ សហគ្រាសប្រមាណ ១៥០ កំពុងបម្រើដល់វិស័យ​សេដ្ឋកិច្ចជាតិ តាមរយៈការនាំចេញទំនិញជាច្រើនមុខ ក្នុងមួយឆ្នាំៗ។ តំបន់សេដ្ឋកិច្ចពិសេសនេះ បានដើរតួនាទីយ៉ាង​សំខាន់ ក្នុងការរុញច្រានឲ្យសេដ្ឋកិច្ចកម្ពុជាមានភាពរីកចម្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនចំនួន ១៥០ ដែលកំពុងដំណើរការ នៅក្នុងតំបន់សេដ្ឋកិច្ចពិសេសភ្នំពេញ ក្នុងនោះ ៤០ភាគរយ គឺក្រុមហ៊ុនមកពីប្រទេស​ជប៉ុន, ៣០ក្រុមហ៊ុនមកពីប្រទេសចិន និងក្រុមហ៊ុនមកពីប្រទេសថៃ អាមេរិក ហ្វីលីពីន វៀតណាម ជាដើម។ នេះបើតាមការបញ្ជាក់របស់លោក Uematsu Hiroshi ប្រធាននាយកប្រតិបត្តិតំបន់​សេដ្ឋកិច្ចពិសេសភ្នំពេញ នៅក្នុងកិច្ចសម្ភាសន៍ពិសេសរបស់កម្ពុជាថ្មី កាលពីពេលថ្មីៗនេះ។

លោក Uematsu Hiroshi បានលើកឡើងថា តំបន់សេដ្ឋកិច្ចពិសេសភ្នំពេញ បានចូលរួមចំណែកក្នុងការ​អភិវឌ្ឍសេដ្ឋកិច្ចជាតិឱ្យមានការរីកចម្រើនភាគធំ។ ការរួមចំណែកក្នុងការអភិវឌ្ឍកំណើនសេដ្ឋកិច្ចនេះ ដោយសារ​តែការវិនិយោគនៅក្នុងតំបន់សេដ្ឋកិច្ច គឺផ្តោតទៅលើការនាំចេញ ដែលអាចធ្វើឲ្យសេដ្ឋកិច្ចជាតិមានការរីកចម្រើន និងកើនប្រាក់ចំណូល។

ជាក់ស្តែងអ្នកគ្រប់គ្រងតំបន់សេដ្ឋកិច្ចពិសេសនេះ បានបញ្ជាក់ថា ការនាំចេញរបស់តំបន់ សេដ្ឋកិច្ចពិសេស កាលពីឆ្នាំ ២០២២ គិតជាទឹកប្រាក់ប្រមាណ ៩៦០លានដុល្លារ ពោលគឺមានការកើន ឡើងជារៀងរាល់ឆ្នាំ។

បើតាមលោក Uematsu Hiroshi ទំនិញដែលផលិតនៅក្នុងតំបន់សេដ្ឋកិច្ចពិសេសភ្នំពេញ មានដូចជា វាយនភណ្ឌកាត់ដេរសម្លៀកបំពាក់ រថយន្ត គ្រឿងបន្លាស់រថយន្ត គ្រឿងអេឡិចត្រូនិក អគ្គិសនី និងផ្សេងៗទៀត។

យ៉ាងណាមិញតំបន់សេដ្ឋកិច្ចពិសេសភ្នំពេញ ​មានសមត្ថភាពបង្កើតការងារប្រមាណ ៤ម៉ឺននាក់ និងបានទាក់ទាញ​វិនិយោគិនជាច្រើន ឲ្យមកវិនិយោគនៅក្នុងតំបន់សេដ្ឋកិច្ចពិសេស ដែលជាផ្នែកមួយជួយ​បង្កើតការងារក្នុងស្រុក កាត់បន្ថយការធ្វើចំណាកស្រុក៕

អត្ថបទ៖ គេន ម៉ាលិះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៣ នាទី មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៤៦ នាទី មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

សន្តិសុខសង្គម២ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

ព័ត៌មានជាតិ៣ ម៉ោង មុន

ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព

Sokha Hotels

ព័ត៌មានពេញនិយម