ក្រសួងណែនាំអ្នកប្រើប្រាស់ផ្លូវល្បឿនលឿន ប្រើគន្លង ANPR ព្រោះមិនតម្រូវប្រើកាត និងសាច់ប្រាក់ឡើយ

ក្រសួងសារធារណការ និងដឹកជញ្ជូន ណែនាំអ្នកប្រើប្រាស់ផ្លូវល្បឿនលឿនទាំងអស់ ងាកមកចេញចូលតាមគន្លង ANPR លើផ្លូវល្បឿនលឿនភ្នំពេញ-ព្រះសីហនុវិញ ដើម្បីដោយកាត់បន្ថយការកកស្ទះ មិនរង់ចាំយូរ និងកាន់តែងាយស្រួលជាងមុន ព្រោះមិនមានប្រើកាត​ឬជាសាច់ប្រាក់ឡើយ។ នេះបើតាមការឱ្យដឹងពី ក្រសួងសាធារណការ និងដឹកជញ្ជូន នៅថ្ងៃទី០២ ខែមិថុនា ឆ្នាំ២០២៣ នេះ។​

យោងតាមការណែនាំ គន្លង ANPR គឺជាច្រកអាទិភាពចេញចូលមួយលើផ្លូវល្បឿនលឿន ដែលមានលក្ខណៈសាមញ្ញ កាត់បន្ថយការកកស្ទះ និងបង្កភាពងាយស្រួលដល់អ្នកបើកបរលើផ្លូវល្បឿនលឿន ដោយគ្រាន់តែបញ្ចូលសមតុល្យសាច់ប្រាក់តាមផ្លាកលេខជាមុន។​

តាមរយៈ​ក្រសួងសាធារណការ របៀបបញ្ចូលសមតុល្យសាច់ប្រាក់ តាមផ្លាកលេខរថយន្ត គឺអាចធ្វើឡើងតាមរយៈកម្មវិធីធនាគារក្នុងទូរស័ព្ទដៃ (Mobile Banking) នៃគ្រឹះស្ថានហិរញ្ញវត្ថុ និងធនាគារដៃគូ របស់ក្រសួងសាធារណការ និង​ដឹកជញ្ជូន។ គ្រឹះស្ថានហិរញ្ញវត្ថុ និងធនាគារ ដែលជាដៃគូរបស់ក្រសួងសាធារណការរួមមាន៖
១. ធនាគារ ជីបម៉ុង(Chip Mong Bank)
២. ធនាគារ អេស៊ីលីដា(ACLEDA Bank)
៣. ធនាគារ វឌ្ឍនៈអាស៊ីចំកាត់ (ABA Bank)
៤. ធនាគារវីង(Wing Bank)
៥. ធនាគារ វឌ្ឍនៈ(VATTANAC Bank)
៦. ធនាគារកាណាឌីយ៉ា(Canadia Bank)
៧. លីហួរវេរលុយ (LyHour PayPro)
៨. ធនាគារព្រីនស៍ (PRINCE Bank)

សម្រាប់ព័ត៌មានបន្ថែម គឺអាចទាក់ទងទូរសព្ទរបស់ក្រសួងផ្ទាល់ 1275 សម្រាប់ព័ត៌មានទូទៅ និងព័ត៌មានសេវាកម្ម​តាមរយៈលេខ 1399 | 023 26 31 61 ៕