ព័ត៌មានជាតិ
ដំណោះស្រាយទំនាស់បុរី វីអាយភី មានពន្លឺថ្មី ខណៈអាជ្ញាធរប្រជុំឯកភាពគ្នា ៤ ចំណុច
ដើម្បីពន្លឿននៃការដោះស្រាយជូនប្រជាពលរដ្ឋ ដែលបានទិញផ្ទះល្វែង និងដីឡូត៏ ពីក្រុមហ៊ុនបុរី វីអាយភី ស្ថិតនៅភូមិម៉ឺន្ក្រា សង្កាត់ស្ពានថ្ម ខណ្ឌដង្កោអោយបានលឿននិងឈានទៅដល់ការឯកភាពគ្នាបញ្ចប់រឿង លោក ឃួង ស្រេង អភិបាលរាជធានីភ្នំពេញបានចាត់ឱ្យលោក ឃ្លាំង ហួត និងលោក សុខ ពេញវុធ អភិបាលរង នៃគណៈអភិបាលរាជធានីភ្នំពេញ បើកកិច្ចប្រជុំពិភាក្សារកដំណោះស្រាយជូនប្រជាពលរដ្ឋបន្តទៀត។
កិច្ចប្រជុំពិភាក្សាស្តីពីវឌ្ឍនភាព នៃការរកដំណោះស្រាយករណីប្រជាពលរដ្ឋ ដែលបានទិញផ្ទះល្វែង និងដីឡូត៏ ពីក្រុមហ៊ុនបុរី វីអាយភី ខាងលើនេះបានធ្វើឡើងនាព្រឹកថ្ងៃទី១២ខែមិថុនា ឆ្នាំ២០២៣នេះនៅសាលារាជធានីភ្នំពេញ។
ក្រោយពីបានពិភាក្សាគ្នារួចមក អង្គប្រជុំ បានឯកភាពគ្នាចំនួន៤ចំណុច ក្នុងនោះរួមមាន៖ ទី ១. រដ្ឋបាលខណ្ឌដង្កោ ត្រូវដឹកនាំក្រុមការងារដែលមានការចូលរួមពីទីចាត់ការកិច្ចការច្បាប់ និងសិទ្ធិមនុស្ស នៃរដ្ឋបាលរាជធានីភ្នំពេញ និយ័តករអាជីវកម្មអចលនវត្ថុ និងបញ្ចាំ នៃក្រសួងសេដ្ឋកិច្ច និងហិរញ្ញវត្ថុ មន្ទីររៀបចំដែនដី នគរូបនីយកម្ម សំណង់ និងសុរិយោដីរាជធានីភ្នំពេញ និងភាគីពាក់ព័ន្ធ ចុះទៅពិនិត្យ ទីតាំងផ្ទះ-ដីឡូតិ៍ ដើម្បីធ្វើការផ្ទៀងផ្ទាត់ស្ថិតិរបស់ប្រជាពលរដ្ឋ និងស្ថិតិរបស់ក្រុមហ៊ុនបុរីវីអាយភី ចាប់ពីគម្រោងទី១ ដល់គម្រោងទី៦ ឱ្យបានច្បាស់លាស់ រួចរាយការណ៍ជូនមករដ្ឋបាលរាជធានីភ្នំពេញ។
ទី ២. ស្នើឱ្យនិយ័តករអាជីវកម្មអចលនវត្ថុ និងបញ្ចាំ នៃក្រសួងសេដ្ឋកិច្ច និងហិរញ្ញវត្ថុ ត្រូវធ្វើការងារនេះ ជាមួយម្ចាស់បំណុលផ្ទាល់ថា តើក្រុមហ៊ុនបានសងទៅម្ចាស់បំណុលបានប៉ុន្មានហើយ រួចមកផ្ទៀងផ្ទាត់ បំណុលរបស់ក្រុមហ៊ុនបុរីវីអាយភី និងដើម្បីពិនិត្យមើលអតិថិជនរូបណាដែលបានអនុវត្តតាមកិច្ចសន្យា និងមិនបានអនុវត្តតាមកិច្ចសន្យាជាមួយក្រុមហ៊ុន ដើម្បីមានមូលដ្ឋានក្នុងការដោះស្រាយជូនគាត់។ ទី ៣. ក្រោយពីប្រជុំរួច រដ្ឋបាលខណ្ឌត្រូវយកលទ្ធផលនៃកិច្ចប្រជុំថ្ងៃនេះ ទៅធ្វើការផ្សព្វផ្សាយ និងណែនាំ ដល់បងប្អូនប្រជាពលរដ្ឋឱ្យរក្សាភាពស្ងៀមស្ងាត់ ដោយទុកឱ្យអាជ្ញាធរសម្របសម្រួលដោះស្រាយជាមួយភាគីពាក់ព័ន្ធ។
និងទី ៤. បន្ទាប់ពីបានលទ្ធផលខាងលើ អង្គប្រជុំនឹងប្រជុំម្តងទៀត នៅសប្តាហ៍ទី៤ នៃខែមិថុនា ឆ្នាំ២០២៣ នៅសាលារាជធានីភ្នំពេញ។
កន្លងមកប្រជាពលរដ្ឋជាច្រើនគ្រួសារបានធ្វើការតវ៉ាជាបន្តបន្ទាប់បានទាមទារឱ្យម្ចាស់បុរីដោះស្រាយ ខណៈពួកគាត់បានទិញដី និងផ្ទះ បង់ប្រាក់គ្រប់អស់ហើយ ប៉ុន្តែជាច្រើនឆ្នាំមកនេះ នៅមិនទាន់ទទួលបានប័ណ្ណកម្មសិទ្ធិ៕
អត្ថបទ៖ ស្រីរ័ត្ន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?