ព័ត៌មានជាតិ
របរចិញ្ចឹមទាយកពងលក់មានហាងឆេងល្អ
កសិករចិញ្ចឹមទាយកពងលក់សប្បាយចិត្ត ខណៈតម្លៃនៅទីផ្សារបានឡើងថ្លៃគួរសម។ អ្នកចិញ្ចឹមទាក្នុងវ័យ ៦០ ឆ្នាំឈ្មោះ យេន យាត រស់នៅភូមិក្រាំងដៃ ឃុំធ្លក ស្រុកទ្រាំងខេត្តតាកែវបានឲ្យដឹងថា សព្វថ្ងៃគាត់ចិញ្ចឹមសត្វទាយកពងលក់ប្រមាណជាង ២ ពាន់ក្បាល ក្នុងមួយថ្ងៃរូបលោកប្រមូលពងបាន ១ ៧០០ ទៅ ១ ៩០០ពង។
កសិករដដែលរូបនេះបានបន្តថា សត្វទារបស់លោកមិនមែនចិញ្ចឹមក្នុងកសិដ្ឋាននោះទេគឺចិញ្ចឹមនៅលើដីស្រែបន្ទាប់ពីច្រូតកាត់រួចហើយចំណីរបស់វាគឺមានតែស្រូវកន្ទក់លាយជាមួយដើមចេករួមទាំងសត្វល្អិតក្នុងស្រែប៉ុណ្ណោះ។ ចំពោះសត្វទាដែលឲ្យចំណីស្រូវច្រើនតែពងក្រហមហើយបើលាយកន្ទក់ច្រើនពេកក៏ពងមិនសូវក្រហមដែរ។
ដោយឡែកលោក ចាប ឌឿន ក្នុងវ័យ៧០ឆ្នាំ រស់នៅក្នុងឃុំធ្លកស្រុកទ្រាំង ខេត្តតាកែវបានឲ្យដឹងថា កាលពីឆ្នាំមុនៗតម្លៃពងពងទាធ្លាក់ថ្លៃរហូតដល់មួយគ្រាប់បានតែ ២០០ ទៅ ២៥០រៀលប៉ុណ្ណោះ។
លោក ចាប ឌឿនបន្តថា៖ «ខុសប្លែកឆ្នាំនេះឈ្មួញចុះមកទិញដល់កន្លែងចិញ្ចឹមបានរហូត៥០០រៀលឯណោះ អញ្ចឹងហើយទើបនៅឆ្នាំនេះអ្នកចិញ្ចឹមទានាំគ្នាសប្បាយចិត្តព្រោះលក់ពងបានថ្លៃដែលក្នុងចំណូល១ថ្ងៃមិនក្រោម២លានរៀលតាមចំនួនសត្វទា»។
ចំណែកស្ត្រី ធួក ពិន ជាអាជីវករលក់ពងទានៅផ្សារច្បារអំពៅវិញបាននិយាយថា ឆ្នាំនេះពងទាលក់បានរហូត ៦៥០រៀលទៅ៧០០រៀល ខណៈតម្លៃទិញចូលថ្លៃ ៦០០រៀលក្នុង១គ្រាប់៕
អត្ថបទ៖ នរា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន