ព័ត៌មានជាតិ
រថយន្តគ្រួសារ និងរថយន្តទេសចរណ៍ អាចធ្វើដំណើរលើផ្លូវជាតិលេខ ៣៣A លើកលែងតែរថយន្តធុនធ្ងន់
យានយន្តដឹកជញ្ជូនធុនធ្ងន់គ្រប់ប្រភេទ ត្រូវផ្អាកចរាចរណ៍ជាបណ្តោះអាសន្នលើផ្លូវជាតិលេខ 33A ចាប់ពីរង្វង់មូលសេះស កាត់តាមឆ្នេរលេងទឹក រហូតដល់ទីប្រជុំជន ផ្សារដំណាក់ចង្អើរ ស្ថិតក្នុងភូមិសាស្ត្រខេត្តកែប ដោយសារតែបញ្ហាទឹកជន់លិច ប៉ុន្តែសម្រាប់រថយន្តគ្រួសារ និងរថយន្តទេសចរណ៍ អាចបន្តធ្វើចរាចរណ៍បាន ដោយគោរពទៅតាមផ្លាកសញ្ញា ចរាចរណ៍បង្ហាញទិសដៅ។ នេះបើតាមសេចក្តីជូនដំណឹង ស្តីពីការផ្អាកចរាចរណ៍បណ្តោះអាសន្ន ចំពោះយានយន្តដឹក ជញ្ជូនធុនធ្ងន់គ្រប់ប្រភេទរបស់ មន្ទីរសាធារណការ និងដឹកជញ្ជូនខេត្តកែប នៅថ្ងៃច័ន្ទ ទី៣១ កក្កដានេះ។
បើតាមសេចក្តីជូនដំណឹង ការហាត់ឃាត់ការធ្វើដំណើរបណ្តោះអាសន្ននេះ គឺអនុវត្តចំពោះយានយន្តដឹកជញ្ជូន ធុនធ្ងន់គ្រប់ប្រភេទ ចាប់ពីថ្ងៃជូនដំណឹងនេះរហូតដល់អាកាសធាតុមានសភាពល្អប្រសើរឡើងវិញ។
ដោយឡែកសម្រាប់រថយន្តគ្រួសារ និងរថយន្តទេសចរណ៍ នៅតែអាចបន្តធ្វើចរាចរណ៍បាន ដោយគ្រាន់តែគោរពទៅតាមផ្លាកសញ្ញាចរាចរណ៍បង្ហាញទិសដៅប៉ុណ្ណោះ។
គួរបញ្ជាក់ថា ដោយសារតែរយៈប៉ុន្មានថ្ងៃកន្លងមកនេះ ក្នុងភូមិសាស្ត្រខេត្តកែប បានទទួលរងឥទ្ធិពលភ្លៀងធ្លាក់ខ្លាំងជោគជាំជាបន្តបន្ទាប់ធ្វើឱ្យផ្លូវជាតិ និងផ្លូវខេត្តមួយចំនួន ត្រូវរងនូវជំនន់ទឹកភ្លៀងហូរកាត់ និងជន់លិចដោយកន្លែង។
ឯនៅតាមបណ្តោយតាមផ្លូវជាតិលេខ ៣៣A មានករណីជំនន់ទឹកភ្លៀងលិចលង់ ហូរឆ្លងកាត់កំណាត់ផ្លូវជាតិនេះ ស្ទើរតែទាំងស្រុង។
ហេតុនេះ ដើម្បីការពារការខូចខាតផ្លូវកាន់តែធ្ងន់ធ្ងរ មន្ទីរសាធារណការ និងដឹកជញ្ជូនខេត្តកែប ស្នើឱ្យប្រជាពលរដ្ឋមានការយោគយល់ និងអនុវត្តតាមសេចក្តីជូនដំណឹងនេះ ដូចជម្រាបជូនខាងលើ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ