ព័ត៌មានជាតិ
តើឧបករណ៍ភ្លេង Angklung ជារបស់ប្រទេសណា?
Angklung ជាឧបករណ៍ភ្លេងរបស់ប្រទេសឥណ្ឌូណេស៊ី ដែលអាចប្រគុំជាបទភ្លេងសម្រាប់ច្រៀងបានយ៉ាងពីរោះ និងអាចលេងជាមួយឧបករណ៍តន្រ្ដីផ្សេងៗបានផងដែរ។
![](https://www.kampucheathmey.com/wp-content/uploads/2023/08/Featured-Imag_1-9-1024x614.jpg)
ឧបករណ៍មួយប្រភេទនេះមានប្រជាប្រិយភាពពាសពេញពិភពលោក ប៉ុន្តែវាមានដើមកំណើតពីខេត្ត West Java និងខេត្ត Banten ក្នុងប្រទេសឥណ្ឌូណេស៊ី ហើយត្រូវបានលេងដោយជនជាតិ ស៊ុនដា អស់រយៈពេលជាច្រើនសតវត្សរ៍មកហើយ។ សំឡងរបស់ Angklung បានក្លាយជាផ្នែកមួយដ៏សំខាន់នៃអត្តសញ្ញាណវប្បធម៌នៃសហគមន៍ស៊ុនដា។
![](https://www.kampucheathmey.com/wp-content/uploads/2023/08/Featured-Imag_៣-2-1024x614.jpg)
ឧបករណ៍មួយប្រភេទនេះ ត្រូវបានធ្វើឡើងដោយបំពង់ឫស្សីមួយគូ ឬច្រើនគូ ចងព្យូរក្នុងស៊ុមឬស្សី ដើម្បីបង្កើតសំឡេងនៅពេលញ័រ ឬរង្គើ។ នៅថ្ងៃទី ១៨ ខែវិច្ឆិកា ឆ្នាំ ២០១០ អង្គការយូណេស្កូ (UNESCO) បានទទួលស្គាល់ Angklung ជាបេតិកភណ្ឌអរូបីនៃមនុស្សជាតិ។
នៅក្នុងការតាំងពិព័រណ៍ស្ដីពី ពាណិជ្ជកម្ម និងទេសចរណ៍ឥណ្ឌូណេស៊ី នៅកោះពេជ្រកាលពីថ្ងៃទី ០៤ សីហា ឆ្នាំ ២០២៣ ក្រុមកុមារ កុមារី ឥណ្ឌូណេស៊ី បានយកឧបករណ៍ Angklung នេះ មកប្រគុំធ្វើជាបទភ្លេង អមជាមួយនឹងហ្គីតា បានយ៉ាងពីរោះរណ្ដំ បង្ហាញដល់អ្នកចូលរួម។
សូមបញ្ជាក់ថា ឧបករណ៍នេះ មានទំនាក់ទំនងយ៉ាងជិតស្និទ្ធជាមួយនឹងទំនៀមទម្លាប់ប្រពៃណី សិល្បៈ និងអត្តសញ្ញាណវប្បធម៌នៅប្រទេសឥណ្ឌូណេស៊ី ដែលភាគច្រើនលេងក្នុងពិធីដូចជា ការដាំស្រូវ និងការច្រូតកាត់ ជាដើម៕
អត្ថបទ៖ ផល ធារិត
![](https://www.kampucheathmey.com/wp-content/uploads/2023/08/Featured-Imag_៤-2-1024x614.jpg)
-
KPT+២ ម៉ោង ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
ព័ត៌មានអន្ដរជាតិ៤ ថ្ងៃ ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
ព័ត៌មានជាតិ៣ ថ្ងៃ ago
អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក
-
ព័ត៌មានជាតិ៤ ថ្ងៃ ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានជាតិ៥ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ៤ ថ្ងៃ ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
ព័ត៌មានជាតិ១៥ ម៉ោង ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ
-
សន្តិសុខសង្គម៣ ថ្ងៃ ago
ម្ចាស់ហាងមួយនៅឆ្នេរអូរឈើទាលលក់ស្រាបៀរមួយកេស៧២ដុល្លារ អាជ្ញាធរខេត្តឲ្យជំនាញពិនិត្យ