ព័ត៌មានជាតិ
អគ្គនាយកអន្តោប្រវេសន៍ថ្មី ជំរុញឱ្យមន្ត្រីពង្រឹងការប្រើប្រាស់ប្រព័ន្ធបច្ចេកវិទ្យា
លោក សុខ វាសនា អគ្គនាយកនៃអគ្គនាយកដ្ឋានអន្តោប្រវេសន៍ ដែលទើបតែងតាំងថ្មី បានជំរុញឱ្យនាយកដ្ឋានក្រោមឱវាទ ត្រូវបន្តពង្រឹងបន្ថែមចំពោះសមត្ថភាពមន្ត្រី ជាពិសេស លើការប្រើប្រាស់ប្រព័ន្ធបច្ចេកវិទ្យា ដើម្បីធានាវិសាលភាពការងារឱ្យកាន់តែមានប្រសិទ្ធភាព។
នៅក្នុងកិច្ចប្រជុំជាមួយថ្នាក់ដឹកនាំនៃអគ្គនាយកដ្ឋានអន្តោប្រវេសន៍ នៅថ្ងៃទី១ ខែកញ្ញា ឆ្នាំ២០២៣នេះ ឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋានអន្តោប្រវេសន៍ បានស្វាគមន៍ និងផ្តល់មតិដឹកនាំចំពោះការត្រៀមអនុវត្តការងារចំពោះនានា ដែលប្រមុខរាជរដ្ឋាភិបាល ក៏ដូចជាថ្នាក់ដឹកនាំក្រសួងមហាផ្ទៃ បានដាក់ឱ្យបានខ្ជាប់ខ្ជួន ស្របទៅតាមគោលនយោបាយនៃយុទ្ធសាស្ត្របញ្ចកោណ ដំណាក់កាលទី១។
លោក សុខ វាសនា បានវាយតម្លៃខ្ពស់ចំពោះការងារ ដែលអគ្គនាយកដ្ឋានបានសម្រេច នៅពេលកន្លងទៅ និងបានស្នើ សុំឱ្យនាយកដ្ឋានចំណុះអគ្គនាយកដ្ឋានអន្តោប្រវេសន៍ ត្រូវបន្តគិតគូរដោយល្អិតល្អន់អំពីទិសដៅការងារបន្តរបស់អង្គភាព ។ លោកអគ្គនាយករូបនេះ លើកឡើងថា អគ្គនាយកដ្ឋានអន្តោប្រវេសន៍ នឹងត្រៀមអនុវត្តបន្តលើការពង្រឹងបន្ថែមចំពោះសមត្ថភាពរបស់មន្ត្រីក្រោមឱវាទ ជាពិសេស លើការប្រើប្រាស់ប្រព័ន្ធបច្ចេកវិទ្យា ដើម្បីធានាជំរុញវិសាលភាព និងលទ្ធផលការងារ ស្របទៅតាមបរិបទសង្គមបច្ចុប្បន្នឱ្យបានកាន់តែប្រសើរឡើង តាមការដឹកនាំចង្អុលបង្ហាញរបស់ប្រមុខរាជរដ្ឋាភិបាល ក៏ជាការបន្តធានារក្សាសុខសុវត្ថិភាព សន្តិសុខសណ្តាប់ធ្នាប់សាធារណៈ និងឧត្តមប្រយោជន៍ជាតិជាធំ ក្នុងនាមជាកងកម្លាំងនគរបាល។
លោកឧត្ដមសេនីយ៍ឯក សុខ វាសនា ត្រូវបានព្រះមហាក្សត្រនៃកម្ពុជា ទ្រង់ត្រាស់បង្គាប់តែងតាំងជាអគ្គនាយកនៃអគ្គនាយកដ្ឋានអន្តោប្រវេសន៍ កាលពីថ្ងៃទី២៥ ខែសីហា ឆ្នាំ២០២៣ ហើយបានប្រកាសចូលកាន់តំណែងជាផ្លូវការ នៅថ្ងៃទី៣០ ខែសីហា ក្រោមវត្តមានរបស់លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ មុនទទួលបានការតែងតាំងនេះ ឧត្ដមសេនីយ៍ឯក សុខ វាសនា មានតួនាទីជាអគ្គនាយករងនៃអគ្គនាយកដ្ឋានអន្តោប្រវេសន៍៕
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៥ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore