ព័ត៌មានជាតិ
អាមេរិក ជាទីផ្សារធំជាងគេរបស់កម្ពុជា បន្ទាប់ពីវៀតណាម និងចិន
សហរដ្ឋអាមេរិក គឺជាប្រទេសដែលបានទទួលទិញទំនិញច្រើនជាងគេពីកម្ពុជា បន្ទាប់ពីប្រទេសវៀតណាម និងចិន។
គិតត្រឹមរយៈពេល ៨ខែ ឆ្នាំ ២០២៣ កម្ពុជា បាននាំទំនិញចេញទៅទីផ្សារអាមេរិក មានទំហំទឹកប្រាក់ជាង ៦.១ពាន់លានដុល្លារ ខណៈនាំចេញទៅវៀតណាម សម្រេចបានជាង ១.៨ពាន់លានដុល្លារ និងនាំចេញទៅចិន មានចំនួនជាង ៩៣៩លានដុល្លារ។ នេះបើតាមរបាយការណ៍អគ្គនាយកដ្ឋានគយ និងរដ្ឋាករកម្ពុជា។
សម្រាប់ខែ សីហា ឆ្នាំ ២០២៣ ការនាំចេញរបស់កម្ពុជា ទៅអាមេរិកសម្រេចបានជាង ៩៣៣លានដុល្លារ កើនឡើង ២៩.៨ភាគរយ បើធៀបនឹងរយៈពេលដូចគ្នាកាលពីឆ្នាំ ២០២២ មានចំនួន ៧២៥លានដុល្លារ។ ដោយឡែកក្នុងរយៈពេលដូចគ្នានេះ ការនាំចេញទៅទីផ្សារវៀតណាម សម្រេចបានជាង ២៥៣លានដុល្លារ កើនឡើង ៧៧.៥ភាគរយ និងនាំចេញទៅចិន បានចំនួនជាង ១២៥លានដុល្លារ កើនឡើង ២១ភាគរយ។
អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានលើកឡើងថា អាមេរិក គឺជាទីផ្សារដ៏ធំរបស់កម្ពុជា ដែលសភាពាណិជ្ជកម្ម បានយកចិត្តទុកដាក់ខ្ពស់ ដើម្បីពង្រីកទីផ្សាររបស់កម្ពុជាថែមទៀត ដោយបង្កើនការនាំចេញទំនិញពីកម្ពុជា ឱ្យបានច្រើនទៅកាន់ទីផ្សារអាមេរិក។
បើតាមអ្នកឧកញ៉ា លឹម ហេង ទោះបីជាសព្វថ្ងៃនេះប្រព័ន្ធអនុគ្រោះពន្ធ GSP ត្រូវបានព្យួរយ៉ាងណាក្តី ពាណិជ្ជកម្មកម្ពុជា-អាមេរិក នៅមានស្ថានភាពល្អប្រសើរ ដោយសារកម្ពុជា ជាសមាជិកអង្គការពាណិជ្ជកម្មពិភពលោក ដូច្នេះនៅមានភាពអនុគ្រោះពន្ធ MFN ធ្វើឱ្យការនាំចេញពីកម្ពុជា ទៅអាមេរិក បង់ពន្ធនៅមានកម្រិតទាប ដែលអាចប្រកួតប្រជែងជាមួយបណ្តាប្រទេសផ្សេងៗនាំចេញទៅអាមេរិក។
សូមបញ្ជាក់ថា ភាគច្រើននៃផលិតផលកម្ពុជានាំទៅអាមេរិក មានដូចជា សម្លៀកបំពាក់ ផលិតផលធ្វើដំណើរ ស្បែកជើង គ្រឿងបង្គុំអេឡិចត្រូនិកអគ្គិសនី និងកង់ ខណៈទំនិញអាមេរិកនាំមកកម្ពុជាមានដូចជា រថយន្ត ឧបករណ៍អេឡិចត្រូនិក គ្រឿងម៉ាស៊ីន ផលិតផលប្រើបច្ចេកវិទ្យាទំនើបៗ និងឱសថជាដើម៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង