ព័ត៌មានជាតិ

ខេត្តសៀមរាប ត្រៀមរៀបចំពិព័រណ៍ភូមិមួយផលិតផលមួយ

បានផុស

២ years មុន

នៅ

ថ្ងៃសៅរ៍ ២៣ កញ្ញា ២០២៣

ដោយ

រដ្ឋបាលខេត្តបានចេញសេចក្តីជូនដំណឹងស្តីពីការរៀបចំពិព័រណ៍ភូមិមួយផលិតផលមួយ ស្របពេលការចូលរួមអបអរ “ទិវាទេសចរណ៍ពិភពលោកឆ្នាំ២០២៣ និង”ទិវាពិភពលោកស្អាតលើកទី៦” (The 6 World Cleanup Day)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសហការជាមួយគណៈកម្មាធិការជាតិជំរុញ ចលនាភូមិមួយផលិតផលមួយ រដ្ឋបាលក្រុងសៀមរាប មន្ទីរទេសចរណ៍ខេត្ត សហភាពសហព័ន្ធយុវជនកម្ពុជាខេត្តសៀមរាប មន្ទីរ-អង្គភាព ប្រតិបត្តិករវិស័យទេសចរណ៍ខេត្តសៀមរាប និងវិស័យឯកជន មានកម្មវិធីចំនួន ៣ នឹងរៀបចំប្រព្រឹត្តិទៅក្នុងពេលជាមួយគ្នានេះ។

១.ពិព័រណ៍ផលិតផលក្នុងស្រុកភូមិមួយផលិតផលមួយ និងផលិតផលផ្សេងៗទៀត ចាប់ពីថ្ងៃទី២៦-៣០ ខែកញ្ញា ឆ្នាំ២០២៣ នៅសួនព្រះរាជដំណាក់ ក្រុងសៀមរាប ខេត្តសៀមរាប។

២.ការរៀបចំពិធី “ទិវាពិភពលោកស្អាតលើកទី៦”(The 6th World Cleanup Day) នៅថ្ងៃទី២៧ ខែកញ្ញា ឆ្នាំ២០២៣ វេលាម៉ោង ០៧៖៣០ នាទីព្រឹក នៅសួនព្រះរាជដំណាក់ និងនៅតាមបណ្ដាសង្កាត់ក្នុងក្រុងសៀមរាប ខេត្តសៀមរាប។

៣.ពិធីអបអរសាទរទិវាទេសចរណ៍ពិភពលោក ឆ្នាំ២០២៣ ក្រោមប្រធានបទ “ទេសចរណ៍ និងការវិនិយោគបៃតង” នៅថ្ងៃទី២៧ ខែកញ្ញា ឆ្នាំ២០២៣ វេលាម៉ោង ១៧៖៣០នាទី នៅសួនព្រះរាជដំណាក់ ក្រុងសៀមរាប ខេត្តសៀមរាប៕