Connect with us

ព័ត៌មានជាតិ

មេដឹកនាំ​កម្ពុជា​​ឲ្យ​​​ពលរដ្ឋ​​មានស្មារតី​ជាតិនិយម គាំទ្រ​ទិញ​ផលិតផល​​ខ្មែរ​ឲ្យបានច្រើនតាមលទ្ធភាព

បានផុស

នៅ

ក្នុងសារ​ចូលរួមអបរសាទរ​ទិវាជាតិ​លើកកម្ពស់ការប្រើប្រាស់ផលិតផលខ្មែរលើក​ទី ៧ ​ប្រារព្ធ​ឡើង​ក្រោម​ប្រធានបទ ​«ផលិតនិង ផ្គត់ផ្គង់ទីផ្សារប្រកបដោយចីរភាព គឺជា​ចលនាភូមិ​១​ផលិតផល​១» ប្រមុខ​ដឹកនាំកម្ពុជា​បានអំពាវនាវ​​ដល់​ពលរដ្ឋគ្រប់រូបចូលរួមគាំទ្រ និងលើកទឹកចិត្តប្រកបដោយភាពម៉ឺងម៉ាត់ ជួយទិញផលិតផលខ្មែរយកទៅប្រើប្រាស់ឱ្យបានច្រើនតាមដែលអាចធ្វើទៅបាន សំដៅលើកកម្ពស់កិត្យានុភាពជាតិ និងស្មារតីជាតិនិយម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​សារ​របស់​ប្រមុខ​ដឹកនាំ​សម្តេច​ធិបតី ហ៊ុន ម៉ាណែត បានផ្តល់អនុសាសន៍​ដល់​គ្រប់ក្រសួង ស្ថាប័នពាក់ព័ន្ធទាំងអស់ ត្រូវ​យកចិត្តទុកដាក់​ចូលរួមចំណែកលើកកម្ពស់ ជំរុញ និង​បំផុស ចលនាដាំដុះចិញ្ចឹមសត្វ ផលិត កែច្នៃ និង​អភិវឌ្ឍនូវ​ផលិតផលគ្រប់ប្រភេទតាមគ្រួសារ សហគមន៍ បណ្ដុំអ្នកផលិត ប្រកបដោយ​គំនិត​ច្នៃប្រឌិតនិងរស់រវើក ជាពិសេស​ការកែច្នៃ​ផលិតផលកសិកម្មជាមូលដ្ឋាន ទៅជាម្ហូបអាហារ វត្ថុ​សិល្បៈ ឬរបស់ប្រើប្រាស់ផ្សេងៗ សម្រាប់​ផ្គត់ផ្គង់ទីផ្សារទាំងក្នុងនិងក្រៅប្រទេស ដើម្បីជាការរួម​ចំណែកលើក កម្ពស់កម្រិតជីវភាពពលរដ្ឋខ្មែរគ្រប់រូបឱ្យកាន់តែល្អប្រសើរឡើង។

សម្តេច​បាន​ណែនាំ​ឲ្យ​គ្រប់​ក្រសួង ស្ថាប័នពាក់ព័ន្ធទាំងថ្នាក់ជាតិនិងថ្នាក់ក្រោមជាតិ ក៏ដូចជាដៃគូអភិវឌ្ឍ អង្គការមិនមែនរដ្ឋាភិបាលជាតិ អន្តរជាតិ ផ្នែកឯកជន បន្តកិច្ចសហការជាមួយគណៈកម្មាធិការជាតិជំរុញចលនា ភូមិមួយផលិតផលមួយ ដើម្បីជួយអភិវឌ្ឍផលិតផលខ្មែរ ផលិតផលភូមិ១ផលិតផល១ ឱ្យកាន់តែមានភាពសម្បូរបែប និងមានសក្តានុពលពាណិជ្ជកម្មទាំងលើទីផ្សារជាតិនិងអន្តរជាតិ។

ទាក់ទង​ការ​ជំរុញ​ចលនា​ប្រើប្រាស់ផលិតផលក្នុងស្រុក លោក សួង ណយ អនុប្រធាន​​គណៈកម្មាធិការជាតិ​ជំរុញ​ចលនា​ភូមិ​មួយ​ផលិតផល​មួយ​នៃ​ទីស្តីការ​គណៈរដ្ឋមន្រ្តី​បាន​ឲ្យ​កម្ពុជាថ្មី​ដឹង​ថា ពលរដ្ឋខ្មែរគ្រប់រូប​គួរទិញផលិតផលខ្មែរទើប​ធ្វើ​ឲ្យ​ប្រជាកសិកម្ម សិប្បកម្ម អាជីវកម្ម សេវាកម្ម សហគ្រាស ផលិតផលខ្មែររីកចម្រើនជឿនលឿន ជា​ពិសេសកសិករ​ខ្មែរមានជីវភាពធូរធារ។

ចលនា​ភូមិ​មួយ​ផលិតផល​មួយ មាន​ចរិត​ជា​ការ​អភិវឌ្ឍ​សេដ្ឋកិច្ច​ចម្រុះ​នៅ​មូលដ្ឋាន។ រយៈពេល​ប៉ុន្មាន​ឆ្នាំ​ចុងក្រោយ ការជំរុញចលនាភូមិមួយផលិតផល បាន​សម្រេច​បានលទ្ធផល​យ៉ាង​ប្រសើរ​ដែលនាំ​ឲ្យជំរុញ​កា​រប្រែប្រួលជាវិជ្ជមាននៃ​ផលិតផលខ្មែរ​ទាំង​គុណភាព ស្តង់ដាអនាម័យ ការ​វិចខ្ចប់ ជាពិសេស​ការ​ដាក់ស្លាក​សម្គាល់លើផលិតផលជា «ផលិតផលភូមិមួយផលិតផលមួយ» ដែលមានចំនួន ៥៥៩ គិ​តត្រឹមឆ្នាំ ២០២៣ នៅទូទាំង ២៥ រាជធានី​ខេត្ត។

បើតាមលោក សួង ណយ នៅ​ឆ្នាំ ២០២៤ គណៈកម្មាធិការជាតិ​ជំរុញ​ចលនា​ភូមិ​មួយ​ផលិតផល​គ្រោង​ចុះបញ្ជី​បន្ថែម​ “ផលិតផល​ភូមិ ១ ​ផលិតផល​ ១» ចំនួន ៣០០ មុខ​​បន្ថែម​ទៀត នៅទូទាំង ២៥ រាជធានីខេត្ត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៧ នាទី មុន

សន្ទនាគ្នាតាមទូរស័ព្ទជាង១ម៉ោង តើលោក បៃដិន និងលោក ស៊ី ពិភាក្សាបញ្ហារសើបអ្វីខ្លះ?

ព័ត៌មានជាតិ៩ នាទី មុន

ក្រសួងហាមផ្សព្វផ្សាយ ចែកចាយ ឬលក់ផលិតផល HYPOLY ព្យាបាលជំងឺទឹកនោមផ្អែម

ព័ត៌មានអន្ដរជាតិ១០ ម៉ោង មុន

តុលាការព្រហ្មទណ្ឌថៃ ចេញដីកា​ចាប់​ខ្លួនមន្ត្រីនគរបាលជាន់ខ្ពស់ម្នាក់ពី​បទ​លាង​លុយ​កខ្វក់

ព័ត៌មានជាតិ១១ ម៉ោង មុន

ចាប់ក្រុមភ្ជាប់បណ្តាញខ្សែកាបជាង​៧០០​ម៉ែត្រចូលកម្ពុជា ដើម្បីដំណើរការល្បែងភ្នាល់​អន​ឡាញ​

ព័ត៌មានជាតិ១១ ម៉ោង មុន

ខេត្តក្រចេះ ទទួលបានទីលានទុកដាក់សំរាមថ្មី មានសមត្ថភាពប្រតិបត្តិការ ២០ឆ្នាំ ស្របតាមបទដ្ឋានបច្ចេកទេស

Sokha Hotels

ព័ត៌មានពេញនិយម