ព័ត៌មានជាតិ
ក្រសួងអប់រំ ណែនាំនីតិវិធីគ្រប់គ្រងហិរញ្ញវត្ថុ សម្រាប់គម្រោងកែលម្អការអប់រំចំណេះទូទៅ
ក្រសួងអប់រំ យុវជន និងកីឡា បានរៀបចំបើកសិក្ខាសាលា ស្តីពី ការណែនាំនីតិវិធីគ្រប់គ្រងហិរញ្ញវត្ថុ សម្រាប់គម្រោងកែលម្អការអប់រំចំណេះទូទៅ (GEIP) ចាប់ពីថ្ងៃទី២៨ ដល់ថ្ងៃទី៣០ ខែកញ្ញា ឆ្នាំ២០២៣ ក្នុងគោលបំណងចែករំលែក និងបណ្តុះបណ្តាលមន្ត្រីជំនាញទទួលបន្ទុកហិរញ្ញវត្ថុ នៅតាមអង្គភាពអនុវត្តគម្រោងទាំងអស់ ពីការអនុវត្តនីតិវិធីគ្រប់គ្រងហិរញ្ញវត្ថុ ប្រកបដោយប្រសិទ្ធភាព ភាពត្រឹមត្រូវ និងឆ្លើយតបនឹងគោលនយោបាយកំណែទម្រង់ការគ្រប់គ្រងហិរញ្ញវត្ថុសាធារណៈ របស់ក្រសួងអប់រំ យុវជន និងកីឡា ព្រមទាំងស្របនឹងចក្ខុវិស័យ ”យុទ្ធសាស្ត្របញ្ចកោណ” ដំនាក់កាលទី១ របស់រាជរដ្ឋាភិបាល។
ពិធីបើកសិក្ខាសាលា ត្រូវបានរៀបចំឡើងក្រោមអធិបតីភាព បណ្ឌិតសភាចារ្យ ណាត ប៊ុនរឿន រដ្ឋលេខាធិការ ក្រសួងអប់រំ យុវជន និងកីឡា និងជានាយកគម្រោងកែលម្អការអប់រំចំណេះទូទៅ និងមានការចូលរួមពីសំណាក់ថ្នាក់ដឹកនាំគម្រោង ប្រធានអង្គភាពអនុវត្តគម្រោង មន្ត្រីជំនាញទទួលបន្ទុកហិរញ្ញវត្ថុ ពីគ្រប់អង្គភាពអនុវត្តគម្រោង សរុបចំនួន ៤៥នាក់។
គម្រោងកែលម្អការអប់រំចំណេះទូទៅ គ្របដណ្តប់លើសាលាមធ្យមសិក្សាចំនួន ៤២០ សាលាបឋមសិក្សាចំនួន ១ ០០០ និងសាលាមត្តេយ្យចំនួន ២១៣។ សាលាទាំងនេះមានទីតាំងនៅគ្រប់ខេត្ត និងស្រុកទូទាំងប្រទេស។ គម្រោងកែលម្អការអប់រំចំណេះទូទៅ នឹងធ្វើឱ្យប្រសើរឡើងនូវគុណភាពនៃការអប់រំ និងការរៀនសូត្ររបស់សិស្ស។ ដើម្បីសម្រេចបាននូវលទ្ធផលនេះ គម្រោងកែលម្អការអប់រំចំណេះទូទៅ នឹងជួយនាយកសាលា និងគ្រូបង្រៀន តាមរយៈការលើកកម្ពស់កម្មវិធីគុណវុឌ្ឍិគណៈគ្រប់គ្រងសាលារៀន និងគ្រូបង្រៀន ដើម្បីឱ្យការបង្រៀន ការដឹកនាំ និងការគ្រប់គ្រងសាលារៀនកាន់តែមានប្រសិទ្ធភាព។ គម្រោងកែលម្អការអប់រំចំណេះទូទៅ នឹងកសាងសមត្ថភាពរបស់សហគមន៍ដើម្បីដឹកនាំសាលារៀន ឱ្យក្លាយជាសាលារៀនរបស់សហគមន៍។
គម្រោង GEIP គាំទ្រដល់ ក្រសួងអប់រំ យុវជន និងកីឡា ដើម្បីអនុវត្តកម្មវិធីកំណែទម្រង់របស់រាជរដ្ឋាភិបាល តាមរយៈយុទ្ធសាស្ត្រសាលារៀនសហគមន៍ (SCS) ដែលហៅថា ការគ្រប់គ្រងតាមសាលារៀន (SBM) ក្រោមការគាំទ្រថវិការួមគ្នា រវាងឥណទានកម្ចីពីធនាគារពិភពលោក និងហិរញ្ញប្បទានឥតសំណង នៃមូលនិធិដៃគូអប់រំជាសាកល (GPE) រួមទាំងថវិកាបដិភាគរបស់រាជរដ្ឋាភិបាលកម្ពុជា៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ