ព័ត៌មានជាតិ

ចាប់ឃាតក ដែលអារកសម្លាប់ស្ត្រីម្នាក់ក្នុងចម្ការស្វាយបានហើយ

បានផុស

៣ years មុន

នៅ

ថ្ងៃសុក្រ ៥ កុម្ភៈ ២០២១

ដោយ

ឃាតកដែលបានធ្វើសកម្មភាពអារ ក សម្លាប់ស្ត្រីវ័យចំណាស់ម្នាក់ក្នុងចម្ការស្វាយ នៅឃុំត្រែងត្រយឹង ស្រុកភ្នំស្រួច កាលពីប៉ុន្មានថ្ងៃមុននោះ ត្រូវបានកម្លាំងនគរបាលព្រហ្មទណ្ឌនៃស្នងការដ្ឋាននគរបាលខេត្តកំពង់ស្ពឺ ស្រាវជ្រាវឈានដល់ការឃាត់ខ្លួនបានហើយដើម្បីកសាងសំណុំរឿងបញ្ជូនទៅតុលាការផ្តន្ទាទោសតាមច្បាប់។

តាមពិតឃាតកដៃដល់ គឺជាប្តីរបស់ជនរងគ្រោះផ្ទាល់ ហើយមូលហេតុផ្តើមឡើងដោយសារទំនាស់ពាក្យសម្តីគ្នារឿងដែលជនរងគ្រោះជំពាក់លុយធនាគារច្រើនកន្លែង ខ្ចីពីមួយ ទៅសងមួយ មិនសល់លុយទើបឈានទៅដល់ជ្រុលដៃសម្លាប់ជនរងគ្រោះតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលព្រហ្មទណ្ឌបានប្រាប់ថា នៅថ្ងៃទី០៣ ខែកុម្ភៈ ឆ្នាំ២០២១នេះ ក្រោមការដឹកនាំរបស់លោកឧត្តមសេនីយ៍ទោ សម សាមួន ស្នងការនគរបាលខេត្ត និងក្រោមការសម្របសម្រួលនិតិវិធីដោយលោកស្រី ចាត សូរស្មី ព្រះរាជអាជ្ញាអមសាលាដំបូងខេត្តកំពង់ស្ពឺ កម្លាំងនគរបាលផ្នែកព្រហ្មទណ្ឌបានបន្តស្រាវជ្រាវឈានដល់ការឃាត់ខ្លួនជនសង្ស័យដែលអារ ក សម្លាប់ជនរងគ្រោះតែម្តង។

ជនសង្ស័យជាប្តីដែលអារ ក សម្លាប់ប្រពន្ធខ្លួនឯងនោះមានឈ្មោះ ពុធ ថាន អាយុ៧០ឆ្នាំ ស្នាក់នៅក្នុងចម្ការស្វាយ ភូមិព្រៃទទឹង ឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ ។

ជនសង្ស័យបានឆ្លើយសារភាពថា មូលហេតុដែលសម្លាប់ប្រពន្ធផ្តើមឡើងដោយសារទំនាស់ពាក្យសម្តីគ្នារឿងប្រពន្ធជំពាក់លុយធនាគារច្រើនកន្លែង គឺខ្ចីពីធនាគារមួយ ទៅសងធនាគារមួយ សងមិនចេះអស់ មិនសល់លុយ ទើបឈានទៅដល់ជ្រុលដៃសម្លាប់ប្រពន្ធតែម្តង ។

សូមរម្លឹកថា កាលពីថ្ងៃទី០១ ខែមករា ឆ្នាំ២០២១ កន្លងមកនេះ នៅវេលាម៉ោង១១និង៣០នាទី មានករណីឃាតកម្មមួយកើតឡើងនៅក្នុងដីចម្ការស្វាយរបស់ឈ្មោះ ផាន់នី ភេទស្រីអាយុ៥៣ឆ្នាំ ស្ថិតក្នុងភូមិព្រៃទទឹង ឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ លើស្ត្រីឈ្មោះ ជឹម ផា ភេទស្រី អាយុ ៥៥ឆ្នាំ មុខរបរចាំចម្ការស្វាយ ស្ថិតនៅភូមិ-ឃុំខាងលើ ។

សពជនរងគ្រោះមានស្ថានភាព ដេកស្លាប់ក្នុងចម្ការខាងលើ ចម្ងាយ២០ម៉ែត្រ ពីខាងកើតរោងចាំចម្ការ, ស្លាកស្នាមឈាមប្រឡាក់ក្នុងអង្រឹង ក្នុងរោងចាំចម្ការ, ស្នាមអូសសាកសពចេញពីអង្រឹង ទៅខាងកើតចម្ងាយ ២០ម៉ែត្រពីអង្រឹង និងស្នាមអារ ក សម្លាប់។

បច្ចុប្បន្នជនសង្ស័យសមត្ថកិច្ចកំពុងសាកសួរ និងរៀបចំកសាងសំណុំរឿងដើម្បីបញ្ជូនបន្តទៅតុលាការអនុវត្តតាមនិតិវិធីច្បាប់៕

អត្ថបទ ៖ ភួង រដ្ឋា