ព័ត៌មានជាតិ
ក្រសួងសុខាភិបាល រកឃើញករណីជំងឺឆ្លងភ្នែកក្រហម កើតថ្មីគួរឱ្យកត់សម្គាល់ ក្នុងខេត្តមួយចំនួន
គិតត្រឹមថ្ងៃទី១៨ ខែតុលា ឆ្នាំ២០២៣ ក្រសួងសុខាភិបាល រកឃើញករណីជំងឺឆ្លងភ្នែកក្រហម កំពុងកើតថ្មីគួរឱ្យកត់សម្គាល់ នៅបណ្តាខេត្តមួយចំនួន ក្នុងព្រះរាជាណាចក្រកម្ពុជា។ នេះបើយោងតាមសេចក្តីប្រកាស របស់ក្រសួងសុខាភិបាល នៅថ្ងៃនេះ។
ជុំវិញករណីជំងឺឆ្លងភ្នែកក្រហមនេះ ក្រសួងសុខាភិបាលបញ្ជាក់ថា ក្រុមឆ្លើយតបបន្ទាន់ របស់ក្រសួងសុខាភិបាល មន្ទីរសុខាភិបាល ស្រុកប្រតិបត្តិ មន្ទីរពេទ្យបង្អែក និងមណ្ឌលសុខភាព កំពុងប្រតិបត្តិការចុះអង្កេត ឆ្លើយតប តាមដាន ផ្តល់ការព្យាបាល និងអប់រំដល់បងប្អូនប្រជាពលរដ្ឋ ពីវិធីបង្ការការឆ្លងរាលដាលផងដែរ ដើម្បីទប់ស្គាត់ការឆ្លងបន្តក្នុងសហគមន៍។
បើតាមក្រសួងសុខាភិបាល ជំងឺឆ្លងភ្នែកក្រហម បង្កឡើងដោយមូលហេតុចម្បង២ គឺបាក់តេរី និងវីរុស និងអាចឆ្លងលឿនណាស់ ពីមនុស្សម្នាក់ទៅមនុស្សម្នាក់ ព្រោះបាក់តេរី និងវីរុស អាចឆ្លងបានតាមខ្យល់ តាមការក្អក និងកណ្តាស់ ពីអ្នកជំងឺ។ ចំពោះរោគសញ្ញានៃជំងឺនេះ រួមមាន៖
_ នៅផ្នែកសនៃភ្នែក ឡើងពណ៌ផ្កាឈូក
_ ហើមត្របកភ្នែក ជាពិសេសនៅពេលព្រឹក មានហូរទឹកភ្នែកច្រើនជាងមុន
_ រកាំភ្នែកដោយសារមានអារម្មណ៍ថា មានអ្វីនៅក្នុងភ្នែក ឬចង់ញីភ្នែក
_ រមាស់ភ្នែក រលាក ឬក្រហាយភ្នែក មានអាចម៍ភ្នែក(ពណ៌ខ្ទុះ ឬពណ៌ទឹកបាយ) និងឈឺគ្រាប់ភ្នែក-ល-។
ដើម្បីបង្ការជំងឺឆ្លងនេះ ក្រសួងសុខាភិបាល ណែនាំឱ្យលាងដៃឱ្យបានញឹកញាប់ និងទឹកក្តៅឧណ្ហៗយ៉ាងហោចណាស់ ២០នាទី ឬប្រើទឹកអាល់កុលលាងដៃ មុននិងក្រោយពេលសម្អាត ឬដាក់ថ្នាំបន្តក់ភ្នែកលើភ្នែកអ្នកជំងឺ។ ប្រសិនបើប្រើអាល់កុលលាងដៃ មានជាតិអាល់កុល យ៉ាងតិច ៦០% ដើម្បីលាងសម្អាតដៃ និងត្រូវប្រាកដថារាល់សម្ភារៈដែលប្រើប្រាស់ ស្អាតល្អ និងលាងដៃជានិច្ចក្រោយពេល ជួយបន្តក់ថ្នាំភ្នែកឱ្យអ្នកមានជំងឺភ្នែកក្រហម។
មួយវិញទៀត ចៀសវាងប៉ះពាល់ភ្នែក ដោយមិនបានលាងដៃ និងប្រើប្រាស់របស់របរ ដូចជាខ្នើយ ភួយ ស្រោមពូក និងកន្សែង រួមទាំងសម្ភារៈផ្សេងៗទៀត ដូចជាគ្រឿងសម្អាងរបស់អ្នកជំងឺជាដើម ជៀសវាងការឆ្លង។
លើសពីនេះ ត្រូវរក្សាគម្លាតឱ្យឆ្ងាយពីអ្នកជំងឺ ព្រោះថា ជំងឺភ្នែកក្រហម បង្កដោយវីរុស និងបាក់តេរី វាអាចឆ្លងតាមខ្យល់ តាមការក្អក និងកណ្តាស់ ពីអ្នកជំងឺ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង