Connect with us

ព័ត៌មានជាតិ

មន្ត្រីជាន់ខ្ពស់ ប.ស.ស. ជំរុញឱ្យដោះស្រាយភាពយឺតយ៉ាវផ្តល់សេវាសុខាភិបាល

បានផុស

នៅ

មន្ត្រីជាន់ខ្ពស់ នៃបេឡាជាតិសន្តិសុខសង្គម (ប.ស.ស.) បានជំរុញឱ្យមន្ទីរពេទ្យដែលជាដៃគូរបស់ ប.ស.ស. ជួយដោះស្រាយការបង្កឱ្យមានការកកស្ទះ និងបញ្ហាប្រឈមមួយចំនួន ក្នុងការធ្វើឱ្យមានភាពយឺតយ៉ាវក្នុងការផ្តល់សេវាជូនសមាជិក ប.ស.ស. នៅតាមមូលដ្ឋានសុខាភិបាលឱ្យបានលឿន។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងជំនួបពិភាក្សាជាមួយថ្នាក់ដឹកនាំមន្ទីរពេទ្យកាល់ម៉ែត នៅព្រឹកថ្ងៃទី១៧ ខែវិច្ឆិកា នេះ លោក  ម៉េង ហុង អគ្គនាយកបេឡាជាតិសន្តិសុខសង្គម ស្តីទី នៃក្រសួងការងារ និងបណ្តុះបណ្តាលវិជ្ជាជីវៈ បានលើកឡើងពីវឌ្ឍនភាពរបស់ ប.ស.ស. ដែលបច្ចុប្បន្នមានសមាជិកកើនឡើងគួរឱ្យកត់សម្គាល់ដែលជាហេតុធ្វើឱ្យការទៅប្រើប្រាស់សេវានៅតាមមូលសុខាភិបាលដែលជាដៃគូ ប.ស.ស. ក៏មានការកើនឡើង ហើយកត្តានេះ ក៏បានបង្កឱ្យមានការកកស្ទះ និងបញ្ហាប្រឈមមួយចំនួន ក្នុងការផ្តល់សេវាជូនបងប្អូនសមាជិក ប.ស.ស. ដែលបានទៅទទួលសេវា។

លោកអគ្គនាយកស្តីទី បានបន្តថា ភាពកកស្ទះ ដែលបង្កឱ្យមានបញ្ហាប្រឈមនានា និងធ្វើឱ្យមានភាពយឺតយ៉ាវក្នុងការផ្តល់សេវាជូនបងប្អូនសមាជិក ប.ស.ស. នៅតាមមូលដ្ឋានសុខាភិបាល គឺជារឿងសំខាន់ និងចាំបាច់បំផុត ដែលត្រូវដោះស្រាយឱ្យបានលឿន ដើម្បីធ្វើឱ្យប្រសើរឡើង នៃការផ្តល់សេវាជូនសមាជិក ហើយមន្ទីរពេទ្យដែលជាដៃគូទាំងអស់ ក៏ត្រូវធ្វើការរួមគ្នា និងដោះស្រាយរាល់បញ្ហាប្រឈមនានា ឱ្យបានឆាប់តាមដែលអាចធ្វើបាន ធ្វើយ៉ាងណាឱ្យសមាជិក ប.ស.ស. ទៅទទួលសេវាពិនិត្យ និងព្យាបាលជំងឺដោយការពេញចិត្ត។

យ៉ាងណាក៏ដោយ លោក ម៉េង ហុង បានសម្តែងការអរគុណចំពោះ មន្ទីរពេទ្យកាល់ម៉ែត ដែលកន្លងមករហូតមកដល់ពេលនេះ តែងតែផ្តល់កិច្ចសហការជាមួយ ប.ស.ស. ពិសេសតែងចូលរួមក្នុងការផ្តល់សេវាជូនសមាជិក ប.ស.ស. ប្រកបដោយទំនួលខុសត្រូវខ្ពស់ និងស័ក្តិសិទ្ធភាពខ្ពស់។

ក្នុងជំនួបពិភាក្សានេះ លោក គង់ សន្យា អគ្គនាយកមន្ទីរពេទ្យកាល់ម៉ែត ក៏បានធ្វើការកោតសរសើរចំពោះ ប.ស.ស. នៃក្រសួងការងារ និងបណ្តុះបណ្តាលវិជ្ជាជីវៈ ដែលបានពង្រីកវិសាលភាពរបស់ខ្លួនបានយ៉ាងលឿន ទៅលើការអនុវត្តរបបសន្តិសុខសង្គម។

លោក អគ្គនាយកមន្ទីរពេទ្យកាល់ម៉ែត បានសន្យាថា មន្ទីរពេទ្យកាល់ម៉ែត នឹងចូលរួមផ្តល់កិច្ចសហការជាមួយ ប.ស.ស. ដោយអនុលោមទៅតាមការចុះកិច្ចព្រមព្រៀងជាមួយគ្នាកន្លងមក និងបង្កើនការផ្តល់សេវាជូនសមាជិក ប.ស.ស. ឱ្យបានទាន់ពេលវេលា និងមានប្រសិទ្ធភាពខ្ពស់បំផុត៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម