Connect with us

ព័ត៌មានជាតិ

តាមការណែនាំរបស់រដ្ឋមន្ត្រីមហាផ្ទៃ ស្នងការដ្ឋានរាជធានីភ្នំពេញ ប្រគល់ឯកសណ្ឋានថ្មីឱ្យមន្រ្តីចរាចរណ៍ជាប់កិច្ចសន្យា  

បានផុស

នៅ

អនុវត្តតាមការណែនាំរបស់លោកឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ, ស្នងការដ្ឋាននគរបាលរាជធានីភ្នំពេញ បានប្រគល់ឯកសណ្ឋានថ្មីជាផ្លូវការដល់មន្ត្រីចរាចរណ៍ជាប់កិច្ចសន្យារបស់រដ្ឋបាលរាជធានីភ្នំពេញ ជំនួសឯកសណ្ឋានចាស់ ដែលស្រដៀងគ្នានឹងឯកសណ្ឋានមន្ត្រីនគរបាលចរាចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលកន្លងមក ក្រោយការចួលកាន់តំណែងជាឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស សុខា បានស្នើឱ្យពិនិត្យឡើងវិញចំពោះឯកសណ្ឋានមន្ត្រីចរាចរណ៍ជាប់កិច្ចសន្យា ដោយកុំឱ្យមានឯកសណ្ឋានដូចមន្ត្រីនគរបាលចរាចរណ៍ ។ ការស្នើឱ្យពិនិត្យរៀបចំឡើងវិញនូវឯកសណ្ឋានមន្ត្រីចរាចរណ៍ជាប់កិច្ចសន្យានេះ ជាកិច្ចការមួយក្នុងចំណោមកិច្ចការជាអាទិភាពចំពោះមុខផ្សេងទៀត ដែលលោកឧបនាយករដ្ឋមន្ត្រី ស សុខា បានប្រកាសដោះស្រាយ និងណែនាំឱ្យមានការ កែទម្រង់ ក្នុងអាណត្តិដឹកនាំរបស់លោក ជារដ្ឋមន្ត្រីក្រសួងមហាផ្ទៃ។

អនុវត្តតាមគោលការណ៍ណែនាំខាងលើ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នារសៀលថ្ងៃទី២១ ខែវិច្ឆិកា ឆ្នាំ២០២៣ បានប្រគល់ និងឧបត្ថម្ភឯកសណ្ឋានថ្មីជូនមន្រ្តីចរាចរណ៍ជាប់កិច្ចសន្យារបស់រដ្ឋបាលរាជធានីភ្នំពេញ ដែលមានចំនួនសរុប៣០០នាក់ ដើម្បីប្រើប្រាស់ក្នុងការចូលរួមបំពេញការងារ សហការជាមួយមន្រ្តីនគរបាលចរាចរណ៍ផ្លូវគោករាជធានីភ្នំពេញ ក្នុងការថែរក្សា សណ្តាប់ធ្នាប់ សុវត្ថិភាពចរាចរណ៍ឱ្យកាន់តែមានប្រសិទ្ធភាព។

បើតាមការលើកឡើងរបស់លោកឧត្តមសេនីយ៍ឯក ជួន ណារិន្ទ ការផ្លាស់ប្តូរឯកសណ្ឋានថ្មីរបស់មន្រ្តីជាប់កិច្ចសន្យានេះ គឺមានការគាំទ្រពីលោក ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងលោក ឃួង ស្រេង អភិបាលរាជធានីភ្នំពេញ ដើម្បីឱ្យមន្រ្តីជាប់កិច្ចសន្យាបានបំពេញការងារប្រកបដោយការទទួលខុសត្រូវចំពោះការងាររបស់ខ្លួនក្នុងចូលរួមសហការជាមួយមន្រ្តីនគរបាលចរាចរណ៍ផ្លូវគោករាជធានីភ្នំពេញ។

លោកឧត្តមសេនីយ៍ឯក ស្នងការនគរបាលរាជធានីភ្នំពេញ ក៏បានកោតសរសើរ និងវាយតម្លៃខ្ពស់ចំពោះមន្រ្តីជាប់កិច្ចសន្យា ដែលបានលះបង់ពេលវេលា កម្លាំងកាយចិត្តក្នុងការចូលរួមសហការបម្រើការងារ ថែរក្សាសណ្តាប់ធ្នាប់ សុវត្ថិភាពចរាចរណ៍នៅក្នុងរាជធានីភ្នំពេញ ប្រកបដោយស្មារតីទទួលខុសត្រូវ ជាពិសេសជួយសម្រួលចរាចរណ៍ ដោះស្រាយការកកស្ទះនៅតាមដងផ្លូវ។ ប៉ុន្តែយ៉ាងណាមិញ លោកស្នងការ ក៏បានណែនាំឱ្យមន្ត្រីចរាចរណ៍ជាប់កិច្ចសន្យាទាំងអស់ខិតខំបំពេញការងារឱ្យបានសកម្មថែមទៀត ដោយអនុវត្តឱ្យបានត្រឹមត្រូវ ដើម្បីចៀសវាងកុំឱ្យមានការរិះគន់ពីប្រជាពលរដ្ឋផងដែរ។

កន្លងទៅ លោកឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ ធ្លាប់បានបញ្ជាក់ឱ្យដឹងថា មន្ត្រីចរាចរណ៍ជាប់កិច្ចសន្យា គ្រាន់តែមានតួនាទីជួយសម្រួលចរាចរណ៍តាមដងផ្លូវប៉ុណ្ណោះ គឺមិនមានសិទ្ធិឃាត់យានយន្តរបស់ប្រជាពលរដ្ឋ ដើម្បីផាកពិន័យឡើយ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

តុលាការ ម៉ាឡេស៊ី ចោទអតីតរដ្ឋមន្ត្រីហិរញ្ញវត្ថុពីបទ “មិនគោរពគោល​ការណ៍ ប្រកាសទ្រព្យសម្បត្តិ”

ព័ត៌មានអន្ដរជាតិ៤ ម៉ោង មុន

បេសកជនសិទ្ធិមនុស្ស UN បង្ហាញថា បើគ្មានអ្នកផ្ដល់សព្វាវុធ យោធា មីយ៉ាន់ម៉ា​ នឹងទន់ខ្សោយ

សន្តិសុខសង្គម៥ ម៉ោង មុន

តុលាការផ្តន្ទាទោស លោក William Guang  ឱ្យជាប់ពន្ធនាគារ៦ឆ្នាំ ពីបទលួច និងកាន់អាវុធខុសច្បាប់

ព័ត៌មានជាតិ៥ ម៉ោង មុន

មន្ត្រីជាន់ខ្ពស់ ប.ស.ស. ជំរុញផ្តល់សេវាឱ្យលឿនរហ័ស ស្របតាមកំណែទម្រង់ថ្មី

សន្តិសុខសង្គម៦ ម៉ោង មុន

១សប្ដាហ៍ សមត្ថកិច្ច ឃាត់ខ្លួនជនសង្ស័យពាក់ព័ន្ធបទល្មើសគ្រឿងញៀន២១០នាក់ និងក្មេងទំនើង១០៩នាក់

ចរាចរណ៍៤ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានជាតិ២ ថ្ងៃ មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

បច្ចេកវិទ្យា១៨ ម៉ោង មុន

កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម

ព័ត៌មានអន្ដរជាតិ៦ ថ្ងៃ មុន

រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣

ព័ត៌មានជាតិ៦ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម