ព័ត៌មានជាតិ
កន្លែងទេសចរណ៍ល្បីៗ ២៤ កន្លែងនៅខេត្តក្រចេះ ត្រៀមស្វាគមន៍ភ្ញៀវទេសចរថ្ងៃបុណ្យឆ្លងឆ្នាំសកល
រមណីយដ្ឋាននិងសហគមន៍អេកូទេសចរណ៍ធម្មជាតិជាច្រើនកន្លែងនៅក្នុងខេត្តក្រចេះ បានរៀបចំតុបតែងដើម្បីស្វាគមន៍ភ្ញៀវទេសចរណ៍ជាតិ និងអន្តរជាតិ ក្នុងឱកាសបុណ្យឆ្លងឆ្នាំសកលខាងមុខនេះ។
លោក ចាន់ សុគន្ធី ប្រធានមន្ធីរទេសចរណ៍ខេត្តក្រចេះបានឲ្យដឹងថា រដ្ឋបាលខេត្តក្រចេះមានមន្ទីរទេសចរខេត្ត ជាសេនាធិការ បានកំពុងតែរៀបចំរមណីយដ្ឋានក៏ដូចជា សហគមន៍ទេសចរទាំងអស់នៅក្នុងខេត្តក្រចេះដើម្បីត្រៀមសម្រាប់ ទទួលភ្ញៀវទេសចរជាតិអន្តរជាតិ ក្នុងឱកាសបុណ្យឆ្លងឆ្នាំសកលខាងមុខនេះ។
![](https://www.kampucheathmey.com/wp-content/uploads/2023/12/photo1703558823-6.jpeg)
![](https://www.kampucheathmey.com/wp-content/uploads/2023/12/photo1703558825-1.jpeg)
![](https://www.kampucheathmey.com/wp-content/uploads/2023/12/photo1703558823-5.jpeg)
លោកប្រធានមន្ទីរទេសចរខេត្តរំពឹងថា នៅឆ្នាំ២០២៤ ខេត្តក្រចេះនឹងទទួលបានភ្ញៀវទេសចរច្រើនជាងឆ្នាំមុន ដោយផ្អែកលើមូលដ្ឋាន រមណីយដ្ឋានអេកូទេសចរណ៍ធម្មជាតិ និងសហគមន៍ទេសចរទាំងរដ្ឋនិងឯកជនមានចំនួន ២៤ កន្លែង ក្នុងនោះរមណីយដ្ឋាននិងសហគមន៍ទេសចរដែលមានប្រជាប្រិយមានភ្ញៀវទេសចរស្គាល់និងចង់ទៅលេងកំសាន្តចាប់ពីផ្នែកខាងលើនៃដងទន្លេមេគង្គរហូតដល់ខាងក្រោម រួមមានសហគមន៍ទេសចរកោះសាមសិប ព្រះវិហារធំសសរ ១០០ រមណីយដ្ឋានទឹកជួរកាំពី រមណីយដ្ឋានអន្លង់ផ្សោត រមណីយដ្ឋានភ្នំសំបុក សហគមន៍កោះទ្រង់ ព្រះវិហារបុរាណនិងផ្ទះបុរាណសសរ ១១ រកាកណ្ដាល រមណីយដ្ឋានភ្នំសុពណ៌កាឡី និងរមណីយដ្ឋានឆ្នេរខ្សាច់សុណ៍គិរី។
លោកបានប្តថា កន្លងទៅថ្មីៗនេះលោកអភិបាលនៃគណៈអភិបាលខេត្តក្រចេះ បានដឹកនាំក្រុមការងារបច្ចេកទេសនៃមន្ទីរ ចុះណែនាំដល់បងប្អូនអាជីវករដែលប្រកបរបរសេវាកម្មទេសចរណ៍នៅក្នុងខេត្តក្រចេះ ដោយផ្ដោតសំខាន់ទៅលើ តម្លៃ សេវាកម្ម គុណភាព អនាម័យ បរិស្ថាន និងសណ្ដាប់ធ្នាប់ដើម្បីឲ្យតំបន់ទេសចររបស់ខេត្តកាន់តែល្អនិងមានភាពទាក់ទាញ អ្នកបម្រើសេវាកម្មគឺធ្វើយ៉ាងត្រូវម៉េចយកចិត្តទុកដាក់ តាមការណែនាំរបស់អាជ្ញាធរ តម្លៃកុំឱ្យថ្លៃពេកឱ្យសមរម្យអាចទទួលយកបានទាំងអ្នកទិញ ក៏ដូចជាអ្នកលក់។
![](https://www.kampucheathmey.com/wp-content/uploads/2023/12/photo1703558825-3-1024x768.jpeg)
![](https://www.kampucheathmey.com/wp-content/uploads/2023/12/photo1703558825-5-1024x768.jpeg)
![](https://www.kampucheathmey.com/wp-content/uploads/2023/12/photo1703558823-1.jpeg)
បន្ថែមពីនេះសេវាកម្ម គឺត្រូវធ្វើម៉េចឱ្យលឿនរហ័សទាន់ចិត្ត រីឯអនាម័យវិញធ្វើយ៉ាងណាត្រូវកាត់បន្ថយការប្រើប្រាស់ថង់ប្លាស្ទិច ត្រូវដាក់កន្ត្រកសំរាម និងប្រមូលសំរាមទុកដាក់ឲ្យបានត្រឹមត្រូវ ទាំងមុនពេលភ្ញៀវចូល និងជោគជ័យទៅវិញ។ ជៀសវាងការចោលសំរាមនៅក្នុងទឹក ដែលអាចបណ្ដាលឲ្យហូរតាមទឹកទៅខាងក្រោម ដែលជាហេតុបណ្ដាលប៉ះពាល់ដល់តំបន់អន្លង់ផ្សោត។
ដោយឡែក បញ្ហាសន្តិសុខស្ដាប់ធ្នាប់ គឺចាំបាច់បន្ទាប់ពីភ្ញៀវមកលេងកំសាន្ត គឺត្រូវចង់មានសន្តិសុខសណ្ដាប់ធ្នាប់ល្អ ការកំសាន្តការលំហែ គឺត្រូវតែមានសុវត្ថិភាពជូនភ្ញៀវ។ ដូច្នេះ អាជ្ញាធរនៅទីនោះបានរៀបចំការការពារផ្ញើរថយន្ត ម៉ូតូ និងត្រួតពិនិត្យការចេញចូលជូនភ្ញៀវផងដែរ៕
អត្ថបទ៖ ប្រុញ វិធិន
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ