Connect with us

ព័ត៌មានជាតិ

សន្ទុះប្រើប្រាស់រថយន្តថ្មីនៅកម្ពុជា កើនឡើង ៤៥% ខណៈរថយន្តជជុះរក្សាបានទីផ្សារ៥៥%

បានផុស

នៅ

​សន្ទុះនៃការប្រើប្រាស់រថយន្តថ្មីនៅកម្ពុជា មានការផ្លាស់ប្តូរទាំងស្រុង ដោយគិតត្រឹមឆ្នាំ ២០១៣ រថយន្តជជុះគ្របដណ្តប់ទីផ្សារប្រមាណ ៩០ភាគរយ ហើយរថយន្តថ្មីមានត្រឹម ១០ភាគរយប៉ុណ្ណោះ។ ប៉ុន្តែ១ទសវត្សក្រោយមក នៅឆ្នាំ ២០២៣ ការប្រើប្រាស់រថយន្តថ្មីបានកើនឡើងរហូតដល់ ៤៥ភាគរយ ខណៈរថយន្តជជុះរក្សាបានទីផ្សារនៅត្រឹម ៥៥ភាគរយប៉ុណ្ណោះ។ នេះបើតាមការបញ្ជាក់របស់លោក សឿន ដារ៉ា នាយកប្រតិបត្តិសហព័ន្ធឧស្សាហកម្មយានយន្តកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សឿន ដារ៉ា បានលើកឡើងថា កម្ពុជា បានអនុម័តច្បាប់វិនិយោគថ្មីនៅក្នុងខែ កញ្ញា ឆ្នាំ ២០២១ និងផែនទីបង្ហាញផ្លូវក្នុងការអភិវឌ្ឍវិស័យយានយន្ត និងអេឡិចត្រនិកនៅចុងឆ្នាំ ២០២២។ បន្ទាប់ពីគោលការណ៍ទាំងពីរនេះ ត្រូវបានអនុម័ត កម្ពុជា ទទួលបានការវិនិយោគជាបន្តបន្ទាប់ពីក្រុមហ៊ុនបរទេសលើវិស័យយានយន្ត។ ជាក់ស្តែងមានដូចជា ក្រុមហ៊ុន Ford នៅពោធិ៍សាត់ ក្រុមហ៊ុន Kia Cambodia នៅប៉ោយប៉ែត ក្រុមហ៊ុន ISUZU Cambodia នៅកំពង់ស្ពឺ និងថ្មីៗនេះ ក្រុមហ៊ុន GTV ជាដើម ហើយនៅពាក់កណ្តាលឆ្នាំ ២០២៤ ក្រុមហ៊ុន Toyota នឹងបើកសម្ពោធក្រុមហ៊ុនរបស់ខ្លួននៅជាយរាជធានីភ្នំពេញផងដែរ។

នាយកប្រតិបត្តិសហព័ន្ធឧស្សាហកម្មយានយន្តកម្ពុជា បានកត់សម្គាល់ឃើញថា កន្លងមកកម្ពុជា គឺជាប្រទេសនាំចូលរថយន្តសឹងតែទាំងស្រុងពីក្រៅប្រទេស ពោលគឺជាប្រទេសដែលប្រើប្រាស់រថយន្តមួយទឹក ឬរថយន្តជជុះ។ ប៉ុន្តែចាប់ពីពេលនេះទៅ កម្ពុជា អាចដំឡើងរថយន្តនៅក្នុងស្រុកបាន និងកាត់បន្ថយការប្រើប្រាស់ឡានជជុះ ងាកមកប្រើប្រាស់ឡានថ្មីជំនួសវិញ។

បើតាមលោក ដារ៉ា ភាគច្រើនដែលពេញនិយម គឺរថយន្តប្រភេទគ្រួសារ SUV ខ្នាតមធ្យម និងខ្នាតតូច ដែលមានតម្លៃជាង ២ម៉ឺន ទៅ ៣ម៉ឺនដុល្លារស្តើង គឺកំពុងមានទីផ្សារខ្លាំង។ «កន្លែងនេះ គឺបញ្ជាក់ច្បាស់ពីសេដ្ឋកិច្ចកម្ពុជា តែម្តង នៅពេលសេដ្ឋកិច្ចកើនឡើងប្រជាពលរដ្ឋមានចំណូលខ្ពស់ តម្រូវការរថយន្តថ្មី មានគុណភាព និងសុវត្ថិភាព ក៏មានការកើនឡើងផងដែរ»។ នេះជាការមើលឃើញរបស់លោក សឿន ដារ៉ា។

លើសពីនេះទៀត លោក សឿន ដារ៉ា បានសង្កត់ធ្ងន់ថា រថយន្តថ្មីដែលដំឡើងនៅកម្ពុជា បានអនុលោមតាមស្តង់ដារទីផ្សារអន្តរជាតិ ដោយមានការអនុម័តពីវិទ្យាស្ថានស្តង់ដារក្រសួង ឧស្សាហកម្ម វិទ្យាសាស្ដ្រ បច្ចេកវិទ្យា និងនវានុវត្តន៍។

លោក ចាន់ សុផា អគ្គនាយកនៃអគ្គនាយកដ្ឋានស្តង់ដារកម្ពុជា បានលើកឡើងថា បច្ចុប្បន្នរាជរដ្ឋាភិបាល បានដាក់ចេញនូវស្តង់ដារសុវត្ថិភាពចំនួន ២២ ដែលជាបទប្បញត្តិពាក់ព័ន្ធនឹងសុវត្ថិភាពរថយន្ត ដើម្បីបំពេញតាមលក្ខខណ្ឌច្បាប់ និងតម្រូវចិត្តអថិតិជន។ ដូច្នេះរថយន្តដែលដំឡើងនៅកម្ពុជាទាំងអស់ ត្រូវតែបំពេញនូវលក្ខខណ្ឌសុវត្ថិភាពទាំង ២២នេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៥ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

ព័ត៌មានជាតិ៦ ថ្ងៃ មុន

ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន

ជីវិតកម្សាន្ដ៤ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

សន្តិសុខសង្គម៧ ថ្ងៃ មុន

 ផ្ទុះអាវុធ៤គ្រាប់ ក្នុងប្រតិបត្តិការបង្ក្រាបគ្រឿងញៀន នៅក្រុងសៀមរាប

ព័ត៌មានជាតិ៥ ថ្ងៃ មុន

អគ្គស្នងការដ្ឋាននគរបាលជាតិ ប្រារព្ធពិធីបំពាក់ឋានន្ដរស័ក្ដិ និងប្រកាសចូលកាន់តំណែង ដល់លោក ហែម សុវត្ថិ

Sokha Hotels

ព័ត៌មានពេញនិយម