ព័ត៌មានជាតិ

រដ្ឋមន្ត្រីសុខាភិបាល ណែនាំមន្ត្រីក្រោមឱវាទ ត្រូវប្រកាន់យកគុណតម្លៃរួមមួយ គឺ “ទុក្ខរបស់អ្នកជំងឺ គឺជាទុក្ខរបស់គ្រូពេទ្យ”

បានផុស

២ years មុន

នៅ

ថ្ងៃពុធ ២៨ កុម្ភៈ ២០២៤

ដោយ

លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានណែនាំដល់មន្ត្រីក្រោមឱវាទក្រសួងទាំងអស់ ត្រូវប្រកាន់យកគុណតម្លៃរួមមួយ គឺ “ទុក្ខរបស់អ្នកជំងឺ គឺជាទុក្ខរបស់គ្រូពេទ្យ” ដើម្បីជំរុញឱ្យប្រជាពលរដ្ឋកាន់តែមានទំនុកចិត្តមកលើសេវាសុខាភិបាលបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការធ្វើបាឋកថាស្ដីពី “ការរៀបចំសេវាសាធារណៈដោយផ្តោតលើតម្រូវការប្រជាពលរដ្ឋ” តាមប្រព័ន្ធវីដេអូសន្និសីទ ជូនដល់មន្ត្រីក្រោមឱវាទក្រសួងសុខាភិបាល កាលពីរសៀលថ្ងៃទី ២៧ កុម្ភៈ លោករដ្ឋមន្ត្រី ក៏បានលើកយកប្រធានបទ ការផ្តល់សេវាសាធារណៈ ដោយផ្តោតលើតម្រូវការប្រជាពលរដ្ឋដែលផ្តោតសំខាន់ឱ្យអ្នកផ្តល់សេវាសាធារណៈទាំងអស់ ជាពិសេសអ្នកផ្តល់សេវានៅតាមមន្ទីរពេទ្យ និងមណ្ឌលសុខភាព យកចិត្តទុកដាក់រៀបចំសេវាសុខាភិបាល ឱ្យឆ្លើយតបតាមតម្រូវការរបស់ប្រជាជន និងរិះរកគ្រប់វិធីសាស្ត្រ ដើម្បីធ្វើឱ្យអ្នកមកប្រើប្រាស់សេវាទទួលបានបទពិសោធល្អ ពីសេវាសុខាភិបាលសាធារណៈ ដែលកត្តានេះ នឹងជំរុញប្រជាពលរដ្ឋកាន់តែមានទំនុកចិត្តមកលើសេវាសុខាភិបាលបន្ថែមទៀត។

លើសពីនេះ លោករដ្ឋមន្ត្រី បានដាក់ចេញនូវគុណតម្លៃរួមមួយសម្រាប់ស្ថាប័នសុខាភិបាលទាំងមូល ត្រូវប្រកាន់យក គឺ “ទុក្ខរបស់អ្នកជំងឺ គឺជាទុក្ខរបស់គ្រូពេទ្យ”។ គុណតម្លៃនេះ ត្រូវបានមន្ត្រីក្រោមឱវាទទាំងអស់ ទទួលយក និងត្រៀមយកទៅអនុវត្តឱ្យទទួលបានជោគជ័យ៕

អត្ថបទ ៖ សំអឿន