ព័ត៌មានជាតិ
ស៊ីម៉ាក់រកឃើញគ្រាប់មីនមិនទាន់ផ្ទុះជាង ១០០ គ្រាប់ នៅភ្នំស្វាយ
ព្រះសង្ឃមួយអង្គបាននិមន្តដើរជាន់គ្រាប់មីន បន្សល់តាំងពីសម័យសង្រ្គាម បណ្តាលឲ្យផ្ទុះរងរបួសធ្ងន់ ក្រោយកើតហេតុ មន្ត្រីអាជ្ញាធរមូលដ្ឋានបានរាយការណ៍ឲ្យមជ្ឈមណ្ឌលសកម្មភាពកំចាត់មីនកម្ពុជា (CMAC) ចុះមករាវរកដោះគ្រាប់មុីនបានជាង ១០០គ្រាប់បន្ថែមទៀត។
ហេតុការណ៍នេះ បានកើតឡើងនៅម៉ោង ១១ ព្រឹកថ្ងៃទី ២៩ ខែកុម្ភៈ ២០២៤ ស្ថិតនៅលើបរិវេណភ្នំស្វាយ ក្នុងភូមិ អូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
ប្រភពព័ត៌មានពីមន្ត្រីមូលដ្ឋានបានឱ្យដឹងថា មុនពេលកើតហេតុនោះមានព្រះសង្ឃ១អង្គបាននិមន្តដើរចេញពីកុដិ ក្នុងបរិវេណវត្តបរមបូរព្រឹក្ស ភ្នំស្វាយ ដូចធម្មតា ស្រាប់តែបានដើរប៉ះចំគ្រាប់មីនដែលបន្សល់តាំងពីសម័យសង្គ្រាមបណ្តាលឲ្យផ្ទុះរបួសធ្ងន់ ក្រោយពីកើតហេតុហើយត្រូវបានប្រជាពលរដ្ឋបញ្ជូនទៅសង្គ្រោះនៅមន្ទីរពេទ្យភ្លាមៗ ហើយបានរាយការណ៍ទៅស៊ីម៉ាក់ចុះមក ធ្វើប្រតិបត្តិការបោសម្អាតមីនបន្តរុករកឃើញគ្រាប់មីនមិនទាន់ផ្ទុះបានជាង ១០០គ្រាប់បន្ថែមទៀត ចំនួនដ៏ច្រើនសន្ធឹកសន្ធាប់ នេះបង្កឲ្យមានភ័យខ្លាចរបស់ព្រះសង្ឃ មន្ត្រីរាជការ ពិសេស ប្រជាពលរដ្ឋ ដែលរស់នៅចំណុចលើភ្នំនេះព្រោះពួកគាត់ ដើរលុកលុយជាប្រចាំ រាប់ខែ រាប់ឆ្នាំមកហើយ។
ប្រភពដដែលបានឱ្យដឹងថា នៅក្នុងសម័យសាធារណរដ្ឋប្រជាមានិតកម្ពុជា និងសម័យរដ្ឋកម្ពុជា លើភ្នំស្វាយនេះ ជាមូលដ្ឋាកងទ័អាកាសតាំងកាំភ្លើងបាញ់យន្តហោះ និងទ័ពជើងគោកតាំងកំភ្លើងធំ សម្រាប់វាយកម្លាំងសត្រូវនៅជុំវិញកងទ័ពបានដាក់មីន និងទុកគ្រាប់សម្រាប់ប្រើប្រាស់ជាដើម។
ភ្នំស្វាយនេះមានទីតាំងស្ថិតក្នុងចំបេះដូរបស់ខេត្តបន្ទាយមានជ័យតែម្តង សព្វថ្ងៃនេះ លើភ្នំគេដាក់ អង់តែន វិទ្យុ ទូរទស្សន៍ ទូរស័ព្ទ និងមានប្រជាពលរដ្ឋគ្រប់ថ្នាក់ឡើងមកកំពូលភ្នំ លេងមើលទេសភាព ឬហាត់ប្រាណ ជាប្រចាំចំណែកឯជើងភ្នំវិញព័ទ្ធទៅដោយ សាលាខេត្ត តុលាការ មូលដ្ឋានអាវុធហត្ថខេត្ត សង្កាត់ បុស្តិ៍នគបាល ពិសេសមានប្រជាពលរដ្ឋរស់នៅចំរុះ។
ភ្នំស្វាយកន្លងមក ពេលមានករណីភ្លើងរាលឆេះស្មៅ និងព្រៃស្ទើររាល់ឆ្នាំ មន្ត្រីអាជ្ញាធរដែន និងកងកម្លាំងនគរបាល កងទ័ព កងរាជអាវុធហត្ថ និងអ្នកពាក់ព័ន្ធនិងក្រុមជួយពន្លត់បានដើរលុកលុយពន្លត់ភ្លើង ដោយធ្វេសប្រហែស ភ្លេចគិតថាលើភ្នំនេះនៅសេសសល់គ្រាប់មីន និងយុទ្ធភ័ណ្ឌដ៏ច្រើន៕
អត្ថបទ៖ វ៉ាន់ ណាង
-
សេដ្ឋកិច្ច៦ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៤ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ជីវិតកម្សាន្ដ៥ ថ្ងៃ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
ព័ត៌មានជាតិ២ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ព័ត៌មានអន្ដរជាតិ៣ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
នយោបាយ៥ ថ្ងៃ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
-
ព័ត៌មានអន្ដរជាតិ៦ ថ្ងៃ ago
អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ
-
ព័ត៌មានជាតិ២ ថ្ងៃ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក