Connect with us

ព័ត៌មានជាតិ

ខេត្តសៀមរាប កំពុងរៀបចំតុបតែងកែលម្អភ្លើង និងរៀបចំកន្លែងកម្សាន្តជាច្រើន សម្រាប់ព្រឹត្តិការណ៍ “សៀមរាបសង្ក្រាន្ត”

បានផុស

នៅ

លោក នាក់ ណេរ៉ុន អភិបាលរងខេត្តសៀមរាប បានឱ្យដឹងថា ខេត្តសៀមរាប កំពុងរៀបចំតុបតែងកែលម្អភ្លើង និងរៀបចំកន្លែងកម្សាន្តជាច្រើន សម្រាប់ព្រឹត្តិការណ៍ “សៀមរាបសង្ក្រាន្ត” ។ លោកបានឱ្យដឹងបែបនេះ ក្នុងពេលដឹកនាំបើកកិច្ចប្រជុំអនុគណ:កម្មការខ្លឹមសារព័ត៌មាន និងពិធីការសម្រាប់ព្រឹត្តិការណ៍ “សៀមរាបសង្ក្រាន្ត” ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំនេះ ធ្វើឡើងកាលពីរសៀលថ្ងៃទី១០ ខែមេសា ឆ្នាំ២០២៤ ដើម្បីធ្វើការពិនិត្យ ពិភាក្សាការងារ និងភារៈកិច្ច ដែលបានបែងចែកទៅតាមក្រុមការងារ ទទួលខុសត្រូវរៀងៗខ្លួន ជាមួយថ្នាក់ដឹកនាំមន្ទីរអង្គភាពពាក់ព័ន្ធធ្វើឱ្យព្រឹត្តិការណ៍ “សៀមរាបសង្ក្រាន្ត” ប្រព្រឹត្តិទៅដោយរលូន។

លោក នាក់ ណេរ៉ុន បានបញ្ជាក់ថា ព្រឹត្តិការណ៍ “សៀមរាបសង្ក្រាន្ត” មានកម្មវិធិធំៗ ចំនួន៥ រួមមាន នៅព្រឹកថ្ងៃទី១២ ខែមេសា មានពិធីក្រុងពាលីបើកព្រឹត្តិការណ៍ “សៀមរាបសង្ក្រាន្ត”។ ចំណែក នៅព្រឹកថ្ងៃទី១៣ ខែមេសា ពិធីបើកព្រឹត្តិការណ៍ “សៀមរាបសង្ក្រាន្ត” ក្រោមអធិបតីភាព នាយឧត្តមសេនីយ៍ ទៀ សីហា ឧបនាយករដ្ឋមន្ត្រី មន្ត្រីក្រសួងការពារជាតិ។ រីឯនៅថ្ងៃទី១៤ ខែមេសា ដំណើរការកម្មវិធីក្នុងភូមិ និង សកម្មភាពតាមតំបន់នានា មានល្បែងរបាំប្រជាប្រិយប្រពៃណីខ្មែរ។ លុះនៅថ្ងៃទី១៥ ខែមេសា កម្មវិធីប្រកួតវាយកូនគោល “សៀមរាបសង្ក្រាន្ត” ឆ្នាំ២០២៤ កម្មវិធីសាសនា ពូនភ្នំខ្សាច់ និង នៅថ្ងៃទី១៦ ខែមេសា កម្មវិធីសាសនា ពិធីស្រង់ព្រះជាដើម។

លោក នាក់ ណេរ៉ុន បានបន្តថា មកទល់ពេលនេះក្រុមការងារបាននឹងកំពុងរៀបចំតុបតែងកែលម្អភ្លើង និងរៀបចំកន្លែងកម្សាន្តជាច្រើនក្នុងក្រុងសៀមរាប ដើម្បីត្រៀមទទួលភ្ញៀវទេសចរជាតិ និងអន្តរជាតិឱ្យមកទស្សនាកម្សាន្ដ ដើម្បីលើកស្ទួយវប្បធម៌ ទំនៀមទម្លាប់ និងប្រពៃណីជាតិ ក៏ដូចជាផ្តល់ឱកាសជូនប្រជាពលរដ្ឋ ព្រមទាំងការទាក់ទាញភ្ញៀវទេសចរជាតិ និងអន្តរជាតិ បានចូលរួមកម្សាន្តសប្បាយៗ ក្នុងឱកាសពិធីបុណ្យចូលឆ្នាំថ្មី ប្រពៃណីជាខ្មែរ។ ជាមួយគ្នានោះ លោកក៏បានជំរុញឱ្យមន្ទីរព័ត៌មានខេត្តសៀមរាប និងរដ្ឋបាលខេត្ត ធ្វើយ៉ាងណាត្រូវចូលរួមផ្សព្វផ្សាយព័ត៌មានឱ្យបានទូលំទូលាយ ជុំវិញព្រឹត្តិការណ៍“សៀមរាបសង្ក្រាន្ត” ចាប់ពិថ្ងៃទី១៣-១៦ ខែមេសា ឆ្នាំ២០២៤ ខាងមុខនេះ។

សូមបញ្ជាក់ថា ព្រឹត្តិការណ៍ “សៀមរាបសង្ក្រាន្ត” ឆ្នាំ២០២៤ នេះ មានគោលបំណងផ្តល់ឱកាសឱ្យយុវជន ក៏ដូចជាសាធារណជនខ្មែរទូទៅ បានចូលរួមអបអរសាទរពិធីបុណ្យចូលឆ្នាំថ្មី ប្រពៃណីជាតិនៅលើទឹកដីប្រវត្តិសាស្ត្រសៀមរាបអង្គរ ជាលក្ខណៈមហាគ្រួសារខ្មែរតែមួយ។ ព្រឹត្តិការណ៍នេះ ក៏នឹងបានផ្តល់ឱកាសឱ្យកម្ពុជា ជាពិសេស ខេត្តសៀមរាប បានផ្សព្វផ្សាយលើកតម្កើងពីអរិយធម៌វប្បធម៌ ទំនៀមទម្លាប់ ប្រពៃណីដ៏ផូរផង់របស់ប្រជាពលរដ្ឋខ្មែរ ជូនភ្ញៀវជាតិ និងអន្តរជាតិ ដើម្បីស្វែងយល់ព្រមទាំងពង្រីកកិត្យានុភាពនៅក្នុងតំបន់ នឹងទៅលើពិភពលោកជាដើម៕

អត្ថបទ៖ គឿន វេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៤ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៥ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៦ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៦ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៦ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៧ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង៤ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ២០ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ៩ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៨ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម