ព័ត៌មានជាតិ

ពិធីអាពាហ៍ពិពាហ៍ជាង៥០រោងនៅខណ្ឌទួលគោកត្រូវបានពន្យាពេល ដើម្បីទប់ស្កាត់ការឆ្លងជំងឺកូវីដ-១៩ ក្នុងព្រឹត្តិការសហគមន៍២០កុម្ភៈ

បានផុស

៥ years មុន

នៅ

ថ្ងៃសៅរ៍ ២៧ កុម្ភៈ ២០២១

ដោយ

Sokhom Khon

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងមូលដ្ឋានខណ្ឌទួលគោកមានពិធីរៀបអាពាហ៍ពិពាហ៍ជាង៥០រោងត្រូវបានពន្យាពេល ក្នុងចំណោមពិធីរៀបអាពាហ៍ពិពាហ៍ជាង៧០រោង ដើម្បីទប់ស្កាត់ការឆ្លងជំងឺកូវីដ-១៩ ក្នុងព្រឹត្តិការសហគមន៍២០កុម្ភៈនេះ ។

អភិបាលនៃគណៈអភិបាលខណ្ឌទួលគោក លោក ឯក ឃុនដឿនបញ្ជាក់ឲ្យដឹងនៅរសៀលថ្ងៃ២៧ ខែកុម្ភៈ ឆ្នាំ២០២១នេះថា នៅក្នុងមូលដ្ឋានខណ្ឌទួលគោក បងប្អូនប្រជាពលរដ្ឋដែលជាប់កិច្ចសន្យានៃការរៀបអាពាហ៍ពិពាហ៍ចំនួនជាង៧០រោង។ ប៉ុន្តែក្នុងចំនួននេះ មានជាង៥០រោងហើយដែលបងប្អូនប្រជាពលរដ្ឋបានលុបចោល ដោយនឹងបន្តទៅថ្ងៃក្រោយទៀត ដើម្បីកុំឲ្យឆ្លងជំងឺកូវីដ-១៩ ក្នុងព្រឹត្តិការសហគមន៍២០កុម្ភៈនេះ។

លោក ឯក ឃុនដឿន ក៏បានបញ្ជាក់ទៀតថា ក្នុងមូលដ្ឋានខណ្ឌទួលគោក ឲ្យតែមានពិធីបុណ្យនិងពិធីមង្គលការ អនុវត្តទៅតាមការណែនាំរបស់លោក ឃួង ស្រេង អភិបាលនៃគណៈអភិបាលរាជធានីភ្នំពេញ អាជ្ញាធរយើងតែងធ្វើការណែនាំដល់កន្លែងពិធីបុណ្យក៏ដូចជាពិធីមង្គលទាំងអស់ ដើម្បីឱ្យពួកគាត់អនុវត្តវិធានទៅតាមការណែនាំរបស់រដ្ឋបាលរាជធានីភ្នំពេញនិងក្រសួងសុខាភិបាល ។ចំណែកម្ចាស់ដើមការនិងម្ចាស់ដើមបុណ្យត្រូវទទួលខុសត្រូវដោយខ្លួនឯងចំពោះការរៀបចំពិធីនេះ។

លោក ឯក ឃុនដឿន ក៏បានបញ្ជាក់ទៀតថា រាល់ការលុបកិច្ចសន្យានៃការរៀបអាពាហ៍ពិពាហ៍ មានអ្នកខ្លះលើកពេលរហូតដល់បំណាច់ខែមិនាឯណោះ ។ ប៉ុន្តែទោះបីជាយ៉ាងណាក្តីការពន្យារពេលនៃការលុបកិច្ចសន្យានេះខាងរោងការគេមិនមានការផាកពិន័យនោះទេ ដោយពួកគាត់សុខចិត្តចូលរួម ក្នុងការទប់ស្កាត់ការឆ្លងជម្ងឺកូវីដ-១៩ ក្នុងព្រឹត្តិការសហគមន៍២០កុម្ភៈនេះទាំងអស់គ្នា៕

អត្ថបទ ៖ ស្រីរ័ត្ន